2 Ko-Kɔrɔta-Karan 2:3 - ALLALA KUMƐ

³ Mansa Silamɛni ya kilayɛ lata Mansa Hairam ma min siginɛ Taya soe burɔ. A ya a fɔ ko, “I ya kɔlɔma-hakikɛ minnu su mayira n fa Mansa Dawuda ma nun, a ya ala bolɔn ladan wonu na. A sɔgɛ ye n na, i ni wo sufanu mayira nde fanan ma.

2 Ko-Kɔrɔta-Karan 2:3 ပူးပေါင်းရင်းမြစ်များ

2 Samuwɛli 5:11

Mansa Hairam min siginɛ Taya soe burɔ, wo ya kilayɛnu nata anubɛ ala bon-sumalɛ donu anubɛ ala bon-tuwalɛ donu alako wonu ni ta Mansa Dawudala bolɔn sɔ. Wonu tamatoe, anu tara anuta nyamanita kɔlɔma-nɛ donu na anu bolo.

1 Ko-Kɔrɔta-Karan 14:1

Mansa Hairam min siginɛ Taya soe burɔ, wo ya kilayɛnu nata ala bon-sumalɛ donu anubɛ bon-tuwalɛ donu ma Mansa Dawuda dɛnbɛ tinɛ alako wonu ni ta mansɛla bɔn sɔ. Wonu tamatoe, anu tara anuta nyamanita-kɔlɔma-nyima-wɛ donu na anu bolo.

2 Ko-Kɔrɔta-Karan 13:11

Sɔgɔma-wo-sɔgɔma, wura-wo-wura, wonu bi isɛnti mintanna isɛnti mintan tinɛ kuma ka saraka-mintantɛnu mintan saraka-mintan-tinɛ kuma. Anu bi Marita biredi sala tebulu-sɛnimɛ kuma Mari ye. Wura-wo-wura, anu bi Marita sɛnɛ-lɛnpunu namalanna. Mari ara tɔn min sigi nun, ma ye wo birala kɔnɔ wole ara wo kan-kɔ sɔ wo la.

2 Ko-Kɔrɔta-Karan 24:14

Anu ban Bato-Bɔn wo mabɛnna, sɛnɛ anubɛ wodi-gbɛ-toe minnu tora, anu ya wonu don Mansa Yohasi anubɛ Saraka-Masɔla Yɛhoyada bolo. Anu ya wonu bi ka anu ma Bato-Bon-miran-nadan-fan la. Saraka-Masɔla Yɛhoyadala wati kɔrɔ, anu tora sarakɛnu bɔla a kilɛ fɛ tolon!

2 Ko-Kɔrɔta-Karan 4:19

Mansa Silamɛni ya miran minnu nadan sɛnɛ la Mari Bato-Bɔnla ko la, wo le kɛnu na. Saraka-mintan-tina wo, anubɛ tebulu anu si biredi sa min kuma Alla ye wo, a ya wonu nadan sɛnɛ la.

2 Ko-Kɔrɔta-Karan 8:13

Iko Nɛbi Musata tɔn ya a fɔ nya min, a tora saraka-mintantɛnu bɔla tele-sɛnimɛnu ma, a Sulen-Tele wo, a Karɛ-Kurɛ-Ladɛn wo, a Biredi-Yɛlɛbɛlɛ-Dɔn-Ladɛn wo, a Dɔn-Fen-Kun-Fɔlɛ-Ladɛn wo, anubɛ a Lele-Sɔɛ-Ladɛn.

Ɛsira 6:3

“Sairasila mansayɛ san fɔlɛ ma, Mansa Sairasi ya a fɔ ko anu ni Bato-Bɔn do sɔ Yerusalɛm soe burɔ anu si sarakɛnu bɔ ka anu mintan kan min. A sɔɛ ni ma nunkan-nya bi-wɔrɔ la, a kɔnɛ ni ma nunkan-nya bi-wɔrɔ la.

Nihɛmaya 10:34

Male Isirɛla mɔgɛ bɛɛsi, a mara a saraka-masɔla la wo, a mara a Lifayi la wo, a mara a Isirɛla mɔgɔ-to la wo, san-bo-san, ma si korɔn lakɛ ka a lɔn kebilɛ min si sɔgɛ nyini mata Mari Alla ye. Ma si mala sarakɛnu mintan-sɔgɛ wo la iko tɔn ya a fɔ nya min.

Bɔ-Koe-Iyipiti 25:30

Biredi minnu dantɛgɛnɛ nde, Mari ma, wo si to wonu sala tebulu wo kuma n ye nyɔ tuma-wo-tuma.”

Bɔ-Koe-Iyipiti 29:38

“Tele-wo-tele, wo ni san-kelen-saga-den fila bɔ saraka-mintan-tinɛ kuma, sɔgɔma kelen, wurɛ la kelen.

Bɔ-Koe-Iyipiti 29:41

Saga-den kelan min bi tola, anubɛ wo nyɔgɔn dɛgɛ-munke pani-kunbɛ-nya kelen anubɛ tulu-hakikɛ kilasi fila anubɛ minni-fan kilasi fila, wo ni wonu bɔ wurɛ la iko wo si sɔgɔmatɛ ma nya min. Wonu mintan-sumɛ si a diya don nde, Mari rɔ.

Bɔ-Koe-Iyipiti 30:7

“Aruna ni isɛnti mintan a mintan tinɛ kuma. A tenbi lɛnpu ladufenna sɔgɔma, a ni isɛnti mintan wo wati rɔ.

Saraka-Masɔlɛnuta Tɔnnu 9:17

A ya dɛgɛ-munku-sarakɛ bɔ ka wo dantɛgɛ Mari ma. A ya a bolo-nya kelen bi ka wo sa tɛ rɔ. (Kɛnu denu sanɛ tele-wo-tele sarakɛnu kuma.)

Yilan-Yilan Koe 28:11

“Karɛ-wo-karɛ a tele fɔlɔtɛ ma, wo si na tura-bulun fila la anubɛ saga-kɔndɔn kelen na anubɛ san-kelen-saga-yigi wɔrɔnfila la wo bolo ka wonu ma saraka-mintantɛ la Mari ye.

Yilan-Yilan Koe 28:9

“Wola Sulen-Tele ma, wo si na saga-yigi fila la wo bolo. Sagɛ wonu si ma san-kelen-sagɛ la fɛɛ sa minnu na. Wo kɔma, wo si dɛgɛ-munke pani-kunbɛ-nya kelen bi ka a ramaga tulu-hakikɛ kilasi-nya fila la ka wo sa saga-sarakɛ wonu kuma anubɛ wo nyɔgɔn nɔnbɔ-gbɔ-yi.