2 Ko-Kɔrɔta-Karan 20:7 - ALLALA KUMƐ

⁷ Mata Alla le ile la. I ya ila Isirɛla mɔgɛnu nana nyamanɛ kɛ rɔ tumɛ min, yanni ma ni na mɔgɛ minnu bi yan nun, i wara anu gben ma yarɔ nun, ado i ya Isirɛla nyamanɛ kɛ di i diyana-mɔgɛ Iburayima bɔnsɔn ma ka ma anu halala-nyamanɛ la burubukai!

2 Ko-Kɔrɔta-Karan 20:7 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 13:15

I ye nyamanɛ min bɛɛsi yenna kɛ la, n si wo di wobɛ i bɔnsɔn ma habadan!

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 20:8

Wonu siginɛ yan. Anu bara Bato-Bɔn sɔ ka to i gbiliyala.

Nihɛmaya 9:8

I ya a yisi-telennɛ yen i wara la. Wobɛ ya sarama-kan kiri wo nyɔgɔn tɛma. Kenannu siginɛ kan min wo, Hɛtinu anubɛ Amoranu siginɛ kan min wo, Perasanu anubɛ Yebusinu anubɛ Kagasanu siginɛ kan min wo, i ya ale Iburayima yili-madiya ko wonuna nyamanɛ si ma a kegeyɛnutɛ la, ado i wara ila sarama-kan wo latɔnbagaya bawo i telenta.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Bɔ-Koe-Iyipiti 20:2

“Nde le wota Mari Alla la min ya wo labɔ yɔɔnyɛ rɔ Iyipiti nyamanɛ rɔ.

Bɔ-Koe-Iyipiti 33:2

N si nta melika ma i yarɔ-sɔlɛ la ka Kenannu wo, Amoranu wo, Hɛtinu wo, Perasanu wo, Hɛfanu wo anubɛ Yebusinu gben wo yarɔ.

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 41:8

Kɔnɔ Marita wɔli-kɛlɛ ye Isirɛla mɔgɛ minnu na, a ara wonu denu yabɔ. A diyana-mɔgɛ Iburayima kebilɛ le wole la.

Yɔni 11:11

Wo kɔma, Yisa ya a fɔ anu ye tun ko, “Ma diyana-mɔgɛ Lasarasi ara kinɔgɔ kɔnɔ n si ta a lakunden.”

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Tɔn-Fɔɛ-Fila-Nyɔgɛ 4:38

Wo tenbi tagamana nun, a ya wo yogo-siyamɛnu gben wo yarɔ minnu tagbɛlɛ wo ko. A ya wo ma alako wo ni anuna nyamanɛ sɔrɔn wo siginɛ min tɔ kaka.

Yemesi 2:23

Allala kitabu ya min fɔ, wo mara tonyɛ la worɔ. A ko, “Iburayima dɛnkɛninyara Alla ma, ado ala dɛnkɛninyɛ wo fɛ, Alla ya a rabira iko mɔgɔ-latelennɛ.” Alla ya a kele ko, “N diyana-mɔgɛ, Iburayima.”

Yasowa 1:6

I ni i yisi gbɛlɛya ka i kerinteya. I si sɔ mɔgɛnu yarɔ ka ma anuna kɛlɛ-den-kun-tigi la. N ya nyamanɛ min di wo benbanu ma, i si mɔgɛnu gben nyɔ rɔ.

Yasowa 23:9

Mari ya wo yogo-sɛnbɛmɛnu gben wo yarɔ. Sibolo-kelen-bɛrɛn ma ke wo nɔla.

Yasowa 24:13

A ya nyamanɛ anubɛ soenu di wo ma wo ma wɔli minna ko la, ado wo ma anu sɔ. A ko wo ya dɔn-fen-siyaman sɔrɔn nyamanɛ wo rɔ, wo ma wɔli minnuna ko la.”

Yasowa 24:3

Kɔnɔ Mari ya wo benba Iburayima labɔ nyamanɛ wo rɔ ka Yufereti bɛ tɛgɛ ka na a la Kenan nyamanɛ kɛ rɔ. A ya kegeya-siyaman di a ma. A ya den kelen di a ma min tɔgɛ Isiyaka.