2 Ko-Kɔrɔta-Karan 23:18 - ALLALA KUMƐ

¹⁸ Saraka-Masɔla Yɛhoyada ya a ma, Lifayi bɔnsɔn-mɔgɛnu anubɛ saraka-masɔlɛnu tora Mari Bato-Bon-wɔlɛ kun na. Wonu tora wɔlila Bato-Bɔn burɔ iko Mansa Dawuda ara wɔlɛ tala anu na nya min nun. Anu tora sarakɛnu mintanna Mari ye iko Nɛbi Musa ya Marita tɔnnu fɔ anu ye nya min nun. Anu bi sigi-sɛ anubɛ ladɛn kun na fanan.

2 Ko-Kɔrɔta-Karan 23:18 ပူးပေါင်းရင်းမြစ်များ

1 Ko-Kɔrɔta-Karan 23:25

Mansa Dawuda ya a fɔ ko, “Isirɛla mɔgɛnuta Mari Alla ara yisi-kimɛ di ala mɔgɛnu ma. Alla nyɛrɛ si to sigini Yerusalɛm burubukai!

2 Ko-Kɔrɔta-Karan 29:25

Marita Nɛbi Kadi anubɛ Nɛbi Netan, wonu ya Mansa Dawuda makawandi nun ko Lifayi bɔnsɔn ni to karanyanu gbesila anubɛ seremanu anubɛ sɔrɔnnu fɔla Bato-Bɔn la. Ale Mansa Hɛsakaya ya kumɛ wonu to a gbɛ rɔ ata wati rɔ.

2 Ko-Kɔrɔta-Karan 29:27

Mansa Hɛsakaya ya sarati di anu ma tumɛ min, anu ya saraka-bɔɛ dabira. Anu bara wuli saraka-bɔɛ wo la tumɛ min, mɔgɛnu donta Mari tantoe rɔ ka bɛti bɔ. Buru-fɛlɛnu ya buri-fɛyɛ dabira. Fɔli-kɛlɛnu ya fɔli-fannu kɛ-a-rɔ.

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

2 Ko-Kɔrɔta-Karan 30:27

Saraka-masɔlɛnu anubɛ Lifayinu duwara mɔgɛnu ye Mari tɔgɛ rɔ. Anuna matarali-kan wo kera Mari ma a warɛ Arinyɛni tɔ.

2 Ko-Kɔrɔta-Karan 35:2

Ale Mansa Yosaya ya wɔlɛ tala saraka-masɔlɛnu na iko a bɛnta, anu ni wɔli nya min. A ya anu manugu-nɛgɛ alako anu ni anu sɛbɛ don wɔlɛ wonu ma.

2 Ko-Kɔrɔta-Karan 5:5

Anu ya a bi ka ta a la Mari Bato-Bɔn dafɛ. Wo kɔma, Lifayi bɔnsɔn-mɔgɛnu anubɛ saraka-masɔlɛnu tara Marita Fani-Bɔn nyɛrɛ bi anubɛ a miran bɛɛsi ka ta anu to Bato-Bɔn la.

2 Ko-Kɔrɔta-Karan 7:6

Kan tinɛ minnu yiranɛ Lifayinu anubɛ saraka-masɔlɛnu na nun, anu ya anu sɔ wonu tɔ. Lifayinu yɛ lamununnɛ saraka-masɔlɛ wonu na. Anu bi Mari tantola fɔli-fan wonu na ale Mansa Dawuda ya minnu don anu bolo nun. Anu bi bɛti bɔla iko Mansa Dawuda ya anu nabila nya min, anu ko, “Marita keninteyɛ ti ban.” Saraka-masɔlɛnu bi buru-fɛyɛ wo kun na tumɛ min, Isirɛla mɔgɛnu sɔnɛ tora anu gbɛ rɔ yiri!

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.