2 Ko-Kɔrɔta-Karan 18:31 - ALLALA KUMƐ

³¹ Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ ale Yɛhosafati gbele-gbelenta. Mari Alla ya a latanka ka wonu kunyɛ bɔ ale telen tɔ.

2 Ko-Kɔrɔta-Karan 18:31 ပူးပေါင်းရင်းမြစ်များ

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 13:14

Yuda kɛlɛ-dannu ya anu yɛ lasɛgi anu kɔma. Anu ya a yen ko anu bara a mini anu ma, anu dira Mari dala alako wo ni anu dɛnbɛ. Wo kɔma, saraka-masɔlɛnu ya kɛlɛ-kɛ-burinu fɛ.

2 Ko-Kɔrɔta-Karan 13:15

Yuda kɛlɛ-dannu ya a lasɔnkɔ, Mansa Abaya sɔnɛ anu yarɔ. Anu buira Isirɛla kɛlɛ-dannu ma. Alla ya Mansa Yɛrabowami anubɛ Isirɛla kɛlɛ-dannu nɔ ka le.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 18:30

Kɔnɔ wo ya a taran, Siriyanuna mansɛ ara a fɔ ala kɛlɛ-den-kunyɛnu ye ko anu denu kana na mɔgɔ-wo-mɔgɔ kɛlɛ fɔ ale Isirɛla mansɛ.

2 Ko-Kɔrɔta-Karan 18:32

Kɛlɛ-den-kunyɛnu ya a lɔn tumɛ min ko Isirɛla mansa ma ale la, anu ya a to nyɔ.

2 Ko-Kɔrɔta-Karan 26:7

Filisitinu wo, Arabu minnu siginɛ Kuru-Beyali wo, anubɛ Mɛhunnu wo, Alla ya ale Mansa Yusaya dɛnbɛ ka wonu nɔ.

Ɛsira 1:1

Pasiya Mansa Sairasila mansayɛ san fɔlɔtɛ ma, Mari ya min fɔ Nɛbi Yɛrɛmaya ye, wo bɔra-a-la. Mari ya a ma, Mansa Sairasi ya sereya do sɛbɛ min si karan ala nyamanɛ kan tinɛ bɛɛ rɔ.

Ɛsira 7:27

Saraka-Masɔla Ɛsira ya a fɔ ko, “N si ma benbanuta Mari Alla tanto bawo a ara a ma, mansɛ ara kɛ nyɔgɔn sufa gbiliyɛ di Mari Bato-Bɔn ma Yerusalɛm soe burɔ.

Nihɛmaya 1:11

I wɔlɔ matɔlɔ nta matarali-kan la anubɛ minnu bi i gbiliya-koenu mala ka wonu fananta matarali-kan lamɔɛn. I yandi, n ba ta n sɔ mansɛ yakɔrɔ bi, n ba ko-wo-ko fɔ a ye, wo la ni tɔnbagaya. A ma, mansɛ ni a ya-nyimɛ yira n na.” Mansɛla baan-bɔlɛ le nde la wo wati rɔ.

Yaburi 118:13

Anu tora n nasɛgila n kɔma-kilɛ la, a tora sɛ, n ni bui kɔnɔ Mari ya n dɛnbɛ.

Yaburi 34:7

Minnu bi Mari gbiliyala, ata melika si wonu kandan. A si anu tanka masibɛ ma.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 56:10

N si ile, Mari tanto ka a tɛgɛ ila lanyiri ma i wara minnu kiri n ye.

Yaburi 94:17

Ni Marila dɛnbɛnɛ ma, anu bi n bara-koe kala-a-la le nun.

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Hɛnkilimaya-Kumɛnu 16:7

Ni i kɛ-nya ya Mari hɛnɛ, hali i yoge, Mari si wo ma i diyana-mɔgɛ la.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.