2 Ko-Kɔrɔta-Karan 19:7 - ALLALA KUMƐ

⁷ Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

2 Ko-Kɔrɔta-Karan 19:7 ပူးပေါင်းရင်းမြစ်များ

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Yobu 13:10

Ni wo ya lafisayalɛ kɛ dogɔn rɔ, Alla si wo makuma.

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yobu 8:3

Koe min telennɛ, Alla ti wo radu mumɛ! Koe min bɛnnɛ, fɔ Alla Sɛnbɛ-Bɛɛ-Tigi wa wo ma le serr!

Yaburi 82:2

A ko, “Wo ni wo fara donna binyɛ la kiti tɛgɛ tinɛ. Wo kana hina karagbɛlɛnu na ka lafisayalɛ kɛ anu tɛma.

Bɔ-Koe-Iyipiti 23:8

“Wo kana dogonta-fan bira kamasɔrɔn dogonta-fan si a ma, mɔgɛ ti ke tonyɛ yenna, ado dogonta-fan wo si mɔgɔ-telennɛnuna kumɛ ladon gbɔfɛ la.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Maika 7:3

Ko-yogoma-kɛlɛnu karan-mɔgɛ le wole la. Wola kun-tiginu anubɛ wola kiti-salɛnu bi dogonta-fannu makelela mɔgɛnu bolo kiti-sa-tinɛ. Sɛnbɛ ye minnu na, wonu bi yanfɛnu donna mɔgɛnu ma.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Kɛwɔlɛnu 10:34

Pita ya kumɛ dabira. A ko, “N bara a lɔn de gbɛ ko tonyɛ le, mɔgɛ bɛɛ kelen Alla yala. A ti lafisalayɛ kɛ hali!

Romu 2:11

ado Alla ti mɔgɔ do lafisaya do ko.

Romu 9:14

Ma si nfen fɔ worɔ? Ma si a fɔ ko Alla ma telen, ba? Ade, a sa wo nya feu!

Kalesiya 2:6

Wonu donu bara anu nyɛrɛ ma mɔgɔ-banu na kɔnɔ hali anu mara mɔgɔ-banu na, nna ko sa wo rɔ. Alla ti mɔgɔ ma mɔgɔ-ba la ala yanyɛ anubɛ ala kinyɛ fɛ, ado mɔgɔ-ba wonu ma a fɔ n ye ko n ni nta kumɛ yɛlɛma sibolo-gbɛrɛnuna ko la.

Ɛfɛsa 6:9

Wole yɔɔn-tiginu, wo ni wola yɔɔnnu bira wo nya na le fanan. Wo fara anu niyi ragbɛrɛnna anu ma. Wo ni a lɔn ko wobɛ wola yɔɔnnu, wo Tigi kelen de Arinyɛni tɔ. Ale ti mɔgɛ do lafisaya do ko. Bɛɛ kelen de a yala.

Tɔn-Fɔɛ-Fila-Nyɔgɛ 32:4

“Wota farɛ le Mari la min ti bɔ a gbɛ rɔ. Fɛɛ sa ala ko-ladan-nya fenfen na. Latelen-mansɛ le ale la. A si ko-latelennɛ kɛ. A ti lafisayalɛ kɛ.

Kɔlɔsi 3:25

Kɔnɔ ni wo ya ko-yogomɛ kɛ, wo si wo sarɛ sɔrɔn bawo Alla ti mɔgɔ lafisaya anu nyɔgɔn ko. Mɔgɛ bɛɛ kelen a yala.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Samuwɛli 11:7

A ya sara-ninki fila bi ka wonu tatɛgɛtɛgɛ. A ya ninki-sogo-kundi wonu bi ka wonu don kilayɛnu bolo ka anu nata anu na-kelen-nyɔgɛnu ma Isirɛla nyamanɛ wo kan tinɛ bɛɛ rɔ. A ya kumɛ sa sogo-kundi wonu kuma ko, “Ni mɔgɛ min ma ta nde, Mansa Sɔli anubɛ Samuwɛli fɛ, ma si wo tigita sara-ninki ratɛgɛtɛgɛ iko sara-ninki kɛ ratɛgɛtɛgɛnɛ nya min.” Anu ya anu kundɛn kan-tina-kelen bawo anu kilannɛ Mari la.