2 Ko-Kɔrɔta-Karan 15:8 - ALLALA KUMƐ

⁸ Mansa Esa ya nɛbiya-kumɛ kɛ lamɔɛn Nɛbi Asaraya bolo tumɛ min, wo ya a diya don a rɔ. A ya bɛsɛnu tinya Yuda nyamanɛ anubɛ Bɛnyamɛ nyamanɛ rɔ. Soe minnu biranɛ a bolo nun Ifɛrɛm kɔnkɔ-nyamanɛ rɔ, a ya nyɔ-bɛsɛnu tinya. Saraka mintan tinɛ min bi Mari Bato-Bɔn kata burɔ, a ya wo mabɛn.

2 Ko-Kɔrɔta-Karan 15:8 ပူးပေါင်းရင်းမြစ်များ

1 Mansɛnu 11:5

A donta Saidon kɛnuna bɛsi Asitɔra kɔ-koe rɔ min nadannɛ musila muninyɛ rɔ. A kɛnɛna Amonnuna bɛsɛ fanan kɔla min tɔgɛ Molɛki. Wo wara-koe sɔgɔ labɔnɛ Alla la lass!

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

1 Mansɛnu 15:9

Mansa Yɛrabowamila mansayɛ san-mogan-nyɔgɛ Isirɛla nyamanɛ rɔ, Mansa Abayala den Esa mara mansɛ la Yerusalɛm soe burɔ Yuda nyamanɛ rɔ. San bi-nani ani san kelen kɔrɔ, a ye Yuda mɔgɛnu kun na. A mama le Abasalɔmla den Meyaka la.

2 Mansɛnu 16:14

A ya Marita saraka-mintan-tinɛ wo sigi saraka-mintan-tina-kurɛ anubɛ Mari Bato-Bɔn tɛma ka a lata kantɔ-wara la.

2 Mansɛnu 18:22

Tumado, wo ye a fɔla le ma ye ko wo ye lala le wota Mari Alla la, wa? Mansa Hɛsakaya ya kan-tina-mayɛlɛnɛ minnu tinya wonu na, ale Mari bato tinɛ le ma wonu na, wa? Wo kɔma, a ma a fɔ wole Yuda kɛnu ye ko wonu ni to sarakɛnu bɔla saraka-mintan-tina kelan wo rɔ Yerusalɛm, wa?

2 Mansɛnu 23:13

Yuda mɔgɛnu kɛnɛna Saidon kɛnuna bɛsɛ do kɔla nyɔ min tɔgɛ Asitɔra. Anu kɛnɛna Mohabu kɛnuna bɛsɛ do kɔla nyɔ rɔ min tɔgɛ Kimasi. Anu kɛnɛna Amon kɛnuna bɛsɛ do kɔla nyɔ rɔ min tɔgɛ Molɛki. Isirɛla Mansa Silamɛni ya bɛsi-kɔ-tina-mayɛlɛnɛ minnu nadan Yerusalɛm tele-bɔɛ wara la, Kasara kɔnkɛ dugula wara la, ale Mansa Yosaya ya wo damasi latinya.

2 Ko-Kɔrɔta-Karan 13:19

Mansa Abaya anubɛ ala kɛlɛ-dannu ya Isirɛla kɛlɛ-den-toenu sagaran. A ya anuna soe donu bi anu bolo. Soe wonu tɔgɛ le kɛnu na, Bɛtɛli wo, Yɛsena wo, Ɛfirɔn wo, anubɛ anuna so-mɛsɛ minnu bi anuna foolɛnu tɔ.

2 Ko-Kɔrɔta-Karan 17:2

Yuda nyamanɛ so-latankanɛnu wo, Yuda soe doinu wo, hali a fa Mansa Esa ara soe minnu bira-a-la nun Ifɛrɛm bɔnsɔn-mɔgɛnuna nyamanɛ rɔ wo, Mansa Yɛhosafati ya kɛlɛ-dannu sigi wonu dama rɔ.

