2 Ko-Kɔrɔta-Karan 21:2 - ALLALA KUMƐ

² Mansa Yɛhosafatila den Yɛhoram wo dɔgɛ mɔgɔ wɔrɔ ye nyɔ nun. A dɔgɛ wonu tɔgɛ le kɛnu na, Asaraya wo, Yɛhiyɛli wo, Sakaraya wo, Asarayahu wo, Maikali wo, anubɛ Sɛfataya.

2 Ko-Kɔrɔta-Karan 21:2 ပူးပေါင်းရင်းမြစ်များ

2 Ko-Kɔrɔta-Karan 12:6

Ale mansɛ anubɛ ala mɔgɔ-banu ya anu sɔ anu hakɛ la. Anu ko, “Mari ye tonyɛ le kun na kɛ la.”

2 Ko-Kɔrɔta-Karan 21:4

Yɛhoram kɛ kunta Yuda nyamanɛ ma tumɛ min, a ya a dɔgɔ mɔgɔ wɔrɔ wonubɛ nyɔ-mɔgɔ-ba donu faga.

2 Ko-Kɔrɔta-Karan 23:2

Anu ya Yuda nyamanɛ ratagama ka Isirɛla bɔnsɔn kebila-kun-tiginu anubɛ Lifayi bɔnsɔn-mɔgɛnu kele alako anu ni na Yerusalɛm soe burɔ.

2 Ko-Kɔrɔta-Karan 24:16

Anu ya a togon mansɛnu fɛ Mansa Dawuda halala-luyi ma Yerusalɛm soe burɔ ka a tɛgɛ ala ko-nyimɛ ma a ya min ma Isirɛla mɔgɛnu ye anubɛ Alla anubɛ Bato-Bɔn wara-koe rɔ.

2 Ko-Kɔrɔta-Karan 24:5

A ya a fɔ saraka-masɔlɛnu anubɛ Lifayi bɔnsɔn-mɔgɛnu ye ko anu ni ta gbɛsɛ-gbɛsɛ makele Yuda nyamanɛ soe bɛɛ rɔ alako anu ni Bato-Bɔn mabɛn iko anu duruta a mala nya min san-bo-san. Ale mansɛ ya a fɔ anu ye ko anu ni anu natiriya gbɛsɛ-gbɛsɛ wo kundɛnna kɔnɔ anu ya anu kun kimaya.

2 Ko-Kɔrɔta-Karan 28:19

Bawo Yuda Mansa Ehasi ara ko-yogoma-siyaman ma ala mɔgɛnu na ka bila Mari la. Wo le ya a ma, Mari ya tɔrɔyɛ lana Yuda nyamanɛ kuma.

2 Ko-Kɔrɔta-Karan 28:23

Siriyanu bara to Mansa Ehasi nɔla kɛlɛ rɔ min kɛ, wo le ya a ma, ale donta saraka-bɔɛnu tɔ wonuna bɛsɛnu ye. A ya a fɔ ko, “Siriyanuna bɛsɛnu bi anuna mansɛnu dɛnbɛna. Ni nde fanan ya sarakɛnu bɔ bɛsɛ wonu ye, anu si nde fanan dɛnbɛ.” Wo le ya a ma, kasarɛ nara anubɛ ala mɔgɛnu kuma.

2 Ko-Kɔrɔta-Karan 28:27

Ale Mansa Ehasi fagara. Anu ya a togon Yerusalɛm soe burɔ kɔnɔ mansɛnuna kaburu-soe ma de! Ala den Hɛsakaya sigira a gbɛ rɔ.

2 Ko-Kɔrɔta-Karan 33:18

Mansa Manasa ya koe min bɛɛsi ma ala mansayɛ kɔrɔ katarala a ya Alla matara min kɛ, anubɛ nɛbi ya Marita kuman-kan min fɔ a ye, anu ya wonu sɛbɛ Isirɛla (anubɛ Yuda) mansɛnuna buku do rɔ.

2 Ko-Kɔrɔta-Karan 35:18

Ka a bi Nɛbi Samuwɛlita wati ma, ha ka a sigi ale Mansa Yosayata wati la, mansa-wo-mansa ma Kanan-Ko-Ladiyɛ kɛ sufa ma fɔlɔn iko Mansa Yosaya anubɛ saraka-masɔlɛnu anubɛ Lifayinu anubɛ Isirɛla anubɛ Yuda anubɛ Yerusalɛm kɛnu bara a ma nya min kɛ la.