2 Ko-Kɔrɔta-Karan 12:6 - ALLALA KUMƐ

⁶ Ale mansɛ anubɛ ala mɔgɔ-banu ya anu sɔ anu hakɛ la. Anu ko, “Mari ye tonyɛ le kun na kɛ la.”

2 Ko-Kɔrɔta-Karan 12:6 ပူးပေါင်းရင်းမြစ်များ

2 Ko-Kɔrɔta-Karan 12:12

Bawo a ara ban a nyɛrɛ latenbila Mari ma, Marita diminyɛ wo ma a kasara. Wo kɔma, koe bɛɛ tara a kilɛ fɛ Yuda nyamanɛ rɔ.

2 Ko-Kɔrɔta-Karan 21:2

Mansa Yɛhosafatila den Yɛhoram wo dɔgɛ mɔgɔ wɔrɔ ye nyɔ nun. A dɔgɛ wonu tɔgɛ le kɛnu na, Asaraya wo, Yɛhiyɛli wo, Sakaraya wo, Asarayahu wo, Maikali wo, anubɛ Sɛfataya.

2 Ko-Kɔrɔta-Karan 32:26

Kɔnɔ tɔ-a-la, Mansa Hɛsakaya anubɛ ala mɔgɛ minnu bi Yerusalɛm, wonu ya anu famayigi. Woletɔ Mari ma anu tɔrɔ wo tumɛ ale mansɛ ye a kɛndɛ la.

2 Ko-Kɔrɔta-Karan 33:12

Ka a tɛgɛ ala tɔrɔyɛ wo ma, a ya a famayigi ka di ata Mari Alla dala alako wo ni a kunyɛ bɔ gbaran wo rɔ.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

2 Ko-Kɔrɔta-Karan 33:23

Kɔnɔ a ma a famayigi Mari ye iko a fa ya a ma nya min, ado a ya hakɛ kɛ ka tenbi a fa la.

Yobu 33:27

A si sɔ nyama tɛma, a ni a fɔ ko, “N bara hakɛ kɛ.” A ni a fɔ ko, “N ma ko-nyima ma kɔnɔ Alla ara n nakanan.

Yaburi 129:4

Kɔnɔ Mari min telennɛ, wo ara n bɔ yɔɔnyɛ rɔ.”

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 9:27

Ale mansɛ ya mɔgɛ do sɔ Musa anubɛ Aruna kele tinɛ. Ale mansɛ ya a fɔ anu ye ko, “N bara bila wota Mari la wati kɛ rɔ. Yoe ye wota Mari bolo. Malebɛ nta mɔgɛnu yiliki.

Yɛrɛmaya 13:15

Nde, Yɛrɛmaya ko wole, Yuda mɔgɛnu ni wo tole masɔ Marita kumɛ la. Wo kana wasi bawo ale le ya kɛ fɔ wo ye.

Yɛrɛmaya 13:18

Mari ya a fɔ n ye ko n ni kɛ fɔ Yuda mansɛ anubɛ a na ye. A ko anu ni anu nasɔ anuna mansaya-waganɛ rɔ. Anuna mansaya-fulɛ si bɔ anu kunyɛ la.

Yɛrɛmaya 44:10

Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Daniyɛli 5:22

“Kɔnɔ ile, ala dan, i sa i famayigila, ado min mara i fa la, i ya kɛ dama lɔn.

Daniyɛli 9:14

Ile, mata Mari Alla, i ya i rabɛn ma tɔrɔ kan ma, ado i ya a ma le, yɔ! I ya wo ma bawo i ya ko-wo-ko ma, wo telennɛ le tede! Kɔnɔ hali wo, ma ma ma tole masɔ i la.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Romu 10:3

Alla si mɔgɔ latelen a nyɛrɛ ye nya min, anu ma wo lɔn. Anu bara anu taya ka anu nyɛrɛta kilɛ nyini. Alla si mɔgɔ latelen a nyɛrɛ ye kilɛ min fɛ, anu ma sɔnnɛya Alla ye kilɛ wo ma.

Yemesi 4:10

Wo ni wo famayigi Alla ye. Ni min ya wo ma, a si wo mɔgɛ layɛlɛ.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

Kɛlɛ-Kurugbɛnu 1:7

Ale mansɛ ya a fɔ anu ye ko, “Nde fanan bara mansa bi-wɔrɔnfila bolo-gbungburu-wɛnu anubɛ anu kin-gbungburu-wɛnu tɛgɛ anu na nun. Mansɛ wonu tora dɔn-fen-pɛrɛnu denu matɔnbɔnna nna tebulu kɔrɔ. Kɔnɔ n ya min ma wonu na, Alla ara wonu denu tayili sara n na kɛ la.” Anu tara ale mansɛ la Yerusalɛm, a fagara kan min.