2 Ko-Kɔrɔta-Karan 2:16 - ALLALA KUMƐ

¹⁶ Nna wɔli-kɛlɛnu si kɔlɔmanu tɛgɛ Lɛbanan kɔnkɛnu ma ka ta anu na kɔgɔ-yi dafɛ. Anu si anu kiri anu nyɔgɔn ma iko bɛndɛ ka anu nata yi kuma fɔ Yapa soe tɛgɛn-dɛ la. Ileta mɔgɛnu si anu bi nyɔ ka ta anu na Yerusalɛm soe burɔ.”

2 Ko-Kɔrɔta-Karan 2:16 ပူးပေါင်းရင်းမြစ်များ

1 Ko-Kɔrɔta-Karan 22:2

Mansa Dawuda ya a fɔ sibolo-gbɛrɛnu ye min bi ala nyamanɛ wo rɔ ko anu damasi la ni dɛn kan-tina-kelen. A ya sibolo-gbɛrɛ wo bɛɛta wɔlɛ di a ma. Kuri minnu bi mala Bato-Bon-bulɔku la, a ya donu sɔ kuri wo lɛsɛ-ko-wɔlɛ la.

2 Ko-Kɔrɔta-Karan 30:25

Yuda nyamanita-mɔgɛnu wo, saraka-masɔlɛnu wo, Lifayinu wo, Isirɛla nyamanita-mɔgɛ minnu bɔra kantɔ-wara la wo, anubɛ sundan minnu siginɛ Isirɛla mɔgɛnu tɛma anubɛ Yuda mɔgɛnu tɛma, wonu damasi sewara ladɛn wola ko la.

2 Ko-Kɔrɔta-Karan 8:7

Mansa Silamɛni ya minnu sɔ wɔlɛ kɛ la, Kenan kegeyɛ le wonu na. Isirɛla mɔgɛnu nanɛ nyamanɛ wo rɔ, anu ma anu denu faga. Amoranu bi kɛnu denu tɛma. Hɛtinu fanan basannɛ anu na. Pɛrasanu anubɛ Yɛbusinu fanan kofunɛ anu ma. Ha bi, wonu donu bi yɔɔnyɛ rɔ Isirɛla mɔgɛnu bolo.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Yona 1:3

Kɔnɔ hali wo, Yona ya Mari sɔsɔ. Mari ko a ni ta tele-bɔɛ kɔnɔ ale tara a ye tele-yigi. Yapa soe min bi kɔgɔ-yi kɔnkɔn-dɛ la, a tara a ye nyɔ. A ya kulun-belebele-wɛ do wulinɛ taran min bi tala Sipeni nyamanɛ rɔ. A ya kulun-sarɛ di ka ta. Ale miri le ko a si ke le a burila Mari kɔrɔ.

Yɔni 1:3

Alla ya fan bɛɛ dan ale le baraka rɔ, ado Alla ma fenfen dan ale kɔma.

Kɛwɔlɛnu 10:32

A ko n ni mɔgɛ do lata Yapa ka kei do kele min tɔgɛ Saimon Pita. A ko a yiyanɛ Saimon karankɛ warɛ min siginɛ kɔgɔ-yi dafɛ.

Kɛwɔlɛnu 9:36

Musi do fanan bi Yapa soe burɔ nun, wo tɔgɛ Tabita. Dɛnkɛninya-mɔgɛ le. (Kiriki-kan rɔ, a tɔgɛ le Dɔrɔkasi. Wo kɔrɛ le “Mina.”) A ya ala wati bɛɛ kɛ ko-nyimɛ kɛ-koe la bolo-kolɔnnu dɛnbɛn tinɛ.

Kɛwɔlɛnu 9:38

Yapa soe anubɛ Lida soe tɛmɛ ma fɛ-yan. Yisata mɔgɛ minnu bi Yapa, wonu ya a lamɔɛn tumɛ min ko Pita ye Lida soe burɔ, anu ya anu sara kemini mɔgɔ fila la. Anu ya wonu nata a ma ko, “I yandi, i ni na ma wara tiriya!”

Kɛwɔlɛnu 9:42

Koe kɛ mankan nyɛnsɛnta Yapa soe burɔ kan tinɛ bɛɛ. Mɔgɔ siyaman dɛnkɛninyara Mari ma wola ko la.

Kɛwɔlɛnu 9:43

Pita ya tele siyaman bɔ kei do warɛ Yapa min tɔgɛ Saimon. Wo si karankɛ-wɔlɛ kɛ.

Yasowa 19:46

Mayarakɔn, Rakɔn anubɛ nyamanɛ min bi Yapa soela foolɛ rɔ.

Yasowa 9:27

Kɔnɔ wo wati rɔ, a ya anu ma wɔli-kɛlɛnu na. Anu mara sɔgɔ-nyininɛnu anubɛ yi-bilɛnu na. Mari ya saraka-mintan-tinɛ min yabɔ a bato-koe la Isirɛla mɔgɛnu ye, anu bi wɔlɛ wo le kun na bɔn la nyɔ ha bi.