2 Ko-Kɔrɔta-Karan 15:2 - ALLALA KUMƐ

² A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 15:2 ပူးပေါင်းရင်းမြစ်များ

1 Mansɛnu 11:25

Mansa Silamɛnita wati rɔ, anubɛ Mansa Hedadi mara Isirɛla yogo-bɛrɛbɛrɛ la, ado a ya Mansa Silamɛni yakɔrɔ-mamɔ.

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

2 Mansɛnu 21:14

Min bi tola anu niyi la, n si n yɛ firindi wonu ma ka anu kunyɛ don anu yogenu bolo. Anu yoge wonu si anu nɔ ka anu bolo-fan bɛɛ bi anu bolo.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 11:12

A ya soe wonu ma kɛlɛ-mirannu namara tinɛnu na alako Yuda anubɛ Bɛnyamɛ nyamanɛnu si to ata marɛ kɔrɔ nya min.

2 Ko-Kɔrɔta-Karan 12:5

Wo le ya a ma, Nɛbi Sɛmaya tara Mansa Rihobowami anubɛ Yuda bɔnsɔn-kun-tiginu bara Yerusalɛm soe burɔ. Kɛlɛ nanɛ, mɔgɔ-ba wonu ya anu buri tala nyɔ rɔ bawo anu kilannɛ Iyipiti mansɛ anubɛ ala kɛlɛ-dannu na. Nɛbi Sɛmaya ya a fɔ anu ye ko, “Marita kilayɛ le kɛ la. A ko bawo wo ara wo ban ale la, woletɔ a ara a ban wole la ka wo kunyɛ don Iyipiti Mansa Sisaki bolo.”

2 Ko-Kɔrɔta-Karan 13:12

Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

2 Ko-Kɔrɔta-Karan 13:4

Kɛlɛ-den-kurun filɛ wonu bɛnta Ifɛrɛm kɔnkɔ-nyamanɛ rɔ. Mansa Abaya yɛlɛta Sɛmareyim kɔnkɛ kuma. A ya a kuli mayɛlɛ ka Yɛrabowami anubɛ Isirɛla kɛnu takele. A ko, “Wo ni wo tole masɔ n na!

2 Ko-Kɔrɔta-Karan 15:15

Yuda mɔgɛ bɛɛ sewara bawo anu bara sarama-kan kɛ kiri anu yisi bɛɛ la. Anu sewara Mari bato tinɛ. Woletɔ Mari fanan ya anu tabira ka yisi-kimɛ di anu ma anuna nyamanɛ wo kan tinɛ bɛɛ rɔ.

2 Ko-Kɔrɔta-Karan 15:4

Kɔnɔ tɔrɔyɛ nara wo kuma tumɛ min, wo sɛgira wota Mari Alla ma. Wo ya a nyini ha wo ya a yen.

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

2 Ko-Kɔrɔta-Karan 24:20

Wo kɔma, Allata sɛnbɛ yigira Saraka-Masɔla Yɛhoyadala den Sakaraya ma. A sɔra gbɛ rɔ mɔgɛnu si a yen kan min. A ya a kuli mayɛlɛ ko, “Mari Alla ye nyinikalɛ sala ko nfenna wo ye ata tɔnnu tinyana ka kasarɛ lana wo nyɛrɛ kuma. Wo ara wo kan-kɔ sɔ ale la, woletɔ ale fanan ara a kan-kɔ sɔ wole la.”

2 Ko-Kɔrɔta-Karan 26:5

Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

2 Ko-Kɔrɔta-Karan 33:12

Ka a tɛgɛ ala tɔrɔyɛ wo ma, a ya a famayigi ka di ata Mari Alla dala alako wo ni a kunyɛ bɔ gbaran wo rɔ.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

Ɛsira 8:22

N miliyara le ka mansɛ manyinika kɛlɛ-den so-laburilɛnuna ko ma minnu si ma matanka kilɛ la. N miliyara le bawo n bara ban a fɔla a ye nun ko mɔgɔ-wo-mɔgɔ lanɛ mata Alla la, a si wo tigi dɛnbɛ, ado mɔgɔ-wo-mɔgɔ ya a kan-kɔ sɔ a la, a ti sewa wo tigi la fɔ ka a tɔrɔ.

Yaburi 34:4

N ya Mari madiya, ado a ya nna madiyali-kan lamɔɛn. A ya n bɔ n takilan-koe bɛɛ rɔ.

Yaburi 53:2

Alla si a kolan layigi hadama-dan ma ka a lɔn ni hɛnkilimɛ ye anu tɛma min bi a nyinina.

