2 Ko-Kɔrɔta-Karan 20:12 - ALLALA KUMƐ

¹² Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

2 Ko-Kɔrɔta-Karan 20:12 ပူးပေါင်းရင်းမြစ်များ

2 Samuwɛli 14:11

A ya a fɔ mansɛ ye tun ko, “N tigi, i yandi, ita Mari Alla madiya n ye alako n na-kelen-nyɔgɛ min bi nna dan doi tayili-sara-koe rɔ a na-kelen-nyɔgɛ la ka a faga, wo kana bɔnɛ lakoloya ka tenbi a fɔlɔtɛ la.” Mansa Dawuda ya a fɔ a ye ko, “A ye mabɛ Alla tɛma, yanba-gbalɛ ti yalan ila dan wo ma muk!”

1 Mansɛnu 1:20

Kɔnɔ mansɛ, Isirɛla mɔgɛ bɛɛ yɛ le bɛnnɛ i ma. Anu bi i mafɛlɛnna ka a lɔn ni min si na ma mansɛ la ile gbɛ rɔ.

2 Mansɛnu 6:15

Wo banda kɛ subaga, Nɛbi Ilaisala wɔli-kɛlɛ ya a lawuli tumɛ min ka bɔ luyi ma, a ya Siriya kɛlɛ-den-siyaman yen anubɛ soeenu anubɛ kirindinu kan tinɛ bɛɛ Dotan soela foolɛ rɔ. A donta bɔn la ka a fɔ Nɛbi Ilaisa ye ko, “N tigi, Siriyanu bara na de, ma si kɛ ma kama?”

2 Ko-Kɔrɔta-Karan 20:13

Yuda nyamanita-mɔgɛnu, a keimɛ wo, a musumɛ wo, anubɛ dennɛnu, anu bɛɛ sɔra Bato-Bɔn yarɔ.

Yaburi 141:8

E, ma tigi Mari, n yɛ bɛnnɛ i ma n dɛnbɛn-koe rɔ. N lara i la. I kana sɔn, anu ni n faga.

Yaburi 25:15

N yɛ bɛnnɛ Mari ma dɛnbɛnɛ wara-koe rɔ tuma-wo-tuma. A ye n tankala masibɛ ma.

Yaburi 43:1

E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 7:8

Mɔgɛ bɛɛta kiti-tɛgɛlɛ le ile la. E, Mari min bi fan bɛɛ kun na, i si yo di nde ma bawo i ya a lɔn ko fɛɛ sa nde la.

Yaburi 9:19

E, Mari, i lakɔɛnma. I kana sɔn, hadama-dan ni i nɔ. I ni kafiri wonu nana i yakɔrɔ ka anu yiliki.

Yaburi 94:2

Duninya-mɔgɛ bɛɛ kiti-tɛgɛlɛ le ile la. I lakɔɛnma ka wasintenu sara iko anuta wasinteyɛ ye nya min.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Aiseya 42:4

A yigi ti tɛgɛ, ado ala kerinteyɛ ti dasa. A si telenbagayɛ ki dugu-kole kuma. A lakaran-sɔgɛ si wula-yanna-mɔgɛnu bira sokesoke!

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Yowɛli 3:12

Mari ko, “Fɔ sibole wonu ba anu tabɛn kɛlɛ-kɛ-koe la ka na Kiti Sa Lɛɛ rɔ. Sibole minnu bi wola foolɛ rɔ, n si anu kiti lɛɛ wo rɔ.

Yona 2:4

N ya a lɔn nun ko i wara n kɔn. N ya a lɔn nun ko n ti ita bon-sɛnimɛ yen tun.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

Lankɛnimayɛ 19:11

Wo kɔma, n ya Arinyɛnɛ dɛ lakanɛ yen. So-gbɛmɛ ye nyɔ. Min siginɛ a kuma, wo tɔgɔ le Lanayɛ anubɛ Tonyɛ. A ye kiti tɛgɛla ka kɛlɛ kɛ telenbagayɛ la.

Kɛlɛ-Kurugbɛnu 11:27

Nde ma ko-yogoma ma wo la. A sɔgɛ ye wole la, wo ni ko-yogomɛ ma male la ka ma kɛlɛ? Mari min si kiti tɛgɛ, alamɛ wo ya kiti tɛgɛ wole Amonnu anubɛ male Isirɛla mɔgɛnu tɛma bi.”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 3:13

N si a kebilɛ tɔrɔ nya min habadan, n bara ban wonu fɔla a ye nun bawo ala dannu ya ko-yogomɛ minnu ma, a ya wonu lɔn kɔnɔ a ma sɔn anu nakalala.