2 Ko-Kɔrɔta-Karan 12:5 - ALLALA KUMƐ

⁵ Wo le ya a ma, Nɛbi Sɛmaya tara Mansa Rihobowami anubɛ Yuda bɔnsɔn-kun-tiginu bara Yerusalɛm soe burɔ. Kɛlɛ nanɛ, mɔgɔ-ba wonu ya anu buri tala nyɔ rɔ bawo anu kilannɛ Iyipiti mansɛ anubɛ ala kɛlɛ-dannu na. Nɛbi Sɛmaya ya a fɔ anu ye ko, “Marita kilayɛ le kɛ la. A ko bawo wo ara wo ban ale la, woletɔ a ara a ban wole la ka wo kunyɛ don Iyipiti Mansa Sisaki bolo.”

2 Ko-Kɔrɔta-Karan 12:5 ပူးပေါင်းရင်းမြစ်များ

2 Samuwɛli 24:14

Mansa Dawuda ko, “Kɔndɔfili-bɛrɛbɛrɛ le kɛ la n bolo. A ma di n ye n hadama-den-nyɔgɛ ni n tɔrɔ. Yanni wo ni ma, ale Mari nyɛrɛ ni n tɔrɔ bawo kinikinɛ ye ale rɔ.”

1 Mansɛnu 12:22

Kɔnɔ Alla ya a fɔ ata Nɛbi Sɛmaya ye ko

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 11:2

Kɔnɔ Alla ya a fɔ Nɛbi Sɛmaya ye ko

2 Ko-Kɔrɔta-Karan 12:15

Mansa Rihobowami ya koe min bɛɛsi ma ala mansayɛ kɔrɔ ka a fɔlɔ a lawulan anubɛ a laban ma anubɛ a kebilɛ wara-koe, wonu damasi sɛbɛnɛ buku kɛnu tɔ, Nɛbi Sɛmayata nɛbiya-buku rɔ anubɛ Nɛbi Idota nɛbiya-buku rɔ. Mansa Rihobowami anubɛ Yɛrabowami tora kɛlɛ le la tolon!

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 24:20

Wo kɔma, Allata sɛnbɛ yigira Saraka-Masɔla Yɛhoyadala den Sakaraya ma. A sɔra gbɛ rɔ mɔgɛnu si a yen kan min. A ya a kuli mayɛlɛ ko, “Mari Alla ye nyinikalɛ sala ko nfenna wo ye ata tɔnnu tinyana ka kasarɛ lana wo nyɛrɛ kuma. Wo ara wo kan-kɔ sɔ ale la, woletɔ ale fanan ara a kan-kɔ sɔ wole la.”

Yaburi 37:33

Kɔnɔ Mari ti mɔgɛ wo gbala a yogenu bolo la. Ni anu tara a lakiti, Mari ti sɔn a kunyɛ ni to kiti wo rɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 23:33

Mari ya a fɔ nde, Yɛrɛmaya ye ko nɛbi wo, saraka-masɔla wo, ala mɔgɛ toenu wo, ni wo do ya nde, Yɛrɛmaya manyinika ko, “Mari ya kuma-gbilimɛ nyuman fɔ?” N ni a fɔ wo tigi ye ko, “Wole ara ma kuma-gbilimɛ la Mari ye,” ado a si wo tigi fɛrɛn dugi la pose!

Yɛrