2 Ko-Kɔrɔta-Karan 20:6 - ALLALA KUMƐ

⁶ A ya matarali-kɛ a kulu-mayɛlɛnɛ la, a ko, “E, ma benbanuta Mari Alla, ile Arinyɛnɛ anubɛ Duninyama-Mansɛ, i sɛnbɛ kolo. Mɔgɔ-wo-mɔgɔ ti a sɔ i kɛlɛ-koe la.

2 Ko-Kɔrɔta-Karan 20:6 ပူးပေါင်းရင်းမြစ်များ

1 Mansɛnu 8:23

A ya Alla matara, a ko, “E, Isirɛlata Mari Alla, i nyɔgɔn sa san-kole anubɛ dugu-kole rɔ! Mɔgɛ minnu bi tagamana ila kilɛ fɛ anu yisi gbɛnɛ la, i ye ila lanyiri latɔnbagayala anu ye ka ila keninteyɛ yira anu na.

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

2 Ko-Kɔrɔta-Karan 20:5

Minnu nara, wonubɛ Yerusalɛm so-burɔ-mɔgɛnu nadɛnta Mari Bato-Bɔn kata-kurɛ burɔ. Mansa Yɛhosafati sɔra anu yakɔrɔ.

2 Ko-Kɔrɔta-Karan 25:8

Ile mirinɛ ko Isirɛla kɛlɛ-dannu si i fanka lakoloya kɛlɛ rɔ, wa? Wo sɛnbɛ ye Alla le bolo alako i ni nɔ-ko sɔrɔn, ni wo ma, anu denu ni i nɔ, ado ale le si a ma, i yogenu ni i nɔ.”

2 Ko-Kɔrɔta-Karan 6:14

A ya Alla matara, a ko, “E, Isirɛlata Mari Alla, i nyɔgɔn sa san-kole rɔ anubɛ dugu-kole ma! Minnu bi tagamana ila kilɛ fɛ anu yisi-gbɛnɛ la, i ya ila lanyiri latɔnbagaya anu ye ka ila keninteyɛ yira anu na.

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 115:3

Mata Alla ye Arinyɛni tɔ. Min ba diya a ye, a ye wo le mala.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 47:2

Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

Yaburi 47:8

Alla mayiginɛ ata sigi-fen-sɛnimɛ kuma. A ye mansayɛ kɛla sibole bɛɛ kun na.

Yaburi 54:1

E, Alla, n nakisi ita sɛnbɛ la. I ni yoe di n ma mabɛ n yogenu tɛma.

Yaburi 62:11

Tuma-wo-tuma, n bi a lamɔɛnna Alla bolo ko ale letan ye sɛnbɛ damasi la

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Aiseya 14:27

Ale Mari Sɛnbɛ-Bɛɛ-Tigi ara ban kɛ latɛgɛla. A ara a kɔɛn kɔrɔbi duninya mumɛ tɔrɔ-koe la, ado mɔgɔ-wo-mɔgɔ ti ke a lakalala wo ma.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Yɛrɛmaya 49:19

Mari ko a si a ma, Idɔm kɛnu ni anu buri iko yarɛ wa bɔ Yorodan-ba-gbɔngbɔn rɔ ka ta a kun nabɔ kolo-fen de-nyini-tinɛ ma. Wo kɔma, Mari wa mɔgɛ min yabɔ, wo le ye Idɔm kɛnuna nyamanɛ wo marala. Mari ko ale Mari nyɔgɔn sa nyɔ. Yon si a kɔgɔ raka a ye? Kun-tigi yon si ke a rasɛla?

Daniyɛli 4:17

Melikanu denu-denu bara ban a latɛgɛla wo nya. Woletɔ duninya-mɔgɛ bɛɛ si a lɔn ko Alla Min Bi Fan Bɛɛ Kun Na, sɛnbɛ ye wo le bolo duninya-mansɛnu kun na. Min ba diya a ye, a si ke le mansayɛ dila wo ma, hali wo tigi ma kolo.’

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Kɛwɔlɛnu 11:17

ado a ara gbɛ feu, ko male dɛnkɛninyara Mari Yisa, Allata-Mɔgɔ-Yabɔnɛ ma tumɛ min ko Alla ya kɔ-fan min di male ma, a ara wo sifa le di sibolo-gbɛrɛnu ma. Nba, nfen bi nde la nun worɔ ko n ni Alla lakala?”

Romu 9:19

Mɔgɛ do wa n manyinika ko, “Ni Alla ya wo le fɔ, n si yiliki sɔrɔn nna hakɛla ko la kama worɔ? Yon si ke Alla sako kɛlɛla?”

Tɔn-Fɔɛ-Fila-Nyɔgɛ 4:39

Wo ni wo miri bi ko. Wo kana nyina. Mari le Alla la san-kole rɔ anubɛ dugu-kole kuma. Mari-gbɛrɛkɛ sa nyɔ ale kɔma.

Yasowa 2:11

Ma ya wo lamɔɛn wati min, ma dama kilanta. Ma yigi tɛgɛra feu! Sɛnbɛ ma taran ma bolo tun bawo ma ya a lɔn ko Mari Alla Min Bi Fan Bɛɛ Kuma san-kole rɔ anubɛ dugu-kole kuma, wo ye wole fɛ.