2 Ko-Kɔrɔta-Karan 13:14 - ALLALA KUMƐ

¹⁴ Yuda kɛlɛ-dannu ya anu yɛ lasɛgi anu kɔma. Anu ya a yen ko anu bara a mini anu ma, anu dira Mari dala alako wo ni anu dɛnbɛ. Wo kɔma, saraka-masɔlɛnu ya kɛlɛ-kɛ-burinu fɛ.

2 Ko-Kɔrɔta-Karan 13:14 ပူးပေါင်းရင်းမြစ်များ

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

2 Ko-Kɔrɔta-Karan 18:31

Wonu ya Yuda Mansa Yɛhosafati yen min kɛ, anu ya a lɔn ko Isirɛla mansɛ le ale la nun. Anu wulita a kan ma. Kɔnɔ ale Yɛhosafati gbele-gbelenta. Mari Alla ya a latanka ka wonu kunyɛ bɔ ale telen tɔ.

2 Ko-Kɔrɔta-Karan 32:20

Wo kɔma, Mansa Hɛsakaya anubɛ Emɔsila den Nɛbi Aiseya ya anu kan nabɔ Alla ma alako a ni anu dɛnbɛ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 91:5

Hali mɔgɔ ma kilan masiba-koenu na suyi rɔ. Hali i ma kilan latɛrɛna-kɛlɛ la tele rɔ.

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Yilan-Yilan Koe 10:9

Ni wo yogenu nara wo taran wola nyamanɛ rɔ, Aruna anubɛ ala dannu si buri wonu fɛ. Nde, Mari Alla si n miri wo ma ka wo kisi.

Yasowa 6:16

A wɔrɔnfila nyɔgɛ, saraka-masɔlɛnu ya buri fɛ tumɛ min, Yasowa ya a fɔ mɔgɛnu ye ko, “Wo ni gbele-gbelen. Mari ara soe kɛ nɔ ma ye.”

Yasowa 8:20

Eyai mɔgɛnu ya anu yɛ lasɛgi anu kɔma ka ta-sisi-wɛ yen yɛlɛla san ma. Kɔnɔ wo wati rɔ, fɛrɛ sa anu bolo ka ta kan-bo-kan bawo Isirɛla mɔgɛ minnu ya anu buri anu kɔrɔ, wonu sɛgira anu bara la ka anu kɛlɛ.