2 Ko-Kɔrɔta-Karan 16:9 - ALLALA KUMƐ

⁹ Mari ye duninya mumɛ bɛɛ kumafɛlɛnna, ado a si ata sɛnbɛ di ata mɔgɔ-latelennɛnu ma. Mansɛ, i wara yuwayɛ kɛ. Ka a bi bi ma ha tumɛ min di ale ye, kɛlɛ ti bɔ i kun ma mumɛ!”

2 Ko-Kɔrɔta-Karan 16:9 ပူးပေါင်းရင်းမြစ်များ

Ko-Dabirɛnu 31:28

I ma fɛrɛ di n ma lefan ka nna dunmusinu anubɛ n mamanɛnu kɔndɔn. I ya yuwayɛ le ma wo la.

2 Samuwɛli 24:10

Mansa Dawuda ban mɔgɛnu danna, a yisi ma kima tun. A ya a fɔ Mari ye ko, “N bara min ma kɛ la, n bara hakɛ-wɛ le kɛ kɛ la ka bila ile Mari le la wo la. I yandi, Mari, n makoto. N bara kun-takolonya-koe le ladan kɛ la.”

1 Mansɛnu 15:32

Yuda Mansa Esa wo, Isirɛla Mansa Beyasa wo, kɛlɛ-nyɔgɔya kelan kɛ taranta wonu fanan tɛma anuna mansaya-wati bɛɛ rɔ.

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

1 Ko-Kɔrɔta-Karan 21:8

Mansa Dawuda ya a fɔ Alla ye ko, “N bara min ma kɛ la, n bara hakɛ kɛ ka bila ile, Alla le la wo la. I yandi, n makoto. N bara kun-takolonya-koe le ladan kɛ la.”

2 Ko-Kɔrɔta-Karan 15:17

Hali Mansa Esa ma ban Alla-batobɛlɛnuna kɔ tinɛnu tinyana kɔnɔ hali wo, a tora Mari sako kɛla ala wati bɛɛ rɔ.

2 Ko-Kɔrɔta-Karan 15:19

Kɛlɛ-gbɛrɛkɛ ma don Yuda nyamanɛ rɔ ha ala mansayɛ san bi-sawa ani san loli nyɔgɛ ma.

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 19:9

Ale mansɛ ya a fɔ kiti-tɛgɛlɛ wonu ye ko, “Ni wo ye wola kiti tɛgɛla, wo ni Mari gbiliya. Ni wo ye ko-wo-ko rɔ, wo ni ala tɔnnu bira fɔlɔn.

2 Ko-Kɔrɔta-Karan 6:20

I wara kan tinɛ kɛ min yabɔ i bato-koela ko la, i yandi, Mari, i ni i fonde to bɔn kɛ ko su-ni-tele. Nba woletɔ, Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta mataralɛ la n bi min nakɛla i ma.

Ɛsira 5:5

Kɔnɔ kɛ bɛɛ rɔ, Alla kolan ye Yahudiyanuna kun-tiginu kumafɛlɛnna. Pasiya mɔgɔ-banu ya a latɛgɛ ko anu kana ko-wo-ko ma fɔ anu ni kɛdi sɛbɛ anuna Mansa Dariyasi ma fɔlɔn. Anu ni a miriya-fɔlɔn lɔn.

Yobu 28:24

A ya a lɔn bawo ale le kelen pe si ke dugu-dankun filɛ yenna a kolan la. Fan min bɛɛsi ye san-kole kɔrɔ, ale le si wonu tagbɛ.

Yobu 31:4

N ya ko-wo-ko ma, Alla ya wo lɔn. N tara kan-bo-kan, a kolan ye n gbere la.

Yobu 34:21

Hadama-dan ye koe min bɛɛsi mala, Alla kolan ye wo bɛɛ la.

Yaburi 113:6

Kɔnɔ a ye a madula ka san-kole anubɛ dugu-kole mafɛlɛn.

Yaburi 33:14

A si to ala mansaya-tinɛ rɔ ka duninya-mɔgɛ bɛɛ mafɛlɛn.

Yaburi 33:15

A ya mɔgɛ bɛɛ hɛnkili ladan. Anu bi koe min bɛɛ mala, a ye wo bɛɛ kalama.

Yaburi 33:18

Mari kolan bɛnnɛ a gbiliyalɛnu ma. Minnu bara la Mari la ka anu yigi sa ata keninteya-dannatɛgɛbɛlɛ rɔ, a kolan bɛnnɛ wonu fanan ma.

Yaburi 34:15

Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na.

Yaburi 37:37

Mɔgɔ-nyimɛ mafɛlɛn ka mɔgɔ-latelennɛ lakɔrɔsi. Min yisi-kimanɛ, kun-nadiyɛ si kɛ wola dannu ye.

Hɛnkilimaya-Kumɛnu 15:3

Mari kolan ye kan-tinɛ bɛɛ la. Hali a nyimɛ anubɛ a yogomɛ, a si wo bɛɛ yen.

Hɛnkilimaya-Kumɛnu 5:21

I ya ko-wo-ko ladan, Mari kolan bɛnnɛ i ma, yɔ! I tara kan-bo-kan, a ye i mafɛlɛnna.

Aiseya 31:1

Minnu bi tala Iyipiti anu dɛnbɛn-koe rɔ, gbalo ye wonu kuma. Anu lanɛ Iyipiti kɛnuna soeenu anubɛ anuna kirindinu anubɛ anuna kɛlɛ-kɛ-dannu na dɔgɔma-ma-de! Kɔnɔ Isirɛlata Mari Alla-sɛnimɛ, anu ma la ale la. Anu ti a manyinika anu dɛnbɛn-koe la.

Yɛrɛmaya 16:17

Wo ye min bɛɛ kun na tɛrr, Mari ko a kolan bɛnnɛ a ma. Wo ti ke ko-wo-ko dogonna a ma. Wo hakɛ sanɛ gbɛ le ma.

Yɛrɛmaya 32:19

I miriya kolo. I kɛ-nya kolo. I ye mɔgɛnuna ko-ladan-bole bɛɛ kalama. I si bɛɛ sara iko anu bi wɔlila nya min.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

Matiyu 5:22

Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

1 Kɔrɛnti 15:36

Bɛɛ ya wo lɔn! I wa sugi ki dugi rɔ tumɛ min, a ti fɛrɛn ni a ma ma iko a ara faga.

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Hiburunu 4:13

Dali-fan fenfen ti dogon Alla ma. Bɛɛ ye gbɛ rɔ a yala. A ya-makanɛ sanɛ, a kolan ye a la, ado a fɛrɛ sa fɔ ma dama ni ma dantɛgɛ Alla ye.

1 Pita 3:12

Bawo Mari kolan bɛnnɛ mɔgɔ-latelennɛnu ma. A wɔlɔ matɔlɔnɛ anu di-kɛ-kannu na. Kɔnɔ ko-yogoma-kɛlɛnu, a ye wonu kan ma.”

1 Samuwɛli 13:13

Samuwɛli ya a fɔ a ye ko, “I wara yuwaya-koe le ma wo la. Ita Mari Alla ya tɔn minnu di i ma, i ma sɔn wonu bira-koe ma. Ni i ya a sako le kɛ nun, a si a ma, wobɛ i kegeyɛnu ni to mansayɛ la Isirɛla kun na burubukai!