2 Ko-Kɔrɔta-Karan 26:5 - ALLALA KUMƐ

⁵ Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

2 Ko-Kɔrɔta-Karan 26:5 ပူးပေါင်းရင်းမြစ်များ

Ko-Dabirɛnu 41:15

Mansɛ wo ya a fɔ Yusufu ye ko, “N bara kiyo min sa, mɔgɔ-wo-mɔgɔ ma ke nna kiyo wo kɔrɛ fɔla n ye. Kɔnɔ n bara ile wara-koe lamɔɛn ko ile si ke le ka mɔgɛnuna kiyo kɔrɛ rakaran.”

Ko-Dabirɛnu 41:38

Mansɛ ya a fɔ ala mɔgɔ-banu ye ko, “Ma si ke mɔgɔ-kɛndɛ-gbɛrɛkɛ sɔrɔnna Allata sɛnbɛ ye min tɔ iko Yusufu kɛ?”

2 Mansɛnu 15:34

A ya koe min bɛɛsi ma ala mansayɛ kɔrɔ, wo ya Mari hɛnɛ bawo a ya a fa Mansa Yusaya sɔn bi.

1 Ko-Kɔrɔta-Karan 22:11

Mansa Dawuda ya a fɔ tun ko, “Nna den, alamɛ ita Mari Alla tora i fɛ. A ni ala lanyiri latɔnbagaya i ye alako i ni ata Bato-Bɔn sɔ.

1 Ko-Kɔrɔta-Karan 22:13

Mari ya tɔn min bɛɛsi di Nɛbi Musa ma, ni i ya wonu bira, i wara-koe si ta yarɔ. I yisi gbɛlɛya ka i kerinteya. Fenfen kana a ma, i ni kilan.

2 Ko-Kɔrɔta-Karan 14:6

A ya a fɔ Yuda mɔgɛnu ye ko, “Ma ni nyamanɛ-kumafɛlɛn-bɛndɛ-layan-bɛnu sɔ ka tarɛ mini mata soe donu ma ka don-dɛ to anu ma minnu si balan. Nyamanɛ ara ma matɛ la bawo ma ara mata Mari Alla sako kɛ. Alla ara kilɛ tɛgɛ ma yogenu ma mala foolɛ bɛɛ rɔ.” Wo le ya a ma, a ya tarɛnu mini soe donu ma Yuda nyamanɛ rɔ bawo Mari ara yisi-kimɛ di anu ma.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 24:2

Fananta Saraka-Masɔla Yɛhoyada ye a kɛndɛ la, Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ.

2 Ko-Kɔrɔta-Karan 25:8

Ile mirinɛ ko Isirɛla kɛlɛ-dannu si i fanka lakoloya kɛlɛ rɔ, wa? Wo sɛnbɛ ye Alla le bolo alako i ni nɔ-ko sɔrɔn, ni wo ma, anu denu ni i nɔ, ado ale le si a ma, i yogenu ni i nɔ.”

2 Ko-Kɔrɔta-Karan 26:4

Mansa Yusaya ya a fa Mansa Hamasa sɔn bi ka Mari hɛnɛ.

2 Ko-Kɔrɔta-Karan 27:6

Mansa Yotam bi ata Mari Allata kumɛ tola a gbɛ rɔ min kɛ, a ya sɛnbɛ sɔrɔn ata mansayɛ rɔ kosɛbɛ!

2 Ko-Kɔrɔta-Karan 29:1

Hɛsakaya mara mansɛ la a sɔrɔn-san mogan-ni-loli nyɔgɛ le ma. San mogan-ni-kɔnɔntɔ fanan, a ye mansayɛ la ka bɔ Yerusalɛm soe burɔ. A na le Sakarayala den Abaya la.

2 Ko-Kɔrɔta-Karan 32:30

Ale Mansa Hɛsakaya ya Kiyɔn tenke gberen ka kilɛ di yi wo ma ha a tugura Yerusalɛm so-tarɛ burɔ. Mansɛ ya a bole bila fen min bɛɛ rɔ, wo sabatira.

Yaburi 1:3

Mɔgɔ-sufa wo mani de iko kɔlɔma-kuri min kinɛ yi da la. A si gbɔ a tumɛ rɔ. A yanba-kunyɛ fanan ti gbala mumɛ! Mɔgɛ wo wa a bole don fenfen tɔ, wo ti sɛgi kɔma.

Daniyɛli 1:17

Alla ya hɛnkili di kemini-mɔgɔ nanɛ kɛnu ma ka buku-sɛbɛnɛ damasi kɔrɛ lɔn. Min sanɛ wo kuma, Alla ya a ma, Daniyɛli mara kiyo-kɔrɛ anubɛ ko-rayennɛ-takarannɛ la.

Daniyɛli 10:1

Pasiya Mansa Sairasila mansayɛ san sawa nyɔgɛ ma, Alla ya koe do yira nde, Daniyɛli la. N tɔgɛ le fanan Bɛlitisasa. Sarakanɛ wo, tonyɛ le kɔnɔ a ragbɛ ma di. Yanni n ni kɛ nya-yen, Mari ya ko-rayirɛ kɛ n ye.

Daniyɛli 2:19

Wulɔn suyi nyɛrɛ rɔ, Alla ya ko-dogonnɛ ragbɛ Daniyɛli ye ka kiyo wonubɛ a kɔrɛ yira a la. Daniyɛli ya Arinyɛnɛ-Tigi Alla matɔgɔ ko,

Daniyɛli 5:16

N bara a lamɔɛn fanan ko ile si ke ko-dogonnɛnu kɔrɛ lɔnna le. Hali kɔndɔfili-koenu, i si wonu nya-yen. Ni ile kera sɛbɛli kɛ rakaranna ka a kɔrɛ fɔ n ye, n si ko sawa ma i ye. N si duruki-ba-hakikɛnu di i ma. N si sɛnɛ-yɔlɔkɛ bila i kan na. Wo kɔma, n si i tugun nna kandɛ la nyamanɛ kɛ rɔ.”

Hoseya 6:4

Kɔnɔ Mari ko, “N si nfen ma wole, Isirɛla mɔgɛnu na? Wola keninteyɛ ti mɛ bɔla wo burɔ iko duri ti mɛ tɛgɛla nya min sɔgɔma.

Kɛwɔlɛnu 20:30

Mɔgɛ donu si bɔ wo nyɛrɛta kurɔn kɛ rɔ ka foninyɛ fɔ alako dɛnkɛninya-mɔgɛnu ni bila anu fɛ.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 1:8

I ni i miri nta tɔnnu ma ka i hɛnkili to wonu ko su-ni-tele. Minnu sɛbɛnɛ tɔn kɛ rɔ, i ni a ma i fɛrɛma wo bɛɛla ko la. Ni i ya wo ma, i wara-koe si sabati.

Kɛlɛ-Kurugbɛnu 2:7

Yasowa siyi-tele bɛnta san kɛmɛ ani san tan ma, a nara to fagala. Anu ya a togon a halala-dugi rɔ Timinati-Hɛrɛsi soe kɔma. Soe wo ye Ifɛrɛmta kɔnkɔ-nyamanɛ rɔ Keyasi kɔnkɛ kan tɔ. Isirɛla mɔgɛnu tora Mari batola Marita wɔli-kɛlɛ Yasowa siyi-tele-bɛɛ kɔrɔ. Mari ara ko-makawanɛ min bɛɛsi ma Isirɛla mɔgɛnu ye, kun-tigi donu mara wonu sereyɛnu na. Wonu fananta wati rɔ, Yasowa fagɛ kɔma, Isirɛla mɔgɛnu tora Mari batola.