2 Ko-Kɔrɔta-Karan 14:8 - ALLALA KUMƐ

⁸ Kɛlɛ-dan mɔgɔ waga kɛmɛ sawa (300,000) ye Mansa Esa bolo Yuda nyamanɛ rɔ. Nɛgɛ-walannu anubɛ tanbɛnu bi anu dama bolo. Kɛlɛ-dan mɔgɔ waga fila mɔgɔ waga bi-segin (280,000) ye a bolo ka bɔ Bɛnyamɛ bɔnsɔn-mɔgɛnu tɔ. Nɛgɛ-walannu anubɛ kalabɛnnu bi wonu bolo. Anu kerinte, ado anu kusan kɛlɛ kɛla.

2 Ko-Kɔrɔta-Karan 14:8 ပူးပေါင်းရင်းမြစ်များ

1 Mansɛnu 10:16

Silamɛni ya kɛlɛ-dannu matanka-fen kɛmɛ fila ladan ka sɛnɛ sa wo bɛɛ ma. A matanka-fen-kelan-sɛnɛ, wola gbiliyɛ anubɛ fui-fan pani-kunbɛ-nya sawɛ rakɛn de!

1 Ko-Kɔrɔta-Karan 8:40

Kɛlɛ-kɛla-nyana le Ulamna den-keinu na. Anu kusan kɛlɛ kɛla kalabɛn la dɔgɔma-ma-de! Ka a bi ale Ulamna dannu ma ka a sigi a mamanɛnu na, wonu yatɛ bɛnta mɔgɔ kɛmɛ ani mɔgɔ bi-loli (150) ma. Bɛnyamɛ bɔnsɔn-mɔgɛ le anu dama la.

2 Ko-Kɔrɔta-Karan 11:1

Mansa Rihobowami ke Yerusalɛm soe burɔ, a ya kɛlɛ-den-kɛndɛ mɔgɔ waga kɛmɛ kelen ani mɔgɔ waga bi-segin (180,000) kundɛn ka bɔ Yuda anubɛ Bɛnyamɛ bɔnsɔn rɔ. A ya wonu nadɛn de alako ka ta Isirɛla mɔgɛ wonu kɛlɛ minnu siginɛ kantɔ-wara la bawo a sɔgɛ ye a la, wonu ni taran a kɔrɔ tun.

2 Ko-Kɔrɔta-Karan 11:8

Kati wo, Marasa wo, Sifi wo,

2 Ko-Kɔrɔta-Karan 12:2

Ala mansayɛ san nani a loli nyɔgɛ ma, Mari ya anu tɔrɔ ka a tɛgɛ anuna murutiyɛ ma anu ya min telen ale Mari la. Iyipiti Mansa Sisaki nara bui Yerusalɛm kɛnu ma san wo le la.

2 Ko-Kɔrɔta-Karan 12:3

A nara kɛlɛ-den-siyaman na a bolo, mɔgɔ ma minnu dan lɔn. A nara kirindi waga kelen kɛmɛ fila (1,200) la a bolo anubɛ so-laburila mɔgɔ waga bi-wɔrɔ (60,000). Libiya kɛnu wo, Sudan kɛnu wo, anubɛ fani-bon-nasigilɛ minnu bɔra nyɔ wara la wo, kɛnu denu tara Iyipiti mansɛ dɛnbɛn tinɛ kɛlɛ kɛ rɔ.

2 Ko-Kɔrɔta-Karan 13:3

Ale Mansa Abayata kɛlɛ-dannu yatɛ bɛnta mɔgɔ waga kɛmɛ nani (400,000) ma. Mansa Yɛrabowamita kɛlɛ-dannu yatɛ bɛnta mɔgɔ waga kɛmɛ segin (800,000) ma.

2 Ko-Kɔrɔta-Karan 16:8

Sudan kɛlɛ-dannu anubɛ Libiya kɛlɛ-dannu anubɛ anuna kirindi-siyamɛnu anubɛ anuna so-laburila-siyamɛnu, anu ma siya Siriya kɛlɛ-dannu ko i ya minnu nɔ nun, ba? Kɔnɔ bawo i lara Mari la a fɔlɔtɛ rɔ min kɛ, woletɔ a ya nɔlɛ di i ma worɔ.

2 Ko-Kɔrɔta-Karan 20:1

Wati tenbinɛ, Mohabununa kɛlɛ-dannu wo, Amonnuna kɛlɛ-dannu wo, anubɛ Mɛhunnuna kɛlɛ-dannu ka bɔ Idɔm nyamanɛ rɔ, wonu tara bui Yuda nyamanɛ ma.

2 Ko-Kɔrɔta-Karan 25:5

Mansa Hamasa ya Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu tatala kurun kelen-kelenyɛ ma iko anuna kebilɛnu bi nya min. A wa mɔgɔ kɛmɛ dan, a ni mɔgɔ-ba kelen sigi wonu kun na. A wa mɔgɔ waga kelen (1,000) dan fanan, a ni mɔgɔ-ba kelen sigi wonu kun na. A ya minnu dan kɛ la, wonu siyi ara san mogan bɔ ha ka tenbi wo la, ala kɛlɛ-dan wonu yatɛ mumɛ bɛnta mɔgɔ waga kɛmɛ sawa (300,000) ma. Wonu damasi kusan kɛlɛ kɛla tanbɛ anubɛ nɛgɛ-walan la.