2 Ko-Kɔrɔta-Karan 24:22 - ALLALA KUMƐ

²² Hali ka a miri Sakaraya fa Saraka-Masɔla Yɛhoyadala wɔli-nyimɛ ma, a ya min ma a ye, a ma wo ma. Sakaraya ye fagala tumɛ min, a ya a dɛ sa-a-rɔ, a ko, “Wo ye minnu mala n na kɛ la, alamɛ Mari ya wo yen. A ni wole fanan tɔrɔ.”

2 Ko-Kɔrɔta-Karan 24:22 ပူးပေါင်းရင်းမြစ်များ

Ko-Dabirɛnu 42:22

Anu kɔrɔ sarɛ Rubɛn ko, “N ma a fɔ wo ye nun ko ma kana ko-yogoma ma a la? Kɔnɔ wo ma wo tole masɔ n na. Kaka, male fanan bi nala matɛ sɔrɔnna ka a tɛgɛ ma dɔgɔ-kei wo faga-koe ma.”

Ko-Dabirɛnu 9:5

Ni min ya a ta-nyɔgɛ faga, wo fanan ni faga. Ni soge min ya hadama-dan faga, wo fanan si faga.

Yaburi 10:14

Kɔnɔ Alla, i ye yakɔrɔ-mamɔɛ anubɛ tɔrɔyɛ rayenna i kolan le la. I ye mɔgɛnu dɛnbɛna wati bɛɛ. Min ti ke a nyɛrɛ kumafunfanna, wo si a nyɛrɛ latenbi ile Mari ma. I ye bolo-kolɔnnu dɛnbɛna wati bɛɛ rɔ.

Yaburi 109:4

Hali anu di n ye, ado n bara madiyali kɛ anuna ko la, anu bi n kan ma tolon!

Yaburi 9:13

Mari, kinikini n ma. I kolan lana ka a yen, n yogenu bi n tɔrɔla nya min. E, Mari, n nakanan saya-kilɛ ma

Hɛnkilimaya-Kumɛnu 17:13

Ni mɔgɛ ya ko-nyimɛ sara ko-yogomɛ la, yakɔrɔ-mamɔɛ ti bɔ ala bɔn la.

Yɛrɛmaya 11:20

N ya Mari madiya ko, “Kɔnɔ Mari Sɛnbɛ-Bɛɛ-Tigi, i telenta. I kusan mɔgɔ-yisi anubɛ a miriya rasumanna. N si anu yasere-masa i ye. I tenbi n tayili sarala anu na, n si n yɛ sɔ i la.”

Yɛrɛmaya 51:56

Anu bi nala Babilɔn kasara kan le ma. Anu bi Babilɔn kɛlɛ-dannu birala ka anuna kalabɛnnu takerikeri. Mari ko Alla le ale la min si ko-yogoma-kɛlɛnu tɔrɔ, ado a bɛnta, a ni min ke Babilɔn ma, a si wo sigi nyɔ ma.

Luka 11:51

Ka a dabira Ebɛlila sayɛ ma ha ka a sigi Sakarayala sayɛ la, ale min fagara saraka-bɔ-tinɛ anubɛ kan-tina-sɛnimɛ tɛma, kɔni. N bi a fɔla wo ye ko bi-mɔgɛnu si tɔrɔyɛ sɔrɔn wonu damala ko la terr!

Yɔni 10:32

Yisa ya a fɔ anu ye ko, “N Fa ya n sɔ ka kɛwɔli-nyimɛ siyaman kɛ wo ye. Wo ya wonu yen serr! Kɛwɔli-nyimɛ kɛ bɛɛsi rɔ, wo ye nyinina n mabonna nyamintanna ko la?”

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

2 Timoti 4:16

N ya n fɛka fɔlɔtɛ kɛ tumɛ min, mɔgɔ-wo-mɔgɔ ma sɔ n fɛ. Bɛɛ bɔra n fɛ filili! Alamɛ Alla fonde kana bɔ anu kan ma!

Yasowa 22:23

Ni ma ya Marila kumɛ tinya ka saraka-mintan-tinɛ sɔ ka mata sarakɛ bɔ a kuma, Mari ni ma halaki.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 19:2

A wa kiti tɛgɛ, tonyɛ le. Wo telenta! Ale musu-yɛlɛn-ba-belebele min taranta dugu-kole tinyana ala yɛlɛnyɛ fɛ nun, Alla ara wo tɔrɔ. A ara a tɔrɔ bawo a ya Allata wɔli-kɛlɛnu faga.”

Kɛlɛ-Kurugbɛnu 8:35

Min sanɛ wo kuma, anu mara fisiriwɔlɛnu na. Anu ma anu miri Kidiyɔn kebilɛ ma min ya Isirɛla mɔgɛnu kunka.