2 Ko-Kɔrɔta-Karan 13:15 - ALLALA KUMƐ

¹⁵ Yuda kɛlɛ-dannu ya a lasɔnkɔ, Mansa Abaya sɔnɛ anu yarɔ. Anu buira Isirɛla kɛlɛ-dannu ma. Alla ya Mansa Yɛrabowami anubɛ Isirɛla kɛlɛ-dannu nɔ ka le.

2 Ko-Kɔrɔta-Karan 13:15 ပူးပေါင်းရင်းမြစ်များ

2 Mansɛnu 5:1

Siriya kɛlɛ-den-kunyɛ do ye nyɔ nun min tɔgɛ Neyaman. Wo ye gbiliyɛ rɔ Siriya mansɛ bolo bawo Mari ara ale Neyaman dɛnbɛ ko a ni nɔ-ko sɔrɔn a yogenu ma, ado kurugba-bɛrɛbɛrɛ le ale la kɔnɔ yaga, kiraya-yogomɛ do ye a fɛrɛ ma.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 14:12

Mansa Esa anubɛ ala kɛlɛ-dannu ya kɛlɛ dabira wati min, Mari ya Sudan kɛnuna kɛlɛ-dannu nɔ anu ye. Anu ya anu buri anu kɔrɔ.

2 Ko-Kɔrɔta-Karan 18:31

Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ ale Yɛhosafati gbele-gbelenta. Mari Alla ya a latanka ka wonu kunyɛ bɔ ale telen tɔ.

2 Ko-Kɔrɔta-Karan 20:21

Anubɛ ala mɔgɛnu ban anu kun nayigila, ale mansɛ ya a fɔ ala fɔli-kɛlɛnu ye ko anu ni anuna fɔli-durukinu bila anu kan na anu si minnu bila anu kan na ladɛn-sɛnimɛnu tɔ fɔli-kɛ-tinɛ. Anu ni anu sɔ mɔgɛnu yarɔ ta tinɛ ka sigi wo sa ko, “Mari tanto. Ala keninteyɛ ti ban.”

2 Ko-Kɔrɔta-Karan 20:22

Sigi-sɛ dabirɛ anu bolo, Mari ya a ma, anu yogenu kumakɔra.

Yaburi 47:1

Mɔgɛ bɛɛ ni lɛnkɛ gbesi ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Yasowa 11:8

Mari ya mɔgɛ wo bɛɛ don Isirɛla mɔgɛnu bolo. Anu ya anu bɛɛ gben ha ka ke Saidon soe burɔ anubɛ Misirofa-Maim ha ka ke Misipa lɛɛ rɔ tele-bɔɛ wara la. Mɔgɔ-wo-mɔgɔ ma to a niyi la. Anu ya anu bɛɛsi faga.

Yasowa 6:16

A wɔrɔnfila nyɔgɛ, saraka-masɔlɛnu ya buri fɛ tumɛ min, Yasowa ya a fɔ mɔgɛnu ye ko, “Wo ni gbele-gbelen. Mari ara soe kɛ nɔ ma ye.”

Yasowa 6:20

Saraka-masɔlɛnu ya burinu fɛ. Isirɛla mɔgɛnu ya wo lamɔɛn tumɛ min, anu gbele-gbelenta wɛ kɛ. Tarɛ buira fugbu!

Kɛlɛ-Kurugbɛnu 4:15

Bɛraki anubɛ ala kɛlɛ-dannu ya anu yogenu tagbɛrɛn wati min, Sisara anubɛ ala kɛlɛ-dannu kumakɔra. Sisara bɔra ala kirindi rɔ. A yigira ka buru-kɛ bi.