2 Ko-Kɔrɔta-Karan 19:11

Saraka-Masɔla-Kun-Tigi-Wɛ Amaraya si ma dina-kiti-tɛgɛla-kun-tigi la. Sumanyilala den Sebadaya min bi Yuda nyamanɛ kun na, wo si ma kiti-tɛgɛla-kun-tigi la kiti-toenu kuma. Lifayinu fananta wɔlɛ ye min na, ni kiti-tɛgɛlɛnu ya ko-wo-ko fɔ, wo ni bɛn. Wo ni wo kerinteya ka nta kumɛnu bira iko n bara a fɔ wo ye nya min kɛ la. Alamɛ Mari tora tonya-tigi fɛ!”

2 Ko-Kɔrɔta-Karan 19:4

Mansa Yɛhosafati siginɛ Yerusalɛm soe burɔ. Kɔnɔ hali wo, a ye tagamana ala mɔgɛnu tɛma ka a bi Biri-Siba soe dugula-waralɛ la ha ka ta ke Ifɛrɛm kɔnkɔ-nyamanɛ kantɔ-waralɛ ma. A wa ta kan-bo-kan, a si a ma, mɔgɛnu ni sɛgi anu benbanuta Mari Alla ma.

2 Ko-Kɔrɔta-Karan 29:18

Lifayinu ya anu dantɛgɛ Mansa Hɛsakaya ye, anu ko, “Ma ara ban Bato-Bɔn sɛninyala iko tɔn ya a fɔ nya min. Saraka mintan tinɛ wo, biredi-sa-tebulu wo, anubɛ anu fɛ-miran bɛɛsi, ma ara wo bɛɛ sɛninya.

2 Ko-Kɔrɔta-Karan 4:1

Ale Mansa Silamɛni ya saraka-mintan-tinɛ ladan silɛɛ la. Wo kɔnɛ nunkan-nya mogan, a lɔngbɔn nunkan-nya mogan, a sɔɛ nunkan-nya tan.

2 Ko-Kɔrɔta-Karan 8:12

Mansa Silamɛni ya sarakɛnu bɔ saraka-mintan-tinɛ kuma a ya min nadan Bato-Bɔn yarɔ.

Aiseya 44:14

Tumado a si lɛnkɛ tɛgɛ gbɔngbɔn rɔ, ni wo ma, a ni gbɛni-mele tɛgɛ burɔn kɔrɔ. Ni wo ma, a ni denkerenafan ki ka a makɔni ha wo ni koloya.

Aiseya 65:4

Anu bi anu sigila kaburu-soenu tɔ. Anu bi kila nyɔ alako anu ni kuman-kan-kɛndɛ sɔrɔn furinu bolo. Anu bi sogo-haramunɛnu dɔnna. Anuna dagɛnu kɔgɔ donnɛ kisimiriya-sogo sufa kɛnu na.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Isikiyɛli 8:10

N donta. N ma fenfen taran dandan ma nyɔ fɔ duguma-fannuna muninyɛ anubɛ sogo-haramunɛnuna muninyɛnu anubɛ Alla gboyana-bɛsɛnu Isirɛla bɔnsɔn-mɔgɛnu bi minnu kɔla.

Saraka-Masɔlɛnuta Tɔnnu 18:30

Mari nyɛrɛ ya a fɔ tun ko, “N bara tɔn minnu di wo ma kɛ la, wo ni wonu bira. Wo kana wo bila nyamanɛ wo mɔgɛnu kɛ-nya fɛ alako ka wo nyɛrɛ ma mɔgɔ-sɛninyabɛlɛ la fufafu! Wota Mari le nde, Alla la min bi kɛnu fɔla wo ye.”

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Kɛwɔlɛnu 28:15

Marita mɔgɛ do minnu bi Romu soe burɔ, wonu ya ma wara-koe lamɔɛn tumɛ min, anu nara fɔ feri-kɛ-tinɛ min tɔgɛ Apiyai anubɛ Sundan-Yiya-Bon-Sawɛ ye kan min ka ma labɛn. Pɔli ya wonu yen tumɛ min, wo ya a sɛnbɛ don. A ya baraka bira Alla ye.

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

1 Pita 4:3

ado wo ara wati min kɛ fɔlɔ-nun Alla-batobɛlɛnuta koenu kɛ tinɛ, wo ara a bɔ. Nyɛrɛ-latinya-koe wo, nata wo, gbɛɛ-minyɛ wo, kisimiriya-koe wo, yabatoyɛ wo, bɛsi-kɔ-koe wo, wo ya wola siyi duni wonu denu kɛ tinɛ nun.

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.