2 Ko-Kɔrɔta-Karan 17:7 - ALLALA KUMƐ

⁷ Yɛhosafatila mansayɛ san sawa nyɔgɛ ma, a ya ala mɔgɔ-ba loli lata Yuda mɔgɛnu karan tinɛ. Minnu tara, wonu tɔgɛ le kɛnu na, Bɛnhayɛli wo, Hɔbadaya wo, Sakaraya wo, Natanɛli wo, anubɛ Mɛkaya.

2 Ko-Kɔrɔta-Karan 17:7 ပူးပေါင်းရင်းမြစ်များ

2 Ko-Kɔrɔta-Karan 15:3

Wati donu bara tenbi, wole Isirɛla mɔgɛnu sa Allatayɛ la nun, ado saraka-masɔla sa wo bolo nun minnu si wo labila Alla wara-koe la. Wo sa tɔn kɔrɔ wo wati rɔ.

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

2 Ko-Kɔrɔta-Karan 35:3

Lifayi mɔgɛ minnu dantɛgɛnɛ Mari ma nun Isirɛla mɔgɛnu karan-koe la, a ya a fɔ wonu ye ko, “Mansa Dawudala den Mansa Silamɛni ya tɔn-kenkirɛ min nadan nun, wo ni wo bi ka a ladon Mari Bato-Bɔn burɔ. Wo kana to tala a la kan-tina-gbɛrɛkɛnu tɔ. Wo leta wɔli ma fenfen na fɔ ka wɔli wota Mari Alla anubɛ ata Isirɛla mɔgɛnu ye.

Ɛsira 7:25

“Alla ara hɛnkili min di ile Ɛsira ma, i si wo lawɔli. Minnu bi ita Allata tɔn birala Yufereti bɛ tele-yigi wara la, ile Ɛsira si kun-tiginu anubɛ kiti-tɛgɛlɛnu yabɔ wonu tɔ, ado ni minnu ma Allata tɔn lɔn, i si wonu karan a la.

Nihɛmaya 9:3

Hawa sawa, Lifayinu bi anuta Mari Allata tɔn-buku karanna anu ye. A nyɔgɔn hawa sawa fanan, Isirɛla mɔgɛnu bi anu sɔla anu hakɛ la ka anuta Mari Alla bato.

Yaburi 34:11

Wole nna dannu, wo ni wo tole masɔ n na. N si wo labila Mari gbiliya-nya la.

Yaburi 51:13

Woletɔ n si hakɛ-tiginu karan ita tɔnnu ma alako anu ni sɛgi i ma.

Makawandili Kumɛnu 1:12

Nde, karan-mɔgɔ taranta mansayɛ la Isirɛla nyamanɛ kun na Yerusalɛm soe burɔ.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Saraka-Masɔlɛnuta Tɔnnu 14:42

Wo kɔma, anu si kuru-gbɛrɛkɛ nyini anu ya kan-tinɛ minnu tinya wo la, anu si wo nyɔgɔn sɛgi kuri wo la. Anu si borongbɛ bi wo rɔ ka bɔn wo manɔri wo la.

Yilan-Yilan Koe 1:8

Wo ni Suwala dan Natanɛli kele ka bɔ Isakari bɔnsɔn rɔ.

Matiyu 4:23

Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Maraka 4:2

A ya ko siyaman fɔ anu ye tilinu tɔ. A ko,

Kɛwɔlɛnu 1:1

N bi kɛ sɛbɛla ile Tiyofilasi ma. Yanni Yisa ni yɛlɛ Arinyɛni tɔ tumɛ min, a ya ata wɔlɛ anubɛ ata karan min bɛɛ dabira, n bara wo bɛɛ sɛbɛ nna buku fɔlɔtɛ rɔ. Yisa ya kilayɛ minnu yabɔ, a ya hɛnkili di wonu ma Allala Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 33:10

Anu si Isirɛla mɔgɛnu karan tɔn-bira-koe ma ka anuna sarakɛnu masɔ anu ye ile Marita saraka-mintan-tinɛ kuma.

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.