2 Ko-Kɔrɔta-Karan 14:14 - ALLALA KUMƐ

¹⁴ Anu ya anuna so-siyaman tinya Kirari soela foolɛ rɔ bawo nyɔ-mɔgɔ-siyaman kilannɛ Mari la kumakɔɛ bolo. Yuda kɛlɛ-dan wonu tara fen-siyaman na anu bolo ka bɔ soe kɛnu tɔ.

2 Ko-Kɔrɔta-Karan 14:14 ပူးပေါင်းရင်းမြစ်များ

Ko-Dabirɛnu 35:5

Anu ya tagama dabira tumɛ min, Alla ya kilan don anu dafɛ-sorɔ-mɔgɛnu tɔ. Wo le ya a ma, anu ma Yakoba anubɛ ala den-keinu sagaran.

1 Mansɛnu 15:23

Mansa Esa ya koe min bɛɛsi kɛ Yuda nyamanɛ rɔ anubɛ a ya anuna soenu natanka nya min wo tumɛ a ye mansayɛ la, anu ya wo damasi sɛbɛ Yuda mansɛnuna buku do rɔ. Kɔnɔ a kɔrɔyanɛ, a ya kirayɛ do sɔrɔn a kian ma.

2 Mansɛnu 7:16

Samariya mɔgɛ bɛɛ tugura wuu, ka ta Siriyanuna dagɛ rɔ ka anu bolo-fan bɛɛsi bi. Wo le ya a ma, dɛgɛ-munke pani-kunbɛ-nya sawa santa wodi-gbɛ-gbuni kelen na. Iko Mari ya a fɔ nya min nun, fui-fan fanan, pani-kunbɛ-nya wɔrɔ santa wodi-gbɛ-gbu-ni kelen na.

2 Ko-Kɔrɔta-Karan 14:15

Wo kɔma, anu ya saga-kandannɛ donuna dagɛnu bira-a-la ka anuna sagɛnu anubɛ anuna nyomɛnu bi anu bolo ka ta anu na anu bolo Yerusalɛm pon!

2 Ko-Kɔrɔta-Karan 17:10

Mari ya a ma, Yuda nyamanɛla foolɛ bɛɛ kilanta Mansa Yɛhosafati kɛlɛ-koe la,

2 Ko-Kɔrɔta-Karan 20:25

Mansa Yɛhosafati anubɛ ala kɛlɛ-dannu tara anu yoge wonu bolo-fannu bi tinɛ. A fɛrɛya-bɔ wo, a kɛlɛ-kɛ-miran wo, fen-kolomɛ donu wo, anu ya wo siyaman taboroko-barakanɛ taran. Tele sawa dɛgɛdɛgɛ, anu bi miran wonu kundɛnna, ado miran donu bi nyɔ, anu ma ke tala wonu na anu bolo.

2 Ko-Kɔrɔta-Karan 20:29

Mari ara Isirɛla yogenu nɔ nya min, sibolo-gbɛrɛnu ya wo lamɔɛn min kɛ, anu kilanta.

Yobu 15:21

Kuman-kan-makilannɛnu si to a rakilanna. Ale miri wati min ma ko a latankanɛ, kankan si bui a ma.

Yaburi 68:12

Anu bi tala a fɔla ko, “Mansɛnu anubɛ anuna kɛlɛ-dannu bi anu burila.” Mɔgɔ-burinɛ wonu ya miran minnu to, musinu bi wonu farala anu nyɔgɔn na.

Aiseya 31:9

Anuna mansɛ si a buri kilan bolo. A kɛlɛ-kurugbɛnu si anu buri ka nyina anuna tamasere falafalɛ ko. Mɔgɛnu si Mari min bato Yerusalɛm, minna saraka mintan tɛ ti dufen nyɔ mumɛ, wo kan le kɛ la.

Romu 8:37

Kɔnɔ nɔlɛ ye ma bolo koe kɛ bɛɛ rɔ feu! Ale min bara ma keni, ma ara nɔ-ko sɔrɔn ale le baraka rɔ,

Tɔn-Fɔɛ-Fila-Nyɔgɛ 2:25

Ka a dabira bi ma, Mari si a ma, duninya-mɔgɛ bɛɛ si kilan wo la. Anu ba wo tɔgɛ lamɔɛn tumɛ min, anu si yɛrɛyɛrɛn.’ ”

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!

Kɛlɛ-Kurugbɛnu 14:19

Wo kɔma, Marita sɛnbɛ yigira Samsin kuma ka fanka di a ma. A tara Asikalɔn soe burɔ. A ya fonike mɔgɔ bi-sawa faga nyɔ. A ya wonuna kurɛnu bɔ anu ma ka anu gbu-makolɔn sani to. A tara wonuna kurɛ wonu di fonike mɔgɔ bi-sawɛ wonu ma minnu ya ala tili wo kɔrɛ fɔ. A yisi bɔnɛ tara a fa wara bɔn la.

1 Samuwɛli 14:15

Filisitinuna kɛlɛ-dannu kumakɔra kilan bolo. Minnu bi dagɛ rɔ wo, minnu bi binyɛ rɔ wo, wonu dama kilanta. Alla ya dugi layɛrɛyɛrɛn. Wo le ya anu kumakɔ kilan bolo.