2 Ko-Kɔrɔta-Karan 26:22 - ALLALA KUMƐ

²² Ale Mansa Yusaya ya koe min bɛɛsi ma ala mansayɛ kɔrɔ, Emɔsila den Nɛbi Aiseya ya wo bɛɛsi sɛbɛ.

2 Ko-Kɔrɔta-Karan 26:22 ပူးပေါင်းရင်းမြစ်များ

2 Mansɛnu 19:2

Ilayakim min bi ala bolon-mafɛlɛnna wo, Sɛbana min bi ala kɛdi-sɛbɛla wo, anubɛ saraka-masɔla-kun-tiginu wo, Mansa Hɛsakaya ya wonu nata Emɔsila den Nɛbi Aiseya ma. Wonu fanan tara kasa-kurɛ la anu kan na.

2 Ko-Kɔrɔta-Karan 12:15

Mansa Rihobowami ya koe min bɛɛsi ma ala mansayɛ kɔrɔ ka a fɔlɔ a lawulan anubɛ a laban ma anubɛ a kebilɛ wara-koe, wonu damasi sɛbɛnɛ buku kɛnu tɔ, Nɛbi Sɛmayata nɛbiya-buku rɔ anubɛ Nɛbi Idota nɛbiya-buku rɔ. Mansa Rihobowami anubɛ Yɛrabowami tora kɛlɛ le la tolon!

2 Ko-Kɔrɔta-Karan 25:26

Mansa Hamasa ya koe min bɛɛsi ma ala mansayɛ kɔrɔ, anu ya wonu sɛbɛ Yuda anubɛ Isirɛla mansɛnuna buku do rɔ.

2 Ko-Kɔrɔta-Karan 26:23

Mansɛ fagara tumɛ min, ka a tɛgɛ ala kiraya-yogomɛ wo ma, anu ma a basan mansa-kɔrɛnu na fɔ mansɛnuna dugi rɔ nyɔ dafɛ. Ala den Yotam sigira a gbɛ rɔ.

2 Ko-Kɔrɔta-Karan 32:32

Mansa Hɛsakaya ya min bɛɛ ma ala wati rɔ, anubɛ a ya a latelen Alla ye nya min, wo bɛɛ sɛbɛnɛ Emɔsila den Nɛbi Aiseyala buku rɔ. Wo sɛbɛnɛ fanan Isirɛla anubɛ Yuda mansɛnuna buku do rɔ.

2 Ko-Kɔrɔta-Karan 9:29

Mansa Silamɛni ya koe min bɛɛsi ma ala mansayɛ kɔrɔ ka a fɔlɔ a lawulan anubɛ a laban ma, wonu damasi sɛbɛnɛ buku sawa rɔ. A sɛbɛra Nɛbi Netanta nɛbiya-buku rɔ. A sɛbɛra Nɛbi Ahayata nɛbiya-buku rɔ, Sailo kɛ, kɔni. A sɛbɛra Nɛbi Idota nɛbiya-buku rɔ fanan. Nɛbi Ido kɛ ya Nebatila dan Mansa Yɛrabowami wara-koe sɛbɛ.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 6:1

Mansa Yusaya ya so-sɛgi-kɛ san min na, n ya Mari yen ko-rayirɛ rɔ. A mayiginɛ ala waganɛ rɔ san ma, ado a gbiliyanɛ. Ala mansaya-duruki ya a Bato-Bɔn lafa pen!