2 Ko-Kɔrɔta-Karan 19:11 - ALLALA KUMƐ

¹¹ Saraka-Masɔla-Kun-Tigi-Wɛ Amaraya si ma dina-kiti-tɛgɛla-kun-tigi la. Sumanyilala den Sebadaya min bi Yuda nyamanɛ kun na, wo si ma kiti-tɛgɛla-kun-tigi la kiti-toenu kuma. Lifayinu fananta wɔlɛ ye min na, ni kiti-tɛgɛlɛnu ya ko-wo-ko fɔ, wo ni bɛn. Wo ni wo kerinteya ka nta kumɛnu bira iko n bara a fɔ wo ye nya min kɛ la. Alamɛ Mari tora tonya-tigi fɛ!”

2 Ko-Kɔrɔta-Karan 19:11 ပူးပေါင်းရင်းမြစ်များ

1 Ko-Kɔrɔta-Karan 22:11

Mansa Dawuda ya a fɔ tun ko, “Nna den, alamɛ ita Mari Alla tora i fɛ. A ni ala lanyiri latɔnbagaya i ye alako i ni ata Bato-Bɔn sɔ.

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

1 Ko-Kɔrɔta-Karan 26:30

Hiburɔn kegeya-mɔgɛ do ye nyɔ min tɔgɔ Hasabaya. Wonubɛ a na-kelen-nyɔgɔ-hɛnkilima mɔgɔ waga kelen ani mɔgɔ kɛmɛ wɔrɔnfila (1,700) siginɛ Isirɛla mɔgɛnu kun na Yorodan bɛ tele-yigi wara la. Anu siginɛ Isirɛla mɔgɛnu kun na ka mansɛta wɔlɛ kɛ katarala Marita wɔlɛ ma.

1 Ko-Kɔrɔta-Karan 26:32

Mansa Dawuda ya wonubɛ a na-kelen-nyɔgɔ-hɛnkilima mɔgɔ waga fila ani mɔgɔ kɛmɛ wɔrɔnfila (2,700) yabɔ ka wonu sigi Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ kun na Yorodan bɛ tele-bɔɛ wara la. Anu siginɛ Isirɛla mɔgɛ wonu kun na ka mansɛta wɔlɛ anubɛ Marita wɔlɛ kɛ.

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

1 Ko-Kɔrɔta-Karan 6:11

Asaraya kɛ ya Amaraya sɔrɔn. Amaraya ya Ahituba sɔrɔn.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 15:7

Kɔnɔ wo ni wo yisi gbɛlɛya ka wo kerinteya. Wo ya ko-nyima wo ko-nyima ma, wo si wo tɔnɛ sɔrɔn.”

2 Ko-Kɔrɔta-Karan 19:6

A ya a fɔ wonu ye ko, “Wo ni a ma wo fɛrɛma kiti tɛgɛ tinɛnu tɔ. Wo sa wɔlila mɔgɔta sarati kɔrɔ, wo ye wɔlila Marita sarati le kɔrɔ, ado a ye wo fɛ kiti tɛgɛ tinɛ.

2 Ko-Kɔrɔta-Karan 19:8

Mansa Yɛhosafati ya Lifayinu anubɛ saraka-masɔlɛnu anubɛ mɔgɔ-ba donu bɔ ka wonu ma kiti-tɛgɛlɛnu na Yerusalɛm soe burɔ. Ni mɔgɛ do ya Marita sereya tinya wo, ni kɛlɛ-nyɔgɔnyɛ donta Yerusalɛm mɔgɛ donu tɛma wo, kiti-tɛgɛlɛ kɛnu si wo kiti tɛgɛ.

Ɛsira 7:5

Buki wo fa tɔgɛ le Abisuwa. Abisuwa wo fa tɔgɛ le Finihasi. Finihasi wo fa tɔgɛ le Ɛliyesa. Ɛliyesa wo fa le ale Saraka-Masɔla-Kun-Tigi-Wɛ Aruna la.

Yaburi 112:5

Mɔgɔ-sewanɛ le wo tigi la min si mɔgɛ dɔndɔ foninsereyɛ rɔ, ado a telennɛ ala yilayɛ rɔ.

Yaburi 37:23

Mari si mɔgɔ kunyɛ telen kila-nyimɛ la. Minnu bi a sako kɛla, a si wonu nakanan.

Hɛnkilimaya-Kumɛnu 2:20

Woletɔ nna dan, ile ni bila mɔgɔ-nyimɛnuta kilɛ fɛ ka telenbagayɛ kɛ.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Luka 23:50

Kei do ye nyɔ min tɔgɛ Yusufu ka bɔ Yahudiyanuna soe do rɔ min tɔgɛ Arimatiya. Mɔgɔ-nyimɛ le kei wo la, ado Yahudiya mɔgɔ-ba do le. A ye Allala mansaya-na-koe makɔnɔna. Hali mɔgɔ-ba le ale la, a ma sɔn anuna ko-latɛgɛnɛ anubɛ anuna kɛwɔlɛnu ma.

Kɛwɔlɛnu 11:24

Mɔgɔ-nyimɛ le Banabasi la. A fanɛ Allata Ni-Sɛnimɛ anubɛ dɛnkɛninyɛ la, woletɔ mɔgɔ siyaman mara Maritɛ la nyɔ.

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

2 Timoti 2:1

Nba, nna dan, i ni Alla madiya ko a ni i sɛnbɛ makofu. A si i sɛnbɛ makofu ka a tɛgɛ ata hinɛ ma i wara la Yisa Kirasiti baraka rɔ.

Yasowa 1:6

I ni i yisi gbɛlɛya ka i kerinteya. I si sɔ mɔgɛnu yarɔ ka ma anuna kɛlɛ-den-kun-tigi la. N ya nyamanɛ min di wo benbanu ma, i si mɔgɛnu gben nyɔ rɔ.

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”