2 Ko-Kɔrɔta-Karan 24:20 - ALLALA KUMƐ

²⁰ Wo kɔma, Allata sɛnbɛ yigira Saraka-Masɔla Yɛhoyadala den Sakaraya ma. A sɔra gbɛ rɔ mɔgɛnu si a yen kan min. A ya a kuli mayɛlɛ ko, “Mari Alla ye nyinikalɛ sala ko nfenna wo ye ata tɔnnu tinyana ka kasarɛ lana wo nyɛrɛ kuma. Wo ara wo kan-kɔ sɔ ale la, woletɔ ale fanan ara a kan-kɔ sɔ wole la.”

2 Ko-Kɔrɔta-Karan 24:20 ပူးပေါင်းရင်းမြစ်များ

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 12:5

Wo le ya a ma, Nɛbi Sɛmaya tara Mansa Rihobowami anubɛ Yuda bɔnsɔn-kun-tiginu bara Yerusalɛm soe burɔ. Kɛlɛ nanɛ, mɔgɔ-ba wonu ya anu buri tala nyɔ rɔ bawo anu kilannɛ Iyipiti mansɛ anubɛ ala kɛlɛ-dannu na. Nɛbi Sɛmaya ya a fɔ anu ye ko, “Marita kilayɛ le kɛ la. A ko bawo wo ara wo ban ale la, woletɔ a ara a ban wole la ka wo kunyɛ don Iyipiti Mansa Sisaki bolo.”

2 Ko-Kɔrɔta-Karan 20:14

Lifayi mɔgɛ do ye mɔgɛ kɛnu tɛma nyɔ, Sakarayala den Yahasayɛli, kɔni, Marita sɛnbɛ yigira wo ma. Sakaraya fa tɔgɛ le Bɛnaya, wo fanan fa tɔgɛ le Yeyiyɛli, wo fanan fa tɔgɛ le Matanaya, anuna kebila-kunyɛ tɔgɛ le Esafi.

2 Ko-Kɔrɔta-Karan 23:11

A ban kɛ mumɛ bɛɛsi rabɛnna, Saraka-Masɔla Yɛhoyada tara mansa kurɛ kɛ bi ka a labɔ Bato-Bɔn luyi ma. A ya mansaya-fulɛ sigi Yohasi kunyɛ la. Tɔn minnu namaranɛ, a ya wonu don a bolo. Mansaya-tɔn minnu namaranɛ, a ya wonu don a bolo fanan. Saraka-Masɔla Yɛhoyada anubɛ ala dannu ya dantɛgɛ-tuli kɛ mansa-kurɛ wo salɛ rɔ ka a ma mansɛ la. Mɔgɛnu ya a lasɔnkɔ ka a fɔ ko, “Alamɛ mala mansɛ mɛra ma kuma!”

2 Ko-Kɔrɔta-Karan 24:24

Hali Siriyanu ma siya, Mari sɔnta ko anu ni Yuda kɛlɛ-den-siyamɛnu nɔ bawo anu bara anu kan-kɔ sɔ anu benbanuta Mari Alla la. Mari ya Mansa Yohasi tɔrɔ nya min, wo le kɛ la.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 26:2

Mari ya a fɔ nde, Yɛrɛmaya ye ko n ni ta sɔ Bato-Bon-kata burɔ. A ko n ni ala kumɛ kɛ bɛɛ latenbi wole ma minnu nara ka bɔ Yuda soenu tɔ batoli-kɛ-tinɛ. A ko n kana dan wo fenfen-fɔ-tinɛ.

Yɛrɛmaya 4:18

A ko wo sɔn anubɛ wo kɛ-nya le wara kasarɛ kɛ lana wo kuma. A ko wo ye tɔrɔla nya min, wo le kɛ la. A ko dumɛ si wo sɔgɔ wo yisi rɔ.

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.

Yɛrɛmaya 5:25

Mari ko wo sɔn-yogomɛ anubɛ wo hakɛnu denu bara a ma, fen sa mala-a-la wo bolo.

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Yilan-Yilan Koe 14:41

Kɔnɔ Musa ya a fɔ anu ye ko, “Nfen ya a to, wole ya Marita kumɛ masɔsɔ?

Matiyu 23:35

Mɔgɔ-magbalanɛ min bɛɛ fagara, wo si wonuna tɔrɔyɛ sɔrɔn. Ka a bi Ebɛlita sayɛ ma ale min magbalanɛ, kɔni, ha ka a sigi Bɛrɛkayala dan Sakarayata sayɛ la, wo si tɔrɔyɛ wo bɛɛ sɔrɔn, ado wo ya ale Sakaraya faga Alla-Bato-Bɔn anubɛ saraka-bɔ-tinɛ tɛma.

Luka 11:51

Ka a dabira Ebɛlila sayɛ ma ha ka a sigi Sakarayala sayɛ la, ale min fagara saraka-bɔ-tinɛ anubɛ kan-tina-sɛnimɛ tɛma, kɔni. N bi a fɔla wo ye ko bi-mɔgɛnu si tɔrɔyɛ sɔrɔn wonu damala ko la terr!

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Kɛlɛ-Kurugbɛnu 6:34

Marita sɛnbɛ yigira Kidiyɔn kuma. A ya kɛlɛ-buri fɛ alako Abiyɛsa kegeya-mɔgɛnu ni ta a fɛ kɛlɛ rɔ.