2 Ko-Kɔrɔta-Karan 16:3 - ALLALA KUMƐ

³ “Ma ni to ko kelen tɔ iko ma fanu bi nya min nun. I sanbɛ le sɛnɛ anubɛ wodi-gbɛ kɛnu na alako i ni bɔ Isirɛla Mansa Beyasa fɛ. Wo si a ma, mansɛ wo fanan ni ala kɛlɛ-dannu bɔ nta nyamanɛ rɔ.”

2 Ko-Kɔrɔta-Karan 16:3 ပူးပေါင်းရင်းမြစ်များ

2 Samuwɛli 21:2

(Isirɛla mɔgɔ ma Kibiyon kɛ kɛnu na. Amora le anu na Isirɛla mɔgɛnu ya lanyiri kiri minnu ye anu niyi-lakisi-koe la. Kɔnɔ Mansa Sɔli ya mɔgɔ siyaman faga anu tɔ Isirɛla anubɛ Yuda nyamanɛnuna ko la.)

1 Mansɛnu 15:16

Yuda Mansa Esa wo, Isirɛla Mansa Beyasa wo, kɛlɛ-nyɔgɔya kelan wo taranta anu denu fanan tɛma anuna mansaya-wati bɛɛ rɔ.

2 Ko-Kɔrɔta-Karan 16:2

Mansa Esa ya sɛnɛ anubɛ wodi-gbɛ bi Mari Bato-Bɔn anubɛ ata bolɔn la ka wonu nata Siriya Mansa Bɛnhedadi ma Damasika soe burɔ. A ya sarakanɛ lata ale mansɛ wo ma, a ko,

2 Ko-Kɔrɔta-Karan 16:4

Siriya Mansa Bɛnhedadi sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛ donu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, anubɛ Ebɛli-Bɛti-Meyaka. Wo kɔma, anu tara Nafatali bɔnsɔn-mɔgɛnuna fen-namara-soe bɛɛ bi anu bolo.

2 Ko-Kɔrɔta-Karan 18:3

Mansa Ehabu ya Mansa Yɛhosafati manyinika, a ko, “I ti kofu ma ma? Ma ni ta Ramɔti kɛnu kɛlɛ.” Yɛhosafati ya a fɔ a ye ko, “I wulita tuma-wo-tuma, n bi i fɛ. I halalɛ le nna kɛlɛ-dannu na.”

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

Yaburi 15:4

A hayu sa karagbɛlɛnu na, ado mɔgɛ min bi Mari sako kɛla, a si wo le gbiliya. Ale mɔgɔ-nyimɛ wo si a nyɛrɛ diyana-koenu boloka ka ala lanyiri latɔnbagaya hali koe min si na ma a tɔrɔya-koe la.

Bɔ-Koe-Iyipiti 32:21

Musa ya a fɔ Aruna ye ko, “Mɔgɛ kɛnu ya nfen ma i la ha i wara anu nadon hakɛ sufa kɛ rɔ?”

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

2 Timoti 3:3

Anu si to karagbɛlɛyɛ ladanna tolon! Anu ti kinikini mɔgɛnu ma. Anu si ma mɔgɔ-tɔgɔ-tinyanɛnu na anubɛ nyɛrɛ-birabɛlɛnu anubɛ mɔgɔ-feremɛnu. Anu si ko-nyimɛ-bɛɛ kɔn.

Kɛlɛ-Kurugbɛnu 2:2

N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.