2 Ko-Kɔrɔta-Karan 28:5 - ALLALA KUMƐ

^5-6 Bawo ale Mansa Ehasi ara hakɛ kɛ Mari la, woletɔ ata Mari Alla ya a ma, Siriya mansɛ ya a nɔ ka ta ala nyamanita-mɔgɔ-siyaman na biralɛ rɔ Damasika soe burɔ. Wo kɔma fanan, Mari ya a ma, Rɛmalayala den Mansa Peka ya ale Mansa Ehasi nɔ. A ya kɛlɛ-kurugba mɔgɔ waga kɛmɛ ani mɔgɔ waga mogan (120,000) faga Yuda nyamanɛ rɔ tele kelen kɔrɔ. Anu benbanuta Mari Alla sɔnta wo ma bawo Yuda mɔgɛnu bara anu ban ale la.

2 Ko-Kɔrɔta-Karan 28:5 ပူးပေါင်းရင်းမြစ်များ

2 Ko-Kɔrɔta-Karan 24:24

Hali Siriyanu ma siya, Mari sɔnta ko anu ni Yuda kɛlɛ-den-siyamɛnu nɔ bawo anu bara anu kan-kɔ sɔ anu benbanuta Mari Alla la. Mari ya Mansa Yohasi tɔrɔ nya min, wo le kɛ la.

2 Ko-Kɔrɔta-Karan 29:9

Ka a tɛgɛ ma benbanu ya min ma, ma fanu kunyɛ tora kɛlɛ rɔ. Kɛlɛ tara mala dannu anubɛ mala musinu na.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

2 Ko-Kɔrɔta-Karan 36:5

Mansa Yahoyakim ya mansayɛ sɔrɔn Yuda nyamanɛ rɔ a sɔrɔn-san mogan-ni-loli nyɔgɛ le ma. San tan-ni-kelen, a ye mansayɛ la ka bɔ Yerusalɛm soe burɔ kɔnɔ a bilara ata Mari Alla la.

Aiseya 7:1

Mansa Yotamna den, Mansa Ehasi, Mansa Yusaya mamanɛ, kɔni, wo ye Yuda nyamanɛ kun na tumɛ min, kɛlɛ donta nyamanɛ kun na. Siriyanuna Mansa Risen anubɛ Isirɛla mansɛ Rɛmalayala den Peka, wonu nadɛnta ka Mansa Ehasi kɛlɛ Yuda nyamanɛ rɔ. Kɔnɔ anu ma ke Yerusalɛm nɔla, Yuda nyamanɛla so-karantan, kɔni.

Aiseya 7:6

Anu miriya bɛnni ma fenfen ma fɔ ka bui Yuda nyamanɛ ma ka ala mɔgɛnu takilan alako ala nyamanita-mɔgɛnu si kofu anu ma nya min. Wo kɔma, anu ni na to Tabiyɛlila dan mala mansɛ la a gbɛ rɔ.

Isikiyɛli 16:57

Yanni ile sɔn-yogomɛ ni bɔ gbɛ rɔ, i ma yɛlɛn anu ma nun, ba? Ile fanan bara ma yɛlɛnma-fan la iko anu denu. I gbo minnu ye iko Idɔm kɛnu anubɛ Filisitinu anubɛ sibolo-gbɛrɛ minnu bi wola foolɛ rɔ, i wara ma yɛlɛnma-fan la wonu fanan ye.

Kɛlɛ-Kurugbɛnu 2:14

Woletɔ Mari fonde bɔra Isirɛla mɔgɛnu kan ma. Mari sɔnta ko kankannu ni bui anu ma. Anu yoge minnu bi anuna foolɛ rɔ, Mari sɔnta ko wonu ni Isirɛlanu nɔ. Wo le ya a ma, Isirɛla mɔgɛnu ma ke anu nyɛrɛma-kɛlɛ kɛla.