2 Ko-Kɔrɔta-Karan 22:7 - ALLALA KUMƐ

⁷ Yuda Mansa Ehasayala tɛ min kera Isirɛla mansɛ Yɔram kɔndɔn tinɛ, Alla ya ata kɔndɔli wo ma ata mansayɛ lato-koe la. Mansa Ehasaya tora kɔndɔli-kɛ wo le la, Nimisila den Yehu nara anubɛ Mansa Yɔram kɛlɛ tinɛ, ado Mari le ya wo yabɔ ko a ni Mansa Ehabu kegeyɛ lato dogbe!

2 Ko-Kɔrɔta-Karan 22:7 ပူးပေါင်းရင်းမြစ်များ

1 Mansɛnu 12:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Sailo kɛ Nɛbi Ahaya baraka rɔ, wo ni ma tonyɛ la.

1 Mansɛnu 12:24

anu kana ta anu na-kelen-nyɔgɛ Isirɛla mɔgɛnu kɛlɛ. Anu ni sɛgi anu barɛ. Koe min bɛɛsi ara ma kɛ la, a sako le wo la. Nɛbi Sɛmaya tara Mari kuman-kan wo latenbi anu ma tumɛ min, anu dama sɛgira anu barɛnu tɔ.

1 Mansɛnu 19:16

Wo kɔma, i ni mansaya-tuli kɛ Nimisila den Yehu kunyɛ rɔ alako a ni ma Isirɛla mɔgɛnuna mansɛ la. Wo kɔma, i ni ta tuli kɛ Sefatila den Ilaisa kunyɛ rɔ, Abɛli Mɛhola kɛ, kɔni. Wo si ma nɛbi la ile gbɛ rɔ.

1 Mansɛnu 22:20

Ale Mari ya ala melikanu manyinika ko, ‘Yon si Mansa Ehabu yanfa ha a ni ta faga Ramɔti soe burɔ?’ Melika donu ya hɛnkili do labɔ. Melika doinu fanan ya hɛnkili-gbɛrɛkɛ labɔ.

2 Mansɛnu 10:11

Wo kɔma, Mansa Ehabu diyana-mɔgɔ wo, ala mɔgɔ-ba wo, ala saraka-masɔla wo, ala mɔgɛ minnu bi Yɛsɛreli soe burɔ wo, Mansa Yehu ya wo dama faga hali a tugura min na, a fereta min na.

2 Mansɛnu 9:21

Mansa Yɔram ya a fɔ ko, “Wo ni nna kirindi rabɛn.” Anu ban wo mala, anubɛ Yuda Mansa Ehasaya sigira anuna kirindinu tɔ ka ta Mansa Yehu labɛn tinɛ. Anu tara bɛn Yɛsɛreli kɛ Nebɔtila wɔli-kɛ-tina-kɔrɛ rɔ.

2 Mansɛnu 9:27

Anu ya min ma Mansa Yɔram na, wo rayen Yuda Mansa Ehasaya bolo, a ya ala kirindi bi ka a buri tala Bɛti-Hagan wara la. Mansa Yehu anubɛ ala kɛlɛ-dannu bi a gbere la. Mansa Yehu ya a fɔ ala kɛlɛ-dannu ye ko, “Wo ni wo fanan faga.” A burimatoe ye tala Kari soe burɔ min bi Ibiliyam soe dafɛ. Anu ya a bon nyɔ le. Kɔnɔ a ya a ragbɛlɛya ka ta ha Magidɔ soe burɔ. A fagara nyɔ le.

2 Ko-Kɔrɔta-Karan 10:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Nɛbi Ahaya Sailo kɛ baraka rɔ, wo ni bɔ-a-la.

2 Ko-Kɔrɔta-Karan 22:6

A sɛgira a kɔma Yɛsɛreli soe burɔ ka ala tɛlɛnu dandan. Yuda Mansa Ehasaya tara a kɔndɔn tinɛ nyɔ.

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Hɛnkilimaya-Kumɛnu 16:9

Mɔgɔni-gbuyi si ke a mirila koe ma a burɔ kɔnɔ Mari wo ye a latɛgɛla le.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Hoseya 14:9

Min sɛbɛnɛ yan tɔ, alamɛ hɛnkilimɛnu ya wo nya-yen. Alamɛ anu ya a sa anu yisi rɔ. Allata kilɛ telenni de tede, ado ni mɔgɔ-telennɛnu bilara a fɛ, anu denu si kisi. Kɔnɔ hakɛ-tiginu si tonko-tankan ka bui bawo anu bara anu ban ale Mari la.

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.