2 Ko-Kɔrɔta-Karan 23:11 - ALLALA KUMƐ

¹¹ A ban kɛ mumɛ bɛɛsi rabɛnna, Saraka-Masɔla Yɛhoyada tara mansa kurɛ kɛ bi ka a labɔ Bato-Bɔn luyi ma. A ya mansaya-fulɛ sigi Yohasi kunyɛ la. Tɔn minnu namaranɛ, a ya wonu don a bolo. Mansaya-tɔn minnu namaranɛ, a ya wonu don a bolo fanan. Saraka-Masɔla Yɛhoyada anubɛ ala dannu ya dantɛgɛ-tuli kɛ mansa-kurɛ wo salɛ rɔ ka a ma mansɛ la. Mɔgɛnu ya a lasɔnkɔ ka a fɔ ko, “Alamɛ mala mansɛ mɛra ma kuma!”

2 Ko-Kɔrɔta-Karan 23:11 ပူးပေါင်းရင်းမြစ်များ

1 Samuwɛli 10:24

Samuwɛli ya a fɔ mɔgɛnu ye ko, “Wo ara a yen Mari ara mɔgɛ min yabɔ? A nyɔgɔn-takɛn sa wo do-wo-do rɔ yan tɔ.” Mɔgɛ wo bɛɛ ya anu kan nabɔ anu nyɔgɔn fɛ anuna mansa kura wo ye ko, “Alamɛ i mɛra!”

Bɔ-Koe-Iyipiti 25:16

N bi nala tɔn sɛbɛla kuru-walan filɛ minnu ma, i ni wonu sa kenkirɛ wo rɔ.

2 Mansɛnu 11:12

Saraka-Masɔla Yɛhoyada sɔra Yohasi yarɔ, anu bɔra Bato-Bɔn la mɔgɛ bɛɛ yala. Yɛhoyada ya mansaya-fulɛ sigi Yohasi salɛ la. Mansaya-tɔn minnu namaranɛ, a ya wonu don a karɛ tɔ. A ya dantɛgɛ-tuli kɛ a salɛ rɔ ka a ma mansɛ la. Mɔgɛnu ya lɛnkɛ gbesi. Anu ya a lasɔnkɔ, anu ko, “Alamɛ mala mansɛ mɛra ma kuma!”

Lankɛnimayɛ 19:12

A yɛ mani de iko ta-mɛlan. Mansaya-fulɛ siyaman bi a kunyɛ la. Mɔgɔ-wo-mɔgɔ ma tɔgɛ min lɔn bɛ fɔ ale nyɛrɛ, wo le sɛbɛnɛ a ma.

Lankɛnimayɛ 5:10

I wara anu ma sibole anubɛ saraka-masɔlɛnu na minnu si wɔli mata Alla ye, ado anu si kun-tigiyɛ kɛ dugu-kole kuma.”

Lankɛnimayɛ 4:10

kɛmɔgɔ mogan-ni-nani wonu si anu sa a kɔrɔ. Ale min nimayanɛ habadan, anu bi wo batola ka anuna mansaya-fulɛnu sa mansaya-sigi-fan wo kɔrɔ ka a fɔ ko,

Lankɛnimayɛ 4:4

Mansaya-sigi-fen mogan-ni-nani ye mansaya-sigi-fen kelan wola foolɛ rɔ. Kɛmɔgɔ mogan-ni-nani mayiginɛ wonu tɔ. Anu fɛrɛya-bɔnɛ kura-gbɛ la. Sɛnɛ-mansaya-fulɛ ye anu salɛnu na.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Aiseya 8:16

Nna karan-dannu, Mari ya sarakanɛ minnu don n bolo, wo ni kumɛ wonu namara kan tinɛ do rɔ yanba ti yalan anu ma kan min.

Yaburi 132:18

A ko a si a yogenu namiliya kɔnɔ ata mansayɛ si ta yarɔ ka wara.

