2 Ko-Kɔrɔta-Karan 24:19 - ALLALA KUMƐ

¹⁹ Mari ya nɛbi donu nata anu makawandi tinɛ alako anu ni sɛgi ale Mari ma. Kɔnɔ mɔgɛnu ya anu tole gberen.

2 Ko-Kɔrɔta-Karan 24:19 ပူးပေါင်းရင်းမြစ်များ

Luka 16:31

Kɔnɔ Iburayima ko, ‘Ni anu ti anu tole masɔ Nɛbi Musa anubɛ nɛbi doinu na, hali ni mɔgɛ do wulita ka bɔ furinu tɛma ka ta anu makawandi, anu ti la a la.’ ”

Matiyu 13:9

Yisa ko, “Nba, ni min si ko nya-yen, a ni a tole masɔ wo la!”

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 42:23

Mari ko, “Wole do si wo tole masɔ kɛ la? Ka a dabira bi ma, wo si wo tole masɔ a kin na?”

Aiseya 28:23

Wo ni wo tole masɔ nde, Aiseyala kumɛ la. Wo ni wo yɛ lana.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Sakaraya 1:4

Mari ko wo kana wo benbanu kɛ-nya bi. A ko wati do ara tenbi nun, a ya ata nɛbinu sɔ anu bara alako anu ni anu fara ko-yogoma-kɛ la kɔnɔ anu ma anu tole masɔ a la ka a kan to a gbɛ rɔ.

2 Ko-Kɔrɔta-Karan 36:13

Babilɔn mansɛ ya a ma, a ni a keli Alla tɔgɛ rɔ ko Yuda Mansa Sɛdɛkaya ni to a fɛ. Kɔnɔ ale Mansa Sɛdɛkaya murutiyara Babilɔn Mansa Nɛbukanasa ma. Wo kɔma, a ya a ban bila-koe ma Isirɛlata Mari Alla fɛ.

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Yɛrɛmaya 25:3

ka a bi Amɔnna den Yosayala mansayɛ Yuda nyamanɛ rɔ san tan-ni-sawɛ ma ka a sigi wati kɛ la, wo ara san mogan-ni-sawa bɔ. San-dande kɛ mumɛ bɛɛ kɔrɔ, Mari ya kumɛ min bɛɛ fɔ n ye, n ma n ban wo do-wo-do fɔla wo ye kɔnɔ wo ma wo tolo-wo-tolo masɔ.

Yɛrɛmaya 25:7

Kɔnɔ Mari nyɛrɛ ko wo ma wo tole masɔ a kin na! A ko wo ara a fonde magboya wola bɛsɛnu na, ado a ko wole le ya tɔrɔyɛ wo sanba wo nyɛrɛ ma.

Yɛrɛmaya 25:8

Wo ma sɔn wo tole masɔla ale Mari Sɛnbɛ-Bɛɛ-Tigi la min kɛ, a ko