2 Ko-Kɔrɔta-Karan 14:13 - ALLALA KUMƐ

¹³ Esa anubɛ ala kɛlɛ-dannu ya anu sagaran ha Kirari soe. Anu ya Sudan kɛnuna kɛlɛ-den-siyaman faga ha a toenu ma ke anu kundɛnna anu kɛlɛ-koe la tun. Mari anubɛ Yuda kɛlɛ-dannu ya anu nɔ. Anu tara anu bolo-fen-siyaman na anu bolo.

2 Ko-Kɔrɔta-Karan 14:13 ပူးပေါင်းရင်းမြစ်များ

Ko-Dabirɛnu 10:1

Yita-kasarɛ kɔma, Nowala den-keinu Sɛma wo, Hama wo, anubɛ Yefɛti, wonu ya den-keinu sɔrɔn.

Ko-Dabirɛnu 10:19

Kenannuna nyamanɛ-dan le Saidon soe la. Anuna nyamanɛ wo tara ha ka ta ke Kirari soe ma min bi Kesa soe dafɛ. Anuna nyamanɛ-dan wo le tara furr, ha ka ta ke soe kɛnu ma, Sɔdɔm wo, Kɔmɔra wo, Adima wo, Sebom wo, anubɛ Lesi soenu ma.

Ko-Dabirɛnu 20:1

Iburayima bɔra ala dagɛ rɔ Mamireta kɔlɔmanu kɔrɔ ka ta tagama rɔ Kenan nyamanɛ wo dugula wara la. A tara a sigi Kɛdɛsi soe anubɛ Sura wulɛ tɛma. Wo kɔma, a ya wati do kɛ Kirari soe burɔ.

Ko-Dabirɛnu 26:1

Iko kɔnkɔ-fitinɛ nara nyamanɛ wo rɔ Iburayimata wati rɔ nya min, kɔnkɔ-fitinɛ nara wo nya na le Isiyaka fananta wati rɔ. Isiyaka tara Filisitinuna Mansa Abimɛlɛki warɛ min siginɛ Kirari soe burɔ.

Ko-Dabirɛnu 35:5

Anu ya tagama dabira tumɛ min, Alla ya kilan don anu dafɛ-sorɔ-mɔgɛnu tɔ. Wo le ya a ma, anu ma Yakoba anubɛ ala den-keinu sagaran.

1 Ko-Kɔrɔta-Karan 12:22

Tele-wo-tele, kɛlɛ-dannu si na kofu Dawudala kɛlɛ-dannu ma ha ala kɛlɛ-dannu siyayara iko Allata kɛlɛ-kɛlɛnu siya nya min.

2 Ko-Kɔrɔta-Karan 12:3

A nara kɛlɛ-den-siyaman na a bolo, mɔgɔ ma minnu dan lɔn. A nara kirindi waga kelen kɛmɛ fila (1,200) la a bolo anubɛ so-laburila mɔgɔ waga bi-wɔrɔ (60,000). Libiya kɛnu wo, Sudan kɛnu wo, anubɛ fani-bon-nasigilɛ minnu bɔra nyɔ wara la wo, kɛnu denu tara Iyipiti mansɛ dɛnbɛn tinɛ kɛlɛ kɛ rɔ.

2 Ko-Kɔrɔta-Karan 14:14

Anu ya anuna so-siyaman tinya Kirari soela foolɛ rɔ bawo nyɔ-mɔgɔ-siyaman kilannɛ Mari la kumakɔɛ bolo. Yuda kɛlɛ-dan wonu tara fen-siyaman na anu bolo ka bɔ soe kɛnu tɔ.

2 Ko-Kɔrɔta-Karan 15:11

Anu nara kolo-fan minnu na ka bɔ kɛlɛ rɔ, wo tele nyɛrɛ rɔ, anu ya sarakɛ wonu denu bɔ Mari ye. Anu ya ninki kɛmɛ wɔrɔnfila (700) anubɛ saga waga wɔrɔnfila (7,000) bɔ Mari ye.

2 Ko-Kɔrɔta-Karan 17:10

Mari ya a ma, Yuda nyamanɛla foolɛ bɛɛ kilanta Mansa Yɛhosafati kɛlɛ-koe la,

2 Ko-Kɔrɔta-Karan 20:29

Mari ara Isirɛla yogenu nɔ nya min, sibolo-gbɛrɛnu ya wo lamɔɛn min kɛ, anu kilanta.

Yobu 6:9

Alako nun, i ya n wara-koe ka-a-la nun. I ni n nato dogbe!

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 108:11

Tonyɛ, i wara i ban ma la, wa? Kɛlɛ-dannu ba ta kɛlɛ-kɛ-tinɛ, i ti kofu ma ma kɛlɛ rɔ?

2 Tɛsalonaika 1:9

Anu si habadan-tɔrɔyɛ sɔrɔn. Anu ti gbɛrɛn Mari anubɛ ala gbiliya-makawanɛ ma.

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”

1 Samuwɛli 25:28

N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.