2 Ko-Kɔrɔta-Karan 2:10 - ALLALA KUMƐ

¹⁰ N si anuna kɔndɔn labɔ. N si fui-fan-subolo fila di ila kɔn-tɛgɛlɛnu ma. N si a subolo kelan bɔrɔ waga bi-loli ani bɔrɔ kɛmɛ fila (50,200) di anu ma. N si wo nyɔgɔn yirika di anu ma a su doi fanan tɔ. N si nɔnbɔ-gbɔ-yi durɔmu waga fila ani durɔmu kɛmɛ sawa (2,300) di anu ma ka Ɔlifi-tuli durɔmu waga fila ani durɔmu kɛmɛ sawa (2,300) di anu ma fanan.”

2 Ko-Kɔrɔta-Karan 2:10 ပူးပေါင်းရင်းမြစ်များ

1 Mansɛnu 5:11

Mansa Silamɛni fanan ya dɔn-fan di Hairam ma. A ya fui-fan bɔrɔ waga bi-loli (50,000) di anu ma. A ya tulu-durɔmu waga fila, durɔmu kɛmɛ sawa (2,300) di anu ma. San-bo-san, a tora dɔn-fan kɛ nyɔgɔn dila a ma.

1 Mansɛnu 7:26

Yi-sigi-kunan wo da-gbengbe si bira kelen bɔ. Huram ya a da-gbole ladan iko yi-lafɛ. A da-gbole firɔnnɛ iko yi-yawore-fere dɛ firɔnnɛ ye nya min. Yi-durɔmu-nya kɛmɛ fila si kun a rɔ.

1 Mansɛnu 7:38

Huram ya kunan tan nadan silɛɛ la fanan ka anu sigi kenkirɛ kelen-kelennamɛ-bɛɛ kuma. Kunan wonu kɔnɛ ya nunkan-nya nani-nani bɔ. Yi-durɔmu nanɛ si kun de anu kelen-kelennamɛ-bɛɛ rɔ.

1 Ko-Kɔrɔta-Karan 14:2

Mansa Dawuda ya a lɔn ko Mari ara ale ma Isirɛla mɔgɛnuna mansa-makawanɛ la, ado a lara a la fanan ko Alla si ala nyamanɛ wo lata yarɔ ka a tɛgɛ Isirɛla mɔgɛnuna ko ma.

2 Ko-Kɔrɔta-Karan 2:15

Kaka, i wara n yili-madiya fui-fan anubɛ nɔnbɔ-gbɔ-yi anubɛ ɔlifi-tuli minnuna ko la kɛ la, i ni wonu nana n ma.

2 Ko-Kɔrɔta-Karan 2:9

alako anu ni kɔlɔma-siyaman sɔrɔn bawo n bi nala Bato-Bɔn min nadanna kɛ la, wo si koloya, a mafɛlɛn si kinya!

2 Ko-Kɔrɔta-Karan 9:8

Tantolɛ ni kɛ ita Mari Alla ye. Ile ara Alla hɛnɛ min kɛ, woletɔ ale ara ile ma mansɛ la alako i ni mansayɛ kɛ a tɔgɔ rɔ. Ka tenbi wo la, Isirɛla mɔgɛnu keninɛ Mari bolo min kɛ, woletɔ a ara anu nasabati tɛban, ado a ara ile ma mansɛ la anu kun na alako i ni tɔnnu mabalan ka kitinu tɛgɛ telenbagayɛ la.”

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Ɛsira 7:22

Anu bi fan min nyɔgɔn donna i bolo, n bara wonu dan latɛgɛ anu ye. N bara sɔn ko anu ni wodi-gbɛ don i bolo minna gbiliyɛ ma tenbi fui-fan bɔrɔ bi-loli la. Anu ni fui-fen don i bolo min ma tenbi bɔrɔ kɛmɛ fila ani bɔrɔ bi-loli la. Anu ni gbɛɛ don i bolo min ma tenbi durɔmu tan la. Tuli fanan bi wo nya na. Kɔgɛ, wo yatɛ latɛgɛni ma.

Luka 10:7

Wo ni to bon kelan wo la. Dɔn-fen wo, min-kɛ-yi wo, anu ba min di wo ma, wo ni wo dɔn bawo a bɛnta, wɔli-kɛlɛ ni a sarɛ sɔrɔn. Wo kana to yilan-yilanna wo yiya tinɛ.