Aiseya 45:19

A ko a sa kumala dogɔn rɔ. A ma ala ko-ladan-nya to pinpi rɔ. A ko a ma a fɔ male Isirɛla mɔgɛnu ye ko ma ni a nyini kan-tina-rakolɔn tɔ. A ko Mari le ale la min si tonyɛ fɔ ma ye. A ye ko-telennɛnu sala gbɛ ma ma ye.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Yɛrɛmaya 2:17

A ko wo nyɛrɛ gbɛ le wo la, yɔ! Wo mara bawo wo ara wo kan-kɔ sɔ ale wota Mari Alla la wo tumɛ a sɔnɛ wo yarɔ wulɛ rɔ.

Emɔsi 5:14

“Wo ni wo raya ka to ko-latelennɛ kɛla. Wo ni wo fara ko-yogomɛnu na. Wo si a ma, wo si simayɛ sɔrɔn. Ni wo ya wo ma, wota Mari Sɛnbɛ-Bɛɛ-Tigi si to wo fɛ iko wo ye wo wasila a la nya min ko a ye wo fɛ.

Sakaraya 1:3

Kɔnɔ kaka, a ye a fɔla ko wo ni sɛgi ale Mari ma. A ko ale bɛrɛn si a ya-lamunun wo la.

Yilan-Yilan Koe 14:42

Wo kana ta mumɛ! Wo ti anu nɔ hali! Mari sa wo fɛ mumɛ! Wo yogenu si wo nɔ ka wo faga.

Yilan-Yilan Koe 14:43

Ni wo tara wo sɔ Amalɛki mɔgɛnu anubɛ Kenan mɔgɛnu yakɔrɔ ka anu kɛlɛ, anu si wo dama faga. Mari sa wo fɛ mumɛ, bawo wo ara wo ban Marita kumɛ birala.”

Matiyu 13:9

Yisa ko, “Nba, ni min si ko nya-yen, a ni a tole masɔ wo la!”

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!

Hiburunu 10:38

Hali wo, nta mɔgɔ-latelennɛnu si to anuna dɛnkɛninyɛ rɔ. Kɔnɔ ni anu fenfen ya anuna dɛnkɛninyɛ boloka, wo tigi ti n hɛnɛ.”

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

Yasowa 22:31

Finihasi ya anu yabi ko, “Ma ara a lɔn gbɛ ko Mari ye ma tɛma bawo wo ma hakɛ kɛ Mari la iko ma mirinɛ a ma nya min nun. Ma si na Mari Allata tɔrɔyɛ min sɔrɔn nun, wo ara ma damasi kisi wo ma.”

Yasowa 24:20

Ni wo ya bɛsi-wo-bɛsi kɔ ka wo ban Mari la, a si wo tɔrɔya ata fondo-bɔɛ la. A ya ata ko-nyimɛ min kɛ wo ye nun fɔlɔ, a si wo halaki wo gbɛ rɔ.”

Lankɛnimayɛ 2:11

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu ba nɔlɛ kɛ, sayɛ fila nyɔgɛ ti ke wonu ma.’

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’

Lankɛnimayɛ 2:29

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’

Lankɛnimayɛ 3:13

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’

Lankɛnimayɛ 3:22

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’ ”

Lankɛnimayɛ 3:6

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’

Kɛlɛ-Kurugbɛnu 10:13

Kɔnɔ hali wo, wo ya nde, Mari boloka ka ta bɛsɛnu nyini wo nyɛrɛ ye, wo si minnu kɔ. Woletɔ n ti wo lakisi tun.

Kɛlɛ-Kurugbɛnu 9:7

Abimɛlɛki dɔgɛ Yɔtam min ya a buri a kɔrɔ nun, wo ya wo kumɛ lamɔɛn min kɛ, a yɛlɛta Kɛrisim kɔnkɛ kuma. A nyɛɛra Sɛkɛm mɔgɛnu ma a kulu-mayɛlɛnɛ la, a ko, “Wole Sɛkɛm mɔgɛnu, wo ni wo tole masɔ n na woletɔ Alla si a wɔlɔ matɔlɔ wo la.

1 Samuwɛli 12:14

Ni wo ya wo tole masɔ wota Mari Alla la ka a gbiliya ka ata tɔnnu bira ka ata wɔlɛ kɛ, wo wara-koe bɛɛ si ta a kilɛ fɛ. Ni wobɛ wola mansɛ ya Mari sako kɛ, ko-nyimɛ le wo la.

1 Samuwɛli 12:15

Kɔnɔ ni wo ma sɔn wo tole masɔla Mari la, wo ni wo ban ala tɔn birala, a si taran wobɛ wola mansɛ kan ma.