2 Ko-Kɔrɔta-Karan 19:5 - ALLALA KUMƐ

⁵ A ya kiti-salɛnu yabɔ so-latankanɛ bɛɛ rɔ Yuda nyamanɛ rɔ.

2 Ko-Kɔrɔta-Karan 19:5 ပူးပေါင်းရင်းမြစ်များ

2 Ko-Kɔrɔta-Karan 19:8

Mansa Yɛhosafati ya Lifayinu anubɛ saraka-masɔlɛnu anubɛ mɔgɔ-ba donu bɔ ka wonu ma kiti-tɛgɛlɛnu na Yerusalɛm soe burɔ. Ni mɔgɛ do ya Marita sereya tinya wo, ni kɛlɛ-nyɔgɔnyɛ donta Yerusalɛm mɔgɛ donu tɛma wo, kiti-tɛgɛlɛ kɛnu si wo kiti tɛgɛ.

Bɔ-Koe-Iyipiti 18:21

Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Saraka-Masɔlɛnuta Tɔnnu 14:42

Wo kɔma, anu si kuru-gbɛrɛkɛ nyini anu ya kan-tinɛ minnu tinya wo la, anu si wo nyɔgɔn sɛgi kuri wo la. Anu si borongbɛ bi wo rɔ ka bɔn wo manɔri wo la.

Matiyu 5:21

“A fɔra fɔlɔ-mɔgɛnu ye ko, ‘I kana mɔgɔ faga, ado ni min ya mɔgɔ faga, mɔgɔ-banu si wo tigi kiti.’ Wo ma wo lamɔɛn nun, ba?

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Tɔn-Fɔɛ-Fila-Nyɔgɛ 1:17

N ko wo ni bolo-kolɔnnu anubɛ fen-tiginuna kiti sa a kilɛ fɛ. Wo kana lafisayalɛ kɛ kiti sa tinɛ. Wo kana kilan mɔgɔ-wo-mɔgɔ la bawo wola kiti-sa-bole bɔra Alla le bolo. Ni wo ma ke kumɛ minnu fɔla, wo si wonu natenbi nde, Musa ma. Nde si yi-kimɛ sa wo rɔ.