2 Ko-Kɔrɔta-Karan 17:3 - ALLALA KUMƐ

³ Mari ya ata duwɛ layigi Yɛhosafati kuma bawo a ya a fa sɔn fɔlɔtɛ bi. A ma Bɛsi Beyali kɔ.

2 Ko-Kɔrɔta-Karan 17:3 ပူးပေါင်းရင်းမြစ်များ

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

2 Samuwɛli 5:10

Mansa Dawuda tora fanka sɔrɔnna ala mansayɛ rɔ bawo Mari Alla Sɛnbɛ-Bɛɛ-Tigi ye a fɛ.

2 Samuwɛli 8:15

Mansa Dawuda ya Isirɛla nyamanɛ mumɛ bɛɛ mara, ado a ya koe bɛɛsi lata a kilɛ fɛ ka ko-latelennɛ kɛ.

1 Mansɛnu 11:6

Mansa Silamɛni bilara Mari la. A ma sɔn a latelenna Mari ye iko a fa Mansa Dawuda ya a ma nya min.

1 Mansɛnu 22:43

Mansa Yɛhosafati ya ko-telennɛ kɛ Mari yala iko a fa Mansa Esa ya a ma nya min. Fɔ fɛɛ kelen min taranta a la, a ma bɛsi-kɔ-tinɛnu tinya, ado mɔgɛnu tora sarakɛnu bɔla nyɔ anubɛ ka isɛnti mintan ka anuna bɛsɛnu kɔ.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

2 Mansɛnu 14:3

Ale Mansa Hamasa wara-koe ya Mari hɛnɛ kɔnɔ aletɛ ma ke a benba Mansa Dawudatɛ rɔ. A ya a ma iko a fa Yohasi ya a ma nya min.

2 Mansɛnu 16:2

Ehasi mansayara a sɔrɔn-san mogan nyɔgɛ le ma. A ya ala mansayɛ kɛ Yerusalɛm soe burɔ san tan-ni-wɔrɔ kɔrɔ. Ale ma a benba Mansa Dawuda sɔn-nyimɛ bi, ado a ya min ma, wo ma ata Mari Alla hɛnɛ.

2 Mansɛnu 18:3

Mansa Hɛsakaya ya koe min bɛɛsi ma ala mansayɛ kɔrɔ, wonu ya Mari hɛnɛ iko a benba Mansa Dawuda wara-koe ya Mari hɛnɛ nya min.

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

1 Ko-Kɔrɔta-Karan 22:18

A ya a fɔ mɔgɔ-ba wonu ye ko, “Wota Mari Alla ye wo fɛ nun, ado a ya a ma, wola nyamanɛ kan tinɛ bɛɛ tora yisi-kimɛ rɔ. Ale ya fɛrɛ di n ma ka nɔ-ko sɔrɔn mɔgɛnu ma minnu siginɛ yan nun. Hali kaka, anu bi wole anubɛ Mari kɔrɔ.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 17:2

Yuda nyamanɛ so-latankanɛnu wo, Yuda soe doinu wo, hali a fa Mansa Esa ara soe minnu bira-a-la nun Ifɛrɛm bɔnsɔn-mɔgɛnuna nyamanɛ rɔ wo, Mansa Yɛhosafati ya kɛlɛ-dannu sigi wonu dama rɔ.

2 Ko-Kɔrɔta-Karan 17:4

A ya a fata Alla bato ka ata tɔnnu bira. A ma Isirɛla mansɛnu sɔnnu bi.

2 Ko-Kɔrɔta-Karan 20:32

A ya a fa Mansa Esa sɔn-nyimɛ bi ka ko-latelennɛ kɛ Mari yala.

2 Ko-Kɔrɔta-Karan 21:12

Nɛbi Ilaya ya kɛdi sɛbɛ ale Mansɛ Yɛhoram ma. Min sɛbɛnɛ kɛdi wo rɔ a ko, “I benba Mansa Dawudata Mari Alla ara a ban i la bawo i ma i fa Mansa Yɛhosafati sɔn bi fɔ i benba Mansa Esa.

2 Ko-Kɔrɔta-Karan 22:9

Yehu ya mɔgɛ donu sɔ Mansa Ehasaya nyini tinɛ. Anu ya a taran dogɔn rɔ Samariya soe burɔ. Anu ya a bira ka ta a la ale Yehu ma. Yehu ya a faga. Anu ya a togon a benba Mansa Yɛhosafatila gbiliyɛla ko la bawo wo le ya Mari sako kɛ a yisi bɛɛ la. Mɔgɔ-wo-mɔgɔ ma to a niyi la Mansa Ehasaya kebilɛ la min si ma mansɛ la.

2 Ko-Kɔrɔta-Karan 27:6

Mansa Yotam bi ata Mari Allata kumɛ tola a gbɛ rɔ min kɛ, a ya sɛnbɛ sɔrɔn ata mansayɛ rɔ kosɛbɛ!

2 Ko-Kɔrɔta-Karan 29:2

Mansa Hɛsakaya ya koe min bɛɛsi ma ala mansayɛ kɔrɔ, wonu ya Mari hɛnɛ iko a benba Mansa Dawuda wara-koe ya Mari hɛnɛ nya min.

2 Ko-Kɔrɔta-Karan 34:2

Mansa Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Bɔ-Koe-Iyipiti 4:12

Woletɔ, ta fasai, n si i labila. A bɛnta, i ni min fɔ, n si i karan wo la.”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Yɛrɛmaya 2:23

A ko wo le si ke a fɔla kama gbɛ ko wo kɔsɔni ma Beyali kɔ-koe bolo? Ado nfan, wo ni wo miri wo ya koe minnu ma Bɛn-Hinɔm lɛɛ rɔ. Wo ni wo miri wola bɛsi-kɔ-koe ma. Wo mani de dɔrɔn iko kei-sɔgɛ ye nyomo-musi min na. A ye a burila kan-tinɛ bɛɛ rɔ.

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 18:20

ado mɔgɔ fila, ni wo ma, mɔgɔ sawa wa bɛn n tɔgɔ rɔ, n bi anu tɛma nyɔ.”

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

2 Timoti 4:22

Mari ni i niyi kandan. Allala hinɛ ni to wo dama fɛ.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 6:12

Melika wo ya a nyɛrɛ yira ale Kidiyɔn la. A ko, “Sɛnbɛ-tigi anubɛ kerinte le ile la. Nde, Mari ye i fɛ.”

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

1 Samuwɛli 18:12

Mansa Sɔli kɛnɛna kilanna Dawuda la bawo a ya a lɔn ko Marita sɛnbɛ sa ale fɛ tun fɔ Dawuda.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 18:5

Mansa Sɔli ya Dawuda sɔ ko-wo-ko la, a si wo ma a kilɛ fɛ. Woletɔ Mansa Sɔli ya kun-tigiyɛ di a ma kɛlɛ-dannu tɛma. Ala kun-tigiya-sɔrɔn wo diyara Mansa Sɔlila kɛlɛ-dannubɛ ala mɔgɔ-banu ye.