2 Ko-Kɔrɔta-Karan 14:2 - ALLALA KUMƐ

² Mansa Esa ya ata Mari Alla hɛnɛ bawo a ya ko-nyimɛ anubɛ ko-telennɛ kɛ a yala.

2 Ko-Kɔrɔta-Karan 14:2 ပူးပေါင်းရင်းမြစ်များ

1 Mansɛnu 15:11

Mansa Esa ya Mari sako kɛ iko a benba Mansa Dawuda ya a ma nya min.

1 Mansɛnu 15:12

Kɔli-kɛlɛ minnu bi yɛlɛnyɛ kɛla anuna bɛsi-kɔ-tinɛnu tɔ, a keimɛ wo, a musumɛ wo, a ya wo bɛɛ gben. A benbanu ya bɛsɛ minnu nadanni to, a ya wo damasi tinya.

1 Mansɛnu 15:14

Hali Mansa Esa ma ban bɛsi-kɔ-tinɛ bɛɛ tinyana ata nyamanɛ wo rɔ kɔnɔ hali wo, ale ma bɔ Mari fɛ a siyi-tele-bɛɛ kɔrɔ.

2 Ko-Kɔrɔta-Karan 14:1

Mansa Abaya fagara tumɛ min, anu ya a togon Mansa Dawuda halala-luyi ma. Ala den Esa sigira a gbɛ rɔ. Mansa Esa kɛta wati rɔ, san tan dɛgɛdɛgɛ, kɛlɛ ma don Yuda nyamanɛ rɔ.

2 Ko-Kɔrɔta-Karan 14:3

Alla-lɔnbɛlɛnuna saraka-mintan-tinɛnu wo, a bɛsi-kɔ-tina wo, a kuru-lɛsɛnɛ wo, anubɛ kɔlɔma minnu lɛsɛnɛ anuna bɛsi Asurala muninyɛ la wo, Mansa Esa ya wo bɛɛsi tinya.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 17:6

A sewara Mari bato-koe la. A ya Alla-batobɛlɛnuna bɛsi-kɔ-tinɛnu tinya. Bɛsɛ min tɔgɛ Asura, a ya wola muninyɛ bɛɛ tinya Yuda nyamanɛ rɔ.

2 Ko-Kɔrɔta-Karan 20:32

A ya a fa Mansa Esa sɔn-nyimɛ bi ka ko-latelennɛ kɛ Mari yala.

2 Ko-Kɔrɔta-Karan 21:12

Nɛbi Ilaya ya kɛdi sɛbɛ ale Mansɛ Yɛhoram ma. Min sɛbɛnɛ kɛdi wo rɔ a ko, “I benba Mansa Dawudata Mari Alla ara a ban i la bawo i ma i fa Mansa Yɛhosafati sɔn bi fɔ i benba Mansa Esa.

2 Ko-Kɔrɔta-Karan 31:1

Ladɛn wo kanɛ a la, Isirɛla mɔgɛ bɛɛ tara Yuda nyamanɛ soenu tɔ ka bɛsi-kɔ-tinɛnu tinya. Kɔlɔma minnu lɛsɛnɛ bɛsi-musila muninyɛ la, anu ya wonu tatɛgɛtɛgɛ. Bɛsi wo tɔgɛ le ko, “Asura.” Kuri-lɛsɛnɛnu fanan, anu ya wonu tatiitii. Anu tara wo le sufa ma Bɛnyamɛ anubɛ Ifɛrɛm anubɛ Manasa bɔnsɔn-mɔgɛnu barɛnu tɔ. Anu ban bɛsɛ wonu tinyana, bɛɛ sɛgira a warɛ.

2 Ko-Kɔrɔta-Karan 31:20

Ko-telennɛ anubɛ koe minnu si Mari Alla hɛnɛ, Mansa Hɛsakaya ya wonu kɛ Yuda nyamanɛ kan tinɛ bɛɛ rɔ.

2 Ko-Kɔrɔta-Karan 34:7

A ya bɛsi-kɔ-tinɛnu takerikeri anubɛ bɛsi-musi Asurala muninyɛ. A ya bɛsɛ wonu tabunden ka isɛnti mintan tinɛnu tatii. A tara wo ma-tinɛ Isirɛla nyamanɛ rɔ wo nya na le. A ban bɛsi-tinyɛ wonu na, a sɛgira a kɔma Yerusalɛm.

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Luka 1:75

Ma ni ma mɔgɔ-sɛnimɛ anubɛ mɔgɔ-telennɛnu na a ye ma siyi-tele-bɛɛ kɔrɔ.”

Tɔn-Fɔɛ-Fila-Nyɔgɛ 12:3

Anu si sarakɛnu mintan anuna bɛsɛnu bi kan min, wo ni wonu wayan ka anu tanyɛnsɛn. Anu bi kuru-lɛsɛnɛ minnu kɔla, wo si anu tatii. Anuna kɔlɔma minnu nadannɛ iko musila muninyɛ, anu bi min kelela Asura, wo ni bɛsɛ wonu tɛgɛ ka anu mintan. Wo le si a ma, mɔgɛnu ti ta bɛsɛ wonu kɔ kan-tinɛ wonu tɔ tun.