2 Ko-Kɔrɔta-Karan 17:5 - ALLALA KUMƐ

⁵ Mari ya Yuda nyamanɛ lasabati Yɛhosafati ye. Ala mɔgɛnu tora a sanbala ha a mara nɔnfulu-tigi anubɛ tɔgɔlamɛ la.

2 Ko-Kɔrɔta-Karan 17:5 ပူးပေါင်းရင်းမြစ်များ

Ko-Dabirɛnu 13:2

Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk!

1 Mansɛnu 10:25

San-bo-san, min ba wuli tala bɔla a wara, wo si a sanba. Donu si ta wodi-gbɛ la, donu si ta sɛnɛ la, donu fanan si ta duruku-ba la, donu si ta kɛlɛ-kɛ-fan la, donu si ta kɛnɛ la, donu si ta soeenu na, donu si ta sofɛlɛnu na anu bolo.

1 Mansɛnu 10:27

Mansa Silamɛnita wati rɔ, wodi-gbɛ rakanɛ Yerusalɛm soe burɔ iko kuru-kundi. Lɛbanan fɛran minnu dɛ gbɛlɛ, wonu bi nyɔ duk! Kurukurun ti a ban, tarali ti a ban. Anu siya iko kɔlɔma minnu bi anu halala-nyamanɛ rɔ.

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

2 Ko-Kɔrɔta-Karan 1:15

Sɛnɛ anubɛ wodi-gbɛ raboroko-barakanɛ ata wati rɔ. Fɛrɛn-da-gbɛlɛ, wonu bi nyɔ duk! Kurukurun ti a ban, tarali ti a ban.

2 Ko-Kɔrɔta-Karan 18:1

Yuda Mansa Yɛhosafatila mansayɛ sabatira ka gbiliyɛ sɔrɔn tumɛ min, a ya Isirɛla Mansa Ehabula dunmusi furu ala dan ye.

2 Ko-Kɔrɔta-Karan 32:23

Mɔgɔ-siyaman nara kɔ-fannu na Mari ye anubɛ fen-kolomɛnu na Mansa Hɛsakaya ye Yerusalɛm soe burɔ. Ka a dabira wati wo ma, sibolo-gbɛrɛnu tora Mansa Hɛsakaya gbiliyala kosɛbɛ!

2 Ko-Kɔrɔta-Karan 9:27

Ale Mansa Silamɛni ya a ma, wodi-gbɛ rakara Yerusalɛm soe burɔ baraki, iko kuru-kundi. Fɛran minnu dɛ gbɛlɛ, wonu bi nyɔ duk! Kurukurun ti a ban, tarali ti a ban. Anu siya iko toro-kuri-mɛsɛ minnu bi Isirɛla gburukulinu ma.

Yobu 42:12

A ya Marita duwɛ min sɔrɔn tɔɛ kɛ la, wo tenbira a fɔlɔtɛ la. A ya saga waga tan-ni-nani (14,000) sɔrɔn tun. Wo kɔma, a ya nyomo waga wɔrɔ (6,000) sɔrɔn tun. A ya sara-ninki waga fila (2,000) sɔrɔn tun. Wo kɔma, a ya sofɛlɛ waga kelen (1,000) sɔrɔn.

Yaburi 127:1

Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

Yaburi 132:12

Ni ala dannu ya ila sarama-kan latɔnbagaya ka ila karan to a gbɛ rɔ, i ko mansayɛ ti bɔ anuna bɔn la mumɛ!

Yaburi 68:29

Mansɛnu bi nala i kɔ-fannu na ka a tɛgɛ i Bato-Bɔn ma Yerusalɛm soe burɔ.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Yaburi 76:11

Ni i ya min di-koe fɔ ita Mari Alla ma, i ni wo di a ma. Wole sibolo-gbɛrɛ minnu gbɛrɛnnɛ Isirɛla ma, wo ni na kɔ-fannu na a ye. Alla ye a mala, mɔgɛ bɛɛ ye kilanna a la.

Hɛnkilimaya-Kumɛnu 16:12

A ma bɛn, karagbɛlɛyɛ ni diya mansɛ ye bawo telenbagayɛ le ye a mala, mansayɛ ni to sɛnbɛ rɔ.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.