2 Ko-Kɔrɔta-Karan 2:12 - ALLALA KUMƐ

¹² Ma si Isirɛlata Mari Alla tanto min ya san-kole anubɛ dugu-kole dan. Wo le ya den hɛnkilimɛ di Mansa Dawuda ma min kunyɛ lafanɛ hɛnkili anubɛ ko-kɔrɔ-lɔn la. A ara wuli Mari Bato-Bɔn anubɛ a nyɛrɛta bolon sɔɛ la kaka.

2 Ko-Kɔrɔta-Karan 2:12 ပူးပေါင်းရင်းမြစ်များ

1 Mansɛnu 5:7

Mansa Hairam ya Mansa Silamɛnina sarakanɛ wo lamɔɛn tumɛ min, a sewara bɛrɛkɛ! A ya a fɔ ko, “Gbiliyɛ ni di Mari ma min ya den-hɛnkilimɛ di Mansa Dawuda ma ka a ma kun-tigi la Isirɛla mɔgɛnu kun na.”

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

2 Ko-Kɔrɔta-Karan 2:1

Mansa Silamɛni ya a latɛgɛ ko ka Mari Bato-Bɔn sɔ anubɛ a nyɛrɛta bolɔn.

2 Ko-Kɔrɔta-Karan 2:13

N si mɔgɛ do lata i ma min kusan boloma-wɔlɛ kɛla. A tɔgɛ le Huram.

Yaburi 102:25

Bi ma, duninya dan i bolo. I ya san-kole dan i nyɛrɛ kɔɛn le la.

Yaburi 102:5

N bi kurɔn min kɛla n kan-mayɛlɛnɛ la, wo ara a ma, n bara bara wonkan!

Yaburi 124:8

Mari min ya san-kole anubɛ dugu-kole dan, wo le ye ma dɛnbɛna.

Yaburi 33:6

Mari kumara le gbansan, san-kole ladanta. Tele wo, karɛ wo, lolenu wo, ata kuma-gbansan le ya wonu nadan.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Kɛwɔlɛnu 14:15

“N fanu, wo ye kɛ mala nfenna? Wo hadama-den-nyɔgɛnu de male la! Ma ye yan ka kibara-nyimɛ lake wo ma. Wo ni bɔ ko-fuyi kɛnu tɔ ka wo yɛ lamunun Alla nimɛ ma min ya san-kole anubɛ dugu-kole anubɛ kɔgɔ-yi dan anubɛ fan min bɛɛ ye wonu tɔ.

Kɛwɔlɛnu 4:24

Anu ya wo lamɔɛn tumɛ min, anu dama ya anu nadɛn ka Alla matara ko, “N tigi Mari, ile le ya san-kole anubɛ dugu-kole dan hali kɔgɔ-yi anubɛ fan min bɛɛ ye wonu tɔ!

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

Lankɛnimayɛ 10:6

A ya a gboro Alla rɔ min nimayanɛ habadan! San-kole anubɛ fan minnu bi a rɔ wo, dugu-kole anubɛ a kuma-fannu wo, kɔgɔ-yi anubɛ fan minnu bi a rɔ wo, ale le ya wo bɛɛ dan. Melika ko, “Matanbani mumɛ ti kɛ tun!

Lankɛnimayɛ 4:11

“Mata Mari le ile la anubɛ mata Alla! A bɛnnɛ i ni to bonyɛ anubɛ gbiliyɛ anubɛ sɛnbɛ sɔrɔnna. Ile le ya fan bɛɛ dan, ado ile le sɔnta wonu dan-koe ma ko anu ni nimayɛ sɔrɔn.”