Yaburi 89:39

I wara ila sarama-kan tinya ila wɔli-kɛlɛ wara la. I wara ala mansaya-fulɛ gbesi dugi la gbangban rɔ.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Yaburi 78:5

Alla ya tɔnnu anubɛ sereyanu di Isirɛla mɔgɛnu ma, Yakoba kegeyɛnu, kɔni. A ya a fɔ ma benbanu ye ko anu ni ala sereya kɛnu takaran anuna dannu ye

Yaburi 21:3

Ile Mari ya mala mansɛ sɛnibɔ ka bɔ kɛlɛ rɔ duwa-belebele la. I ya mansaya-fulɛ sigi a kunyɛ la min nadannɛ sɛnɛ la.

2 Ko-Kɔrɔta-Karan 22:11

Mansa Yɛhoramla dunmusi le Yihɔsɛba la. Ehasaya tirisan le fanan. Saraka-Masɔla Yɛhoyada le ya a furu. Mansa Ehasayala den-kei do ye nyɔ min tɔgɛ Yohasi. Anu bi Yohasi wo na-kelen-nyɔgɛnu fagala tumɛ min, a tɛnɛ Yihɔsɛba ya Yohasi anubɛ a fɛ-sigi-musi bi ka anu dogon Bato-Bon-konko do la alako anu kana ale Yohasi faga. A ya wo ma min kɛ, a mama Atalaya ma ke a fagala.

1 Mansɛnu 1:39

Saraka-Masɔla Sedoki ya dantɛgɛ-tuli bi ka bɔ Marita Fani-Bɔn la ka a kɛ Silamɛni kunyɛ rɔ ka a dantɛgɛ. Anu ya buri fɛ. Mɔgɛ bɛɛ ya a lasɔnkɔ. Anu ko, “Mansa Silamɛni, alamɛ i mɛra!”

1 Mansɛnu 1:34

Wo wa ke nyɔ tumɛ min, Saraka-Masɔla Sedoki anubɛ Nɛbi Netan ni dantɛgɛ-tuli kɛ Silamɛni kunyɛ rɔ ka a ma mansɛ la Isirɛla mɔgɛnu kun na. Wo ni buri fɛ ka a fɔ ko, ‘Alamɛ Mansa Silamɛni mɛra!’

2 Samuwɛli 16:16

Mansa Dawuda diyana-mɔgɛ Husayi ya Abasalɔm yen tumɛ min, a ya a kan nabɔ, a ko, “Alamɛ mala mansɛ mɛra! Alamɛ mala mansɛ mɛra!”

2 Samuwɛli 5:3

Woletɔ Isirɛla kun-tiginu bara a lakiri yisi-kimɛ rɔ gben ka to kan kelen tɔ. Anu ya dantɛgɛ-tuli kɛ Dawuda kunyɛ rɔ ka a ma anuna mansɛ la.

2 Samuwɛli 1:10

Woletɔ nde fanan tara a faga bawo n ya a lɔn serr, ko a ye fagala le. N ban a fagala, n ya ala mansaya-fulɛ anubɛ ala bolo-kalama-dɛɛn bi. N bara na wonu denu tola i ma kɛ la.”

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 25:21

N bi nala kuru-walan filɛ minnu dila ile Musa ma, i si wonu sa kenkirɛ wo burɔ ka kenkirɛ wo da latogon anu ma.”

2 Ko-Kɔrɔta-Karan 23:10

Saraka-masɔlɛ ya Lifayi bɔnsɔn-mɔgɛnu sɔ-bole rabɛn Bato-Bɔn dandan kɔrɔ. Anu sɔnɛ bɔla kantɔ-wara la ha dugula wara la. Faannu biranɛ wonu bolo la alako ka mansa-kurɛ wo makandan.

2 Ko-Kɔrɔta-Karan 23:12

Musu-mansa Atalaya ya mɔgɛnu sɔnkɔ-kan lamɔɛn tumɛ min, a burimatoe tara anu magbenna Bato-Bɔn la nyɔ.

1 Mansɛnu 1:25

A ara ta ka ninkinu anubɛ ninki-bulan anubɛ sagɛnu siyaman bɔ sarakayɛ la. A ya ila dan bɛɛ kele anubɛ ila kɛlɛ-den-kunyɛ Yohabu anubɛ Saraka-Masɔla Abiyatari, ado anu bi fen dɔnna kan-tina-kelen kaka. Anu bi duwala ko, ‘Alamɛ Mansa Adonaya mɛra!’