2 Ko-Kɔrɔta-Karan 13:11 - ALLALA KUMƐ

¹¹ Sɔgɔma-wo-sɔgɔma, wura-wo-wura, wonu bi isɛnti mintanna isɛnti mintan tinɛ kuma ka saraka-mintantɛnu mintan saraka-mintan-tinɛ kuma. Anu bi Marita biredi sala tebulu-sɛnimɛ kuma Mari ye. Wura-wo-wura, anu bi Marita sɛnɛ-lɛnpunu namalanna. Mari ara tɔn min sigi nun, ma ye wo birala kɔnɔ wole ara wo kan-kɔ sɔ wo la.

2 Ko-Kɔrɔta-Karan 13:11 ပူးပေါင်းရင်းမြစ်များ

2 Ko-Kɔrɔta-Karan 13:10

“Kɔnɔ hali wo, ma ye mata Mari Alla le batola tolon! Saraka-masɔlɛ minnu bɔra Aruna kebilɛ rɔ, wonu bi mata saraka-masɔ-wɔlɛnu kɛla, ado Lifayinu bi anu dɛnbɛna.

2 Ko-Kɔrɔta-Karan 2:3

Mansa Silamɛni ya kilayɛ lata Mansa Hairam ma min siginɛ Taya soe burɔ. A ya a fɔ ko, “I ya kɔlɔma-hakikɛ minnu su mayira n fa Mansa Dawuda ma nun, a ya ala bolɔn ladan wonu na. A sɔgɛ ye n na, i ni wo sufanu mayira nde fanan ma.

2 Ko-Kɔrɔta-Karan 2:4

N bi nala Bato-Bɔn sɔla alako ka nta Mari Alla gbiliya. Nyɔ si ma kan-tina-sɛnimɛ la mabɛ nna mɔgɛnu si a bato kan min. Ma si isɛnti-hakikɛnu mintan nyɔ. Ma si to biredi-sɛnimɛ dila a ma nyɔ fanan. Ma si to saraka-mintantɛnu dila a ma sɔgɔma ani wurɛ la. Sulen-Tele wo, Karɛ-Kurɛ-Ladɛn wo, anubɛ a tele-sɛnima-toenu, ma si to sarakɛ wonu mintanna a ye ka mata Mari Alla gbiliya. Mata Mari Alla ko fɔ ma ni kɛnu ma Isirɛla nyamanɛ rɔ habadan!

2 Ko-Kɔrɔta-Karan 4:20

Lɛnpu anubɛ a sigi-fan nadannɛ sɛnɛ la. Wonu bi malanna Sɛnima-Sɛnima-Tinɛ wara la iko a fɔnɛ a ye nya min.

Bɔ-Koe-Iyipiti 29:38

“Tele-wo-tele, wo ni san-kelen-saga-den fila bɔ saraka-mintan-tinɛ kuma, sɔgɔma kelen, wurɛ la kelen.

Isikiyɛli 44:15

Ma Tigi Mari ko, “Isirɛla mɔgɛ toenu ya anu ban n na tumɛ min, Lifayi saraka-masɔlɛ minnu bɔra Sedoki kebilɛ rɔ, wonu denu ya nna wɔlɛ kɛ n ye nta Bato-Bɔn la a kila-bɛrɛbɛrɛ fɛ. Kaka, anu denu denu bɛnta ka don nna Bato-Bɔn la ka wɔlɛ kɛ n ye. Anu denu si kɛɛn anubɛ yele bɔ n ye sarakayɛ la.

Isikiyɛli 44:8

A bɛnta, anu denu ni wɔlɛ min kɛ nna Bato-Bɔn la, anu ya wɔlɛ wo gbala sibolo-gbɛrɛ wonu bolo la.

Isikiyɛli 48:11

Dugu-sɛnimɛ kɛ ye Sedoki kebilɛ saraka-masɔlɛnu denu ye. Isirɛla mɔgɛ toenu ya ko-yogomɛ ma tumɛ min, anubɛ Lifayi bɔnsɔn toenu, Sedoki kebilɛ kɛ le dɔrɔn ya anu natelen n ye. Anu ma kofu doinu ma wulɔn.

Yilan-Yilan Koe 1:53

Kɔnɔ Lifayi mɔgɛnu ni sigi nna Fani-Bɔnla minɛ rɔ ka a kandan woletɔ mɔgɔ-wo-mɔgɔ ti a gbɛrɛn wo ma. Ni wo ma, nna diminyɛ si taran Isirɛla mɔgɛ bɛɛ kuma.”

Yilan-Yilan Koe 16:46

Musa ya a fɔ Aruna ye ko, “Ta tiriya ka isɛnti-munke bi anubɛ ta-wɔlɔn do ka bɔ saraka-mintan-tinɛ kuma. I ni wonu sa ila ta-kɔ-miran rɔ bawo Mari fonde ara bɔ ha a ara kiraya-fitinɛ layigi Isirɛla mɔgɛnu kuma. I tiriya ka ta mɔgɛnu bara la alako anu hakɛ yama si togon iko i duruta a mala nya min.”

Yilan-Yilan Koe 16:6

Ile Kora anubɛ i gba-fɛ-bilalɛnu, wo ye kɛ le mala sina. Wo ni na wola ta-kɔ-mirannu na wo bolo. Wo ni ta-wɔlɔnnu sa anu tɔ anubɛ isɛnti ka ta a la saraka-mintan-tinɛ iko saraka-masɔlɛ bɛnta ka a ma nya min. Sina, ma si a yen, Mari ara mɔgɛ min yabɔ ma tɛma wona. Wole, wo ara wotɛ latenbi!”

Luka 1:9

Anu ya ale Sakaraya yabɔ koron-nakɛ fɛ ko a ni don Mari Bato-Bɔn la ka fen-suma-diyamɛ mintan iko anuna namu ye nya min,