2 Ko-Kɔrɔta-Karan 14:6 - ALLALA KUMƐ

^6-7 A ya a fɔ Yuda mɔgɛnu ye ko, “Ma ni nyamanɛ-kumafɛlɛn-bɛndɛ-layan-bɛnu sɔ ka tarɛ mini mata soe donu ma ka don-dɛ to anu ma minnu si balan. Nyamanɛ ara ma matɛ la bawo ma ara mata Mari Alla sako kɛ. Alla ara kilɛ tɛgɛ ma yogenu ma mala foolɛ bɛɛ rɔ.” Wo le ya a ma, a ya tarɛnu mini soe donu ma Yuda nyamanɛ rɔ bawo Mari ara yisi-kimɛ di anu ma.

2 Ko-Kɔrɔta-Karan 14:6 ပူးပေါင်းရင်းမြစ်များ

1 Mansɛnu 5:4

Kɔnɔ kaka, nta Mari Alla ara lafɛrɛ anubɛ yisi-kimɛ di n ma kan tinɛ bɛɛ rɔ. N yoge mumɛ sa tun hali! Sika-wo-sika sa nde rɔ tun kɛlɛ wara-koe rɔ.

1 Ko-Kɔrɔta-Karan 22:13

Mari ya tɔn min bɛɛsi di Nɛbi Musa ma, ni i ya wonu bira, i wara-koe si ta yarɔ. I yisi gbɛlɛya ka i kerinteya. Fenfen kana a ma, i ni kilan.

1 Ko-Kɔrɔta-Karan 22:9

Kɔnɔ hali wo, a ya lanyiri kiri n ye. A ko a si dan di n ma min si mansayɛ kɛ ka nyamanɛ kɛ mara yisi-kimɛ rɔ. A ko yisi-kimɛ si taran dan wonubɛ a yogenu tɛma. A ko n si dan wo kele Silamɛni bawo a ko nyamanɛ kɛ si to yisi-kimɛ rɔ ata wati rɔ.

2 Ko-Kɔrɔta-Karan 15:15

Yuda mɔgɛ bɛɛ sewara bawo anu bara sarama-kan kɛ kiri anu yisi bɛɛ la. Anu sewara Mari bato tinɛ. Woletɔ Mari fanan ya anu tabira ka yisi-kimɛ di anu ma anuna nyamanɛ wo kan tinɛ bɛɛ rɔ.

2 Ko-Kɔrɔta-Karan 17:4

A ya a fata Alla bato ka ata tɔnnu bira. A ma Isirɛla mansɛnu sɔnnu bi.

2 Ko-Kɔrɔta-Karan 20:30

Mansa Yɛhosafati ya ala mansaya-toe duni yisi-kimɛ rɔ. Alla ya ala nyamanɛ latanka kan tinɛ bɛɛ rɔ ala foolɛ bɛɛ rɔ.

2 Ko-Kɔrɔta-Karan 26:5

Sakaraya min ya Mansa Yusaya labila Mari wara-koe la, wo ye a niyi la tumɛ min, mansɛ ya Alla hɛnɛ, ado Allata duwɛ tora a kuma.

2 Ko-Kɔrɔta-Karan 31:21

A wara-koe tara yarɔ bawo a ya min bɛɛsi ma Bato-Bɔn mabɛn-koe rɔ anubɛ ka tɔn bira a kilɛ fɛ, a ya wo bɛɛsi ma a yisi bɛɛ la Alla ye.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Yasowa 23:1

Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!

Kɛlɛ-Kurugbɛnu 3:11

San bi-nani kɔrɔ, anu bi yisi-kimɛ rɔ anuna nyamanɛ rɔ Ɔtiniyɛlita wati rɔ. Wo fagara tumɛ min,

Kɛlɛ-Kurugbɛnu 3:30

Isirɛla mɔgɛnu ya Mohabunu nɔ. Wo kɔma, san bi-segin, Isirɛla mɔgɛnu yisi kimanɛ tora.

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.