2 Ko-Kɔrɔta-Karan 23:3 - ALLALA KUMƐ

³ Anu dama ke Yerusalɛm soe burɔ, anu tara ladɛn kɛ Bato-Bɔn burɔ. Mɔgɔ-ba wonubɛ mansɛla den Yohasi ya sarama-kan kiri anu nyɔgɔn tɛma. Yɛhoyada wo ya a fɔ mɔgɔ-ba wonu ye ko, “Mala mansɛ min tenbira, wo ma ala dan yen? Iko Mari ara Mansa Dawuda yili-madiya nya min nun ko a bɔnsɔn si to mala mansɛ la mala nyamanɛ kɛ rɔ, nba, dennɛ kɛ si ma mala mansɛ la.

2 Ko-Kɔrɔta-Karan 23:3 ပူးပေါင်းရင်းမြစ်များ

2 Samuwɛli 5:3

Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

2 Samuwɛli 7:12

Ale Dawuda wa faga tumɛ min, anu ba ban a togonna, n si a ma, ala dan do ni to a gbɛ rɔ min si ala nyamanɛ to fanka rɔ.

2 Samuwɛli 7:16

Tɔn ti sigi mamani-koe la, ado mansayɛ ti bɔ a kegeyɛnu bolo muk! Mansayɛ kɛ dan sa!”

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 9:5

mansayɛ si to i bɔnsɔn rɔ Isirɛla mɔgɛnu kuma habadan iko n bara a fɔ i fa ye nya min nun.

2 Mansɛnu 11:17

Saraka-Masɔla Yɛhoyada ya sarama-kan kiri Mari ye mansa-kurɛ wonubɛ ala mɔgɛnuna ko la ko anu ti bɔ Mari fɛ muk! A ya a ma fanan, mɔgɛnu ya sarama-kan kiri mansa-kurɛ wo ye ko anu ti anu bɔ a fɛ mumɛ!

1 Ko-Kɔrɔta-Karan 11:3

Woletɔ Isirɛla kun-tiginu bara a lakiri gben yisi-kimɛ rɔ ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la Hiburɔn soe burɔ iko Mari ya a fɔ Nɛbi Samuwɛli ye nya min.

2 Ko-Kɔrɔta-Karan 21:7

kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

2 Ko-Kɔrɔta-Karan 23:16

Saraka-Masɔla Yɛhoyada ya a ma, mansa-kurɛ wonubɛ ala mɔgɛnu ya sarama-kan kiri Mari ye ko anu ti bɔ Mari fɛ muk!

2 Ko-Kɔrɔta-Karan 6:16

Nba, wola ko la, Isirɛlata Mari Alla, i ni ila lanyiri doi fanan natɔnbagaya i ya min kiri n fa ye nun. I ya a fɔ nun ko ni ala dannu tora ila kilɛ fɛ ka i sako kɛ iko ale, n fa ya a ma nya min, i ko mansayɛ si to a bɔnsɔn bolo Isirɛla mɔgɛnu tɛma tolon!

2 Ko-Kɔrɔta-Karan 7:18

N bara lanyiri min kiri i fa ye, n si wo latɔnbagaya bawo n bara lanyiri kiri a ye nun ko ale bɔnsɔnnu si to mansayɛ kɛla Isirɛla nyamanɛ kun na.

Yaburi 89:29

Fananta san-kole ye nyɔ, mansayɛ ti bɔ ala bɔn la. Tuma-wo-tuma, a kegeyɛ do si to mala mansɛ la.

Yaburi 89:36

A ti foo a kegeyɛ la. Fananta tele ye bɔla, i kolan bɛnnɛ ata mansayɛ ma.