2 Ko-Kɔrɔta-Karan 24:18 - ALLALA KUMƐ

¹⁸ Mɔgɛnu ya anu ban anu benbanuta Mari Alla bato-koe ma Bato-Bɔn wo la. Anu donta bɛsi-kɔ-koe rɔ anubɛ bɛsɛ min nadannɛ musila muninyɛ la anu bi min kelela Asura. Ka a tɛgɛ anu sɔn-yogomɛ wola ko ma, Alla fonde bɔra Yerusalɛm so-burɔ-mɔgɛnu anubɛ Yuda nyamanita-mɔgɛnu kuma.

2 Ko-Kɔrɔta-Karan 24:18 ပူးပေါင်းရင်းမြစ်များ

2 Samuwɛli 24:1

Mari fonde bɔra Isirɛla mɔgɛnu ma tun, woletɔ a ya a ma, Mansa Dawuda ya anu yakɔrɔ-mamɔ. Mari ya a fɔ Mansa Dawuda ye ko, “Ta Isirɛla nyamanita-mɔgɛnu anubɛ Yuda nyamanita-mɔgɛnu dan ka anu yatɛ lɔn.”

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

1 Mansɛnu 14:9

Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

2 Ko-Kɔrɔta-Karan 12:1

Ale Mansa Rihobowami ban fanka sɔrɔnna mansayɛ rɔ tumɛ min, anubɛ ala nyamanita-mɔgɛnu ya anu ban Marita tɔnnu bira koe ma.

2 Ko-Kɔrɔta-Karan 12:2

Ala mansayɛ san nani a loli nyɔgɛ ma, Mari ya anu tɔrɔ ka a tɛgɛ anuna murutiyɛ ma anu ya min telen ale Mari la. Iyipiti Mansa Sisaki nara bui Yerusalɛm kɛnu ma san wo le la.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 21:13

Kɔnɔ i ya Isirɛla mansɛnu sɔn bi ka sɔ Yerusalɛm kɛnu anubɛ Yuda kɛnu yarɔ telenbɛliyɛ rɔ Mari yala iko Mansɛ Ehabu ya a ma nya min Isirɛla nyamanɛ rɔ. I ya i dɔgɛnu faga nun, ado wonu tenbira i la.

2 Ko-Kɔrɔta-Karan 22:4

Ale fanan bilara Mari la iko Mansa Ehabu anubɛ ala denbayɛ ya a ma nya min bawo Ehasaya kɛ fa Mansa Yɛhoram fagara tumɛ min, Mansa Ehabula mɔgɛ donu mara a makawandilɛnu na. A makawandilɛ wonu denu mara ala bulɛ la.

2 Ko-Kɔrɔta-Karan 24:17

Saraka-Masɔla Yɛhoyada faganɛ, Yuda mɔgɔ-banu nara Mansa Yohasi wara. Anu ya a manugu-nɛgɛ-kumɛnu fɔ a ye alako anu miriyanu ni bɔ.

2 Ko-Kɔrɔta-Karan 24:4

Yohasila mansayɛ mɛnɛ doni, a ya Bato-Bɔn mabɛn-koe latɛgɛ.

2 Ko-Kɔrɔta-Karan 25:15

Wo le ya a ma, Mari fonde bɔra. A ya nɛbi do lata ale Mansa Hamasa ma. Nɛbi wo ya ale mansɛ manyinika ko, “Nfenna i ye foninya bɛsɛ wonu kɔla minnu ma ke anuna mɔgɛnu kunkala i ma nun?”

2 Ko-Kɔrɔta-Karan 28:13

“Wo kana mɔgɔ-biranɛ kɛnu nadon soe burɔ yan tɔ de! Ma ara banna hakɛ kɛla Mari la. Ma ara a ma, a ara diminya furr, ha ma tɔrɔ-sɔgɛ ara a bira. A sɔgɛ ye wole la, wo ni koe do ma min si ma ma tɔrɔ-koe la, wa?”

2 Ko-Kɔrɔta-Karan 29:8

Ka a tɛgɛ wo ma, Mari fonde bɔra Yuda kɛnu anubɛ Yerusalɛm kɛnu kuma. Mari ya min sigi anu ma, wo ara anu dama kumakɔ. Anu mara yɛlɛnma-fan la mɔgɛnu yala, ado wo ya wo lɔn bɛrɛkɛ!

2 Ko-Kɔrɔta-Karan 32:25

Kɔnɔ Mansa Hɛsakaya wasira ka fisiriwɔlitayɛ telen Mari la, ado Yuda anubɛ Yerusalɛm kɛnu tɔrɔta wola ko la.

2 Ko-Kɔrɔta-Karan 34:25

A ko anu ya anu ban ale Mari la. A ko anu ya sarakɛnu bɔ anuna bɛsɛnu ye woletɔ ale Mari fonde bɔnɛ Yerusalɛm kɛnu kuma. A ko fenfen sa nyɔ min si ala fondo-bɔɛ makimɛ.

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Bɔ-Koe-Iyipiti 34:13

Yanni wo ni wo ma, wo ni anuna saraka-mintan-tinɛnu tinya. Anu bi kuri minnu kɔla, wo ni wonu takerikeri. Anu bi anuna bɛsɛ min kelela Asura, wo ni wo tinya.

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Hoseya 5:14

Mari ko a si kɛ Yuda anubɛ Isirɛla mɔgɛnu ma iko yarɛ ye kɛla soge ma nya min. Ale nyɛrɛ nyɛrɛ si wo rafarafara ka wo boloka. A wa ban wo saganna dugi la ka ta wo la, wo lakananna fenfen ti taran.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Yasowa 22:20

Ekan ya hakɛ min kɛ, wo ara nyina wo ko, wa? A ya Marila kumɛ tinya ka fan donu kankan anu bɛnnɛ ka minnu di Mari ma. Ekan kelen pe ma faga hakɛ wola ko la. Isirɛla mɔgɛ bɛɛ tɔrɔta kankanyɛ wola ko la.”

Kɛlɛ-Kurugbɛnu 5:8

Kɛlɛ buira Isirɛla mɔgɛnu kuma tumɛ min, kɛlɛ-kɛ-fen wo fenfen ma taran mɔgɔ waga bi-nanɛ wo fenfen bolo. A mara wo nya bawo anu bara anu kan-kɔ sɔ Mari la ka anu don bɛsi-kɔ-koe rɔ.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”