2 Ko-Kɔrɔta-Karan 15:17 - ALLALA KUMƐ

¹⁷ Hali Mansa Esa ma ban Alla-batobɛlɛnuna kɔ tinɛnu tinyana kɔnɔ hali wo, a tora Mari sako kɛla ala wati bɛɛ rɔ.

2 Ko-Kɔrɔta-Karan 15:17 ပူးပေါင်းရင်းမြစ်များ

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 22:43

Mansa Yɛhosafati ya ko-telennɛ kɛ Mari yala iko a fa Mansa Esa ya a ma nya min. Fɔ fɛɛ kelen min taranta a la, a ma bɛsi-kɔ-tinɛnu tinya, ado mɔgɛnu tora sarakɛnu bɔla nyɔ anubɛ ka isɛnti mintan ka anuna bɛsɛnu kɔ.

2 Mansɛnu 12:3

Kɔnɔ hali wo, anu ma anuna bɛsi-kɔ-tinɛnu tinya. Mɔgɛnu tora sarakɛ bɔla bɛsɛ wonu ye ka isɛnti mintan kan-tina-mayɛlɛnɛ wonu tɔ.

2 Mansɛnu 14:4

Kɔnɔ hali wo, a ma ban Alla-batobɛlɛnuna bɛsi-kɔ-tinɛnu tinyana. Alla-batobɛlɛ wonu tora sarakɛnu bɔla ka isɛnti mintan kan-tina-mayɛlɛnɛ wonu tɔ.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 15:18

A fa Abaya ara a bolo-fan minnu dantɛgɛ Alla ma nun wo, anubɛ ale Mansa Esa nyɛrɛ ya sɛnɛnu anubɛ wodi-gbɛ minnu dantɛgɛ Mari Alla ma wo, a ya wo bɛɛ bi ka wo ladon Mari Bato-Bɔn la.

2 Ko-Kɔrɔta-Karan 17:6

A sewara Mari bato-koe la. A ya Alla-batobɛlɛnuna bɛsi-kɔ-tinɛnu tinya. Bɛsɛ min tɔgɛ Asura, a ya wola muninyɛ bɛɛ tinya Yuda nyamanɛ rɔ.

2 Ko-Kɔrɔta-Karan 20:32

A ya a fa Mansa Esa sɔn-nyimɛ bi ka ko-latelennɛ kɛ Mari yala.

2 Ko-Kɔrɔta-Karan 20:33

Kɔnɔ hali wo, a ma Alla-lɔnbɛlɛnuna bɛsi-kɔ-tinɛ bɛɛ tinya, ado ala nyamanita-mɔgɛnu ma anu benbanuta Alla bato anu yisi bɛɛ la.

2 Ko-Kɔrɔta-Karan 28:4

Ale Mansa Ehasi taranta sarakɛnu bɔla ka isɛnti mintan Alla-batobɛlɛnuna kɔ tinɛnu tɔ kɔnkɛnu kuma anubɛ kɔlɔma-kuru-wɛnu kɔrɔ.

2 Ko-Kɔrɔta-Karan 33:17

Hali mɔgɛnu bi sarakɛnu bɔla kan-tina-siyaman tɔ kɔnɔ hali wo, anu bi sarakɛnu bɔla Mari kelen pe le ye.