2 Ko-Kɔrɔta-Karan 26:9 - ALLALA KUMƐ

⁹ Ale Mansa Yusaya ya Yerusalɛm soe tarɛ sɔ fanka rɔ ka tenbi a fɔlɔtɛ la. A ya bondɔn-nayan-bɛ donu sɔ. A ya kelan sɔ Tonke Don-Dɛ la. A tara kelan sɔ don-dɛ la fanan min bi lɛɛ telen tɔ. A tara kelan sɔ tarɛ radura kan min.

2 Ko-Kɔrɔta-Karan 26:9 ပူးပေါင်းရင်းမြစ်များ

2 Mansɛnu 14:13

Mansa Yɛhowasi ya Mansa Hamasa bira. Wo kɔma, ale Mansa Yɛhowasi tara bui Yerusalɛm soe ma. Anu ya soe wo tarɛ tinya ka a bi don-dɛ min tɔgɛ Ifɛrɛm ha ka ta ke don-dɛ min tɔgɛ Tonke. Anu ya wo dama sa dugi ma fugbu! Anu ya tarɛ kan tinɛ min keri ka a bi a kundi doi ma ka ta a sigi a kundi doi la, nunkan-nya kɛmɛ nani (400).

2 Ko-Kɔrɔta-Karan 25:23

Isirɛla Mansa Yɛhowasi ya Mansa Hamasa bira ka ta bui Yerusalɛm soe ma. Anu ya soe wo tarɛ tinya ka a bi Ifɛrɛm don-dɛ ma ha ka ta ke Tonke don-dɛ ma. Anu ya wo dama sa dugi ma dundulu! Anu ya tarɛ kan tinɛ min keri ka a bi a kerinɛ dan doi ma ka ta a sigi a kerinɛ dan doi la, nunkan-nya kɛmɛ nani.

Nihɛmaya 2:13

Nna bɔɛ soe wo rɔ, n bɔra tarɛ don-dɛ do la min tɔgɛ ko Lɛɛ. Wo ye tele-yigi wara la le. N ya n tintan ka ta n bolo-maran wara la. N tara tenbi Ninkinankɛ Tenke la ka ta ke don-dɛ wo wara la min tɔgɛ Nyɛ-Rawuya-Dɛ. N bi tala Yerusalɛm tara kerinɛ wo lakɔrɔsila n bolo fɛ. Don-dɛ minnu bara mintan, n bi wonu fanan mafɛlɛnna tala.

Nihɛmaya 2:15

N ma ke kila sɔrɔnna nyɔ min kɛ, n yigira fole la ka ta tarɛ lakɔrɔsila. N ya soe lafoo wo nya na le pit! N donta don-dɛ la tun min tɔgɛ Lɛɛ n gbɛ rɔ.

Nihɛmaya 3:13

Henɔn anubɛ Sanowa kɛnu ya tarɛ don-dɛ ladan min tɔgɛ ko Lɛɛ. Wonu ya a kankan anubɛ a da-rasɔgɔ-fan bɛɛ ladan. Wo kɔma, anu ya tarɛ min sɔ, ala yanyɛ nunkan-nya waga kelen. Wo le ye tala fɔɔ don-dɛ min tɔgɛ ko Nyɛ-Rawuya don-dɛ.

Nihɛmaya 3:24

Hɛnadadila den Binuwai, wo le ya nyɔ-tatugunnɛ sɔ ka a bi Asarayatɛ dan ma ha tarɛ tonke.

Nihɛmaya 3:32

Sɛnɛ-siyakinu anubɛ yilanu, wonu ya nyɔ-tatugunnɛ laban sɔ ka a dabira konko wo ma ha ka ke don-dɛ ma min tɔgɛ ko Sagɛ.

Yɛrɛmaya 31:38

Mari ko wati ye nala, ka a bi Hananɛli kan-tina-layan-bɛ ma ka ta ke don-dɛ ma min tɔgɛ “Tonke,” nyɔ mumɛ bɛɛ si sɔ tun ka ma ale Marita so-kunbɛ la, Yerusalɛm soe, kɔni.

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.