2 Ko-Kɔrɔta-Karan 13:12 - ALLALA KUMƐ

¹² Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

2 Ko-Kɔrɔta-Karan 13:12 ပူးပေါင်းရင်းမြစ်များ

2 Ko-Kɔrɔta-Karan 24:20

Wo kɔma, Allata sɛnbɛ yigira Saraka-Masɔla Yɛhoyadala den Sakaraya ma. A sɔra gbɛ rɔ mɔgɛnu si a yen kan min. A ya a kuli mayɛlɛ ko, “Mari Alla ye nyinikalɛ sala ko nfenna wo ye ata tɔnnu tinyana ka kasarɛ lana wo nyɛrɛ kuma. Wo ara wo kan-kɔ sɔ ale la, woletɔ ale fanan ara a kan-kɔ sɔ wole la.”

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 20:7

Donu lanɛ anuna kɛlɛ-kɛ-kirindinu na. Donu fanan lanɛ anuna soeenu denu na. Kɔnɔ male lanɛ mata Mari Allata sɛnbɛ le la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Aiseya 45:9

Bɔnku-dagɛ si sisi a ladannɛ sɔsɔla, wa? Ado nfan, dagɛ wonubɛ doinu takɛn gbɛn! Bɔnkɛ wo nyɛrɛ si a ladannɛ manyinika ni a ye min kun na? Ale dagɛ si a fɔ a sɔlɛ ma ko a ma a bira-fannu to a ma.

Aiseya 54:17

Kɔnɔ a ko kɛlɛ-kɛ-fan wonu ti ko-wo-ko tinya ile Yerusalɛm ma. I si i maburilɛnu yabi-bole lɔn. A ko a si ala wɔli-kɛlɛnu kumafunfan ka nɔlɛ di anu ma.

Aiseya 8:10

A ko wo ni wo raya ko-rabɛn tinɛ kɔnɔ ko ti bɔ a rɔ. A ko wo ni kuma iko a di wo ye nya min kɔnɔ wo bɛɛsi fufafu bawo Alla ye ma fɛ.

Yɛrɛmaya 2:37

ado wo bole sanɛ si bɔ wo kuma Iyipiti nyamanɛ rɔ miliyɛ bolo. Wo yili latɛgɛnɛ nyamanɛ kɛnu ma kɔnɔ Mari ara a ban wonu na. Wo ti dɛnbɛni-wo-dɛnbɛni sɔrɔn wonu bolo.

Yɛrɛmaya 50:24

Mari ko Babilɔn kɛnu bara ale Mari kɛlɛ. Kɔnɔ Mari si na yili min nasigi anu ye, anu bi nala birala wo le la, hali anu sa nala taranna a kalama.

Isikiyɛli 17:9

“Woletɔ nde, wo Tigi Mari ye nyinikalɛ sala ni ki-fan kɛ si to sabatila. Ade, kokɛ fɔlɔtɛ wo si a wurun ka a gbɔɛ wonu keri a la. Ni a ya a bolɔn do ka a ma, a bɛɛ la si fɔsɔ. A sa sɛnbɛ labɔla a wurun tinɛ. A sa a makofu nyinina.

Sakaraya 10:5

A ko anu si nɔ-ko sɔrɔn iko kɛlɛ-dan minnu si anu yogenu matɔrɔngba bore rɔ. A ko anu si kɛlɛ kɛ bawo ale Mari ye anu fɛ. Hali kɛlɛ-dan minnu siginɛ soee la, anu si wonu nɔ.

Yilan-Yilan Koe 14:41

Kɔnɔ Musa ya a fɔ anu ye ko, “Nfen ya a to, wole ya Marita kumɛ masɔsɔ?

Yilan-Yilan Koe 23:21

N bara a yen, wati ye nala, Isirɛla mɔgɛ kɛnu ti nanparan mumɛ sɔrɔn. Anuta Mari Alla ye anu fɛ. Anu si a fɔ ka a gbɛ feu, ko anuta mansɛ le Alla la.

Yilan-Yilan Koe 31:6

Musa ya Saraka-Masɔla Ɛliyasala dan Finihasi bi ka a sɔ mɔgɛ wonu yarɔ. Samani anu ni ta, Finihasi ya Marita bon-miran donu bi anubɛ burinu alako anu si mɔgɛnu nalɔn anu na. Musa ya anu nata kɛlɛ rɔ.

Kɛwɔlɛnu 5:39

Kɔnɔ ni Allatɛ le wo la, wo ti ke anu nɔla mumɛ! Wo si a yen ko wo ye Alla le kɛlɛla tun!” Mɔgɔ-banu ya karan-mɔgɔ Kamaliyɛlila kumɛ bira.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 20:4

Wota Mari ye wo fɛ. A si wo sɛnbɛ don, wo ni anu nɔ feu!’

Tɔn-Fɔɛ-Fila-Nyɔgɛ 28:29

Wo si belenna wo bole mɛmɛla tagama tinɛ tele tɛma iko fiyɔn. Wo ya ko-wo-ko ma, a si tinya wo la. Wo yogenu si to wo kankanna ka wo bira boloko-yogomɛ-kɛ. Wo ti wo dɛnbɛn-mɔgɔ sɔrɔn.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.