2 Ko-Kɔrɔta-Karan 21:7 - ALLALA KUMƐ

⁷ kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

2 Ko-Kɔrɔta-Karan 21:7 ပူးပေါင်းရင်းမြစ်များ

2 Samuwɛli 21:17

Kɔnɔ Sɛruya Abisayi wo nara Mansa Dawuda dɛnbɛ ka Filisiti wo faga. Wo kɔma, kɛlɛ-dannu ya tɔn sigi Mansa Dawuda ma, anu ko, “I kana ta ma fɛ kɛlɛ rɔ tun alako i kunyɛ la kana to kɛlɛ rɔ bawo ni wo mara, ma ara to pinpi rɔ.”

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

1 Mansɛnu 11:13

Ka a tɛgɛ nna wɔli-kɛla i fa Dawuda anubɛ Yerusalɛm soela ko ma n bara min ma n halala-soe la, n ti nyamanɛ kɛ dama to ila dan bolo. Fɔ bɔnsɔn kelen pe, n bi wo le tola ila dan wo ye.”

1 Mansɛnu 11:36

Mari ko bɔnsɔn kelen pe, a ye wo le tola Mansa Silamɛnina dan bolo. Mari ko Mansa Dawuda bɔnsɔnnu si to mala mansɛ la Yerusalɛm soe burɔ bawo ale Mari le ya Yerusalɛm soe wo yabɔ alako mɔgɛnu si to a batola kan min.

1 Mansɛnu 15:4

Kɔnɔ ka a tɛgɛ Mansa Dawudala ko ma, Mari Alla ya dan di Mansa Abaya ma min si na a gbɛ bi. Yerusalɛm soe sɔra fanka rɔ ale Mari nyɛrɛ bolo.

2 Mansɛnu 8:19

kɔnɔ hali wo, Mari ma sɔn Yuda nyamanɛ halakila ala sɔn-yogomɛ wola ko la bawo a ara ban a latɛgɛla ko Mansa Dawuda kegeyɛ si to mansayɛ la Yuda nyamanɛ kun na burubukai!

2 Mansɛnu 8:24

A fagara tumɛ min, anu ya a togon Mansa Dawuda halala-luyi ma Yerusalɛm soe burɔ. Ala den Ehasaya sigira a gbɛ rɔ.

2 Ko-Kɔrɔta-Karan 22:11

Mansa Yɛhoramla dunmusi le Yihɔsɛba la. Ehasaya tirisan le fanan. Saraka-Masɔla Yɛhoyada le ya a furu. Mansa Ehasayala den-kei do ye nyɔ min tɔgɛ Yohasi. Anu bi Yohasi wo na-kelen-nyɔgɛnu fagala tumɛ min, a tɛnɛ Yihɔsɛba ya Yohasi anubɛ a fɛ-sigi-musi bi ka anu dogon Bato-Bon-konko do la alako anu kana ale Yohasi faga. A ya wo ma min kɛ, a mama Atalaya ma ke a fagala.

2 Ko-Kɔrɔta-Karan 23:3

Anu dama ke Yerusalɛm soe burɔ, anu tara ladɛn kɛ Bato-Bɔn burɔ. Mɔgɔ-ba wonubɛ mansɛla den Yohasi ya sarama-kan kiri anu nyɔgɔn tɛma. Yɛhoyada wo ya a fɔ mɔgɔ-ba wonu ye ko, “Mala mansɛ min tenbira, wo ma ala dan yen? Iko Mari ara Mansa Dawuda yili-madiya nya min nun ko a bɔnsɔn si to mala mansɛ la mala nyamanɛ kɛ rɔ, nba, dennɛ kɛ si ma mala mansɛ la.

2 Ko-Kɔrɔta-Karan 6:16

Nba, wola ko la, Isirɛlata Mari Alla, i ni ila lanyiri doi fanan natɔnbagaya i ya min kiri n fa ye nun. I ya a fɔ nun ko ni ala dannu tora ila kilɛ fɛ ka i sako kɛ iko ale, n fa ya a ma nya min, i ko mansayɛ si to a bɔnsɔn bolo Isirɛla mɔgɛnu tɛma tolon!

Yaburi 132:11

Ile Mari ya lanyiri-gbɛlɛmɛ min kiri mansɛ ye nun, i ti wo dafabɛlɛ to tun. I ko i si ala dan do ma mansɛ la, min si to a gbɛ rɔ.

Yaburi 89:39

I wara ila sarama-kan tinya ila wɔli-kɛlɛ wara la. I wara ala mansaya-fulɛ gbesi dugi la gbangban rɔ.

Luka 1:69

A ara kisilɛ-sɛnbɛmɛ lawuli ma ye min bɔnɛ Mansa Dawuda bɔnsɔn rɔ.

Luka 1:79

Minnu siginɛ pinpi rɔ anubɛ sayɛ ninɛ kɔrɔ, a si malan wo bɛɛ ye ka mala tagama-nya yira ma la yisi-kimɛ-kilɛ fɛ.”