2 Ko-Kɔrɔta-Karan 13:18 - ALLALA KUMƐ

¹⁸ Yuda kɛlɛ-dannu ya Isirɛla kɛlɛ-dannu nɔ bawo anu lanɛ anu benbanuta Mari Alla le la.

2 Ko-Kɔrɔta-Karan 13:18 ပူးပေါင်းရင်းမြစ်များ

2 Mansɛnu 18:5

Mansɛ lara Isirɛlata Mari Alla la. Mansa-gbɛrɛ fenfen sa nyɔ Yuda nyamanɛ rɔ min si ke Mansa Hɛsakaya kɛ rɔ Alla wara-koe rɔ.

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 13:17

Yuda Mansa Abaya anubɛ ala kɛlɛ-dannu ya Isirɛla mɔgɛnu kasara ka mɔgɔ waga kɛmɛ loli (500,000) faga Isirɛla kɛlɛ-dan wonu tɔ.

2 Ko-Kɔrɔta-Karan 13:19

Mansa Abaya anubɛ ala kɛlɛ-dannu ya Isirɛla kɛlɛ-den-toenu sagaran. A ya anuna soe donu bi anu bolo. Soe wonu tɔgɛ le kɛnu na, Bɛtɛli wo, Yɛsena wo, Ɛfirɔn wo, anubɛ anuna so-mɛsɛ minnu bi anuna foolɛnu tɔ.

2 Ko-Kɔrɔta-Karan 14:10

Mansa Esa anubɛ ala kɛlɛ-dannu tara anu kun-kɔrɔ-bɛn. Anu kurun filɛ bɛɛ ya anu sɔ tinɛnu bi Safata lɛɛ rɔ Marasa soe dafɛ ka anu ya-lamunun anu nyɔgɔn na.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Yaburi 146:5

Mɔgɔ-sewanɛ le mɔgɛ wo la, Yakobata Alla ye min dɛnbɛna, ado a yigi bɛnnɛ ata Mari Alla le ma.

Yaburi 25:2

Nde lanɛ ile, nta Alla le la. I kana sɔn, n yogenu ni n nɔ. N kana miliya anu ye.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Nehami 1:7

Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!