2 Ko-Kɔrɔta-Karan 14:4 - ALLALA KUMƐ

⁴ A ya a fɔ Yuda mɔgɛnu ye ko anu ni anu benbanuta Mari Alla sako kɛ ka ala tɔnnu bira.

2 Ko-Kɔrɔta-Karan 14:4 ပူးပေါင်းရင်းမြစ်များ

Ko-Dabirɛnu 18:19

N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”

2 Ko-Kɔrɔta-Karan 11:16

Isirɛla mɔgɛ minnu duruta anu benba Isirɛlata Mari Alla-batoe la, wonu bilara Lifayinu fɛ ka na Yerusalɛm soe burɔ ka bɔ kantɔ-mɔgɛ wonu tɛma alako ka sarakɛnu bɔ anu benbanuta Mari Alla ye.

2 Ko-Kɔrɔta-Karan 14:3

Alla-lɔnbɛlɛnuna saraka-mintan-tinɛnu wo, a bɛsi-kɔ-tina wo, a kuru-lɛsɛnɛ wo, anubɛ kɔlɔma minnu lɛsɛnɛ anuna bɛsi Asurala muninyɛ la wo, Mansa Esa ya wo bɛɛsi tinya.

2 Ko-Kɔrɔta-Karan 14:5

Ata wati rɔ, nyamanɛ wo taranta yisi-kimɛ rɔ bawo a ya Alla-batobɛlɛnuna bɛsɛnu anubɛ anuna isɛnti mintan tinɛnu tinya Yuda nyamanita soe bɛɛ rɔ.

2 Ko-Kɔrɔta-Karan 29:21

Anu tara tura-bulun wɔrɔnfila la anu bolo anubɛ saga-yigi wɔrɔnfila anubɛ saga-den wɔrɔnfila anubɛ baa-kɔrɔn wɔrɔnfila Bato-Bɔnla ko la. Anu ya kɛnu ma anu hakɛ-sarakɛ la mansɛ anubɛ ala denbayɛnu anubɛ Yuda nyamanita-mɔgɛ bɛɛsila ko la. Aruna kegeyɛ minnu bi saraka-masɔ-wɔlɛ kɛla, ale mansɛ ya a fɔ wonu ye ko anu ni kolo-fan wonu bɔ.

2 Ko-Kɔrɔta-Karan 29:27

Mansa Hɛsakaya ya sarati di anu ma tumɛ min, anu ya saraka-bɔɛ dabira. Anu bara wuli saraka-bɔɛ wo la tumɛ min, mɔgɛnu donta Mari tantoe rɔ ka bɛti bɔ. Buru-fɛlɛnu ya buri-fɛyɛ dabira. Fɔli-kɛlɛnu ya fɔli-fannu kɛ-a-rɔ.

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

2 Ko-Kɔrɔta-Karan 30:19

“E, ma benbanuta Mari Alla, ila mɔgɛ minnu sɛninyani ma kɔnɔ anu bi i batola anu yisi bɛɛ la, ka a tɛgɛ ita ko-nyimɛ ma, i yandi, anu makoto.”

2 Ko-Kɔrɔta-Karan 33:16

A ya saraka-mintan-tinɛ sɔ a kurɛ la Bato-Bɔn la tun mɔgɛnu si sarakɛnu bɔ kan min. A ban, a ya yisi-kima-sarakɛnu anubɛ baraka-bira-sarakɛnu bɔ nyɔ kuma. A ya a fɔ Yuda kɛ bɛɛ ye ko bɛɛ ni Isirɛlata Mari Alla bato.

Nihɛmaya 13:9

N ya a ma, anu ya kan tinɛ wo sɛninya tun iko tɔn ya a fɔ nya min. Wo kɔma, a fui-fen wo, a Bato-Bon-miran wo, a isɛnti wo, n ya wo bɛɛ lasɛgi bɔn la tun.

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Emɔsi 5:4

Nɛbi Emɔsi ya Mari kuman-kan latenbi Isirɛla mɔgɛnu ma ko, “Ni wole si wo gbɛrɛn ale Mari ma, wo si kisi.

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

1 Samuwɛli 3:13

N si a kebilɛ tɔrɔ nya min habadan, n bara ban wonu fɔla a ye nun bawo ala dannu ya ko-yogomɛ minnu ma, a ya wonu lɔn kɔnɔ a ma sɔn anu nakalala.