2 Ko-Kɔrɔta-Karan 19:4 - ALLALA KUMƐ

⁴ Mansa Yɛhosafati siginɛ Yerusalɛm soe burɔ. Kɔnɔ hali wo, a ye tagamana ala mɔgɛnu tɛma ka a bi Biri-Siba soe dugula-waralɛ la ha ka ta ke Ifɛrɛm kɔnkɔ-nyamanɛ kantɔ-waralɛ ma. A wa ta kan-bo-kan, a si a ma, mɔgɛnu ni sɛgi anu benbanuta Mari Alla ma.

2 Ko-Kɔrɔta-Karan 19:4 ပူးပေါင်းရင်းမြစ်များ

Ko-Dabirɛnu 21:14

Woletɔ Iburayima ya a lasɔ subaga dɛ ma ka a fandɛ anubɛ yi-gbolo-bɔrɛ don Hega bolo. Wo ya yi-bɔrɛ dun a kɛɛ la. Iburayima ya Hega anubɛ ala dan Sumanyila lata anu kun fɛ. Anu tara ka to yilan-yilanna Biri-Siba wulɛ rɔ.

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

Malakayi 4:6

A ko wo si dannubɛ anu sɔrɔnbagɛnu yisi sa anu nyɔgɔn kuma. Ni anu ma sɔn tola ko kelen tɔ, a ko ale Mari si na ka wola nyamanɛ bɛɛ halaki.

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Luka 1:17

Ale fɔlɔn si na Mari yarɔ fanka anubɛ sɛnbɛ la iko Nɛbi Ilaya. A si dannu anubɛ anu fanu ma kelen na. A si kalabantenu yɛlɛma ko anu ni miriya latelennɛ sɔrɔn. A si Allala mɔgɛnu tabɛn Mari ye feu!”

Yasowa 17:15

Yasowa ya anu yabi ko, “Kan-tina-siyaman bi nyɔ wo ma ke bɛ kan min. Wo ta gbɔngbɔn-wɛ rɔ Perasa mɔgɛnu anubɛ Rɛfayim mɔgɛnuna nyamanɛ rɔ. Wo ni kɔlɔmanu tɛgɛ nyɔ ka nyɔ ladan wo nyɛrɛ ye.”

Kɛlɛ-Kurugbɛnu 19:1

Wati wo ya a taran, mansa mumɛ sa Isirɛla mɔgɛnu bolo anuna nyamanɛ rɔ. Lifayi mɔgɛ do siginɛ Ifɛrɛm kɔnkɔ-nyamanɛ rɔ wula-yan la. A ya sunkurɔn do bi Bɛtalehɛm soe burɔ Yuda nyamanɛ rɔ ka wo ma a fɛ-sigi-musi la.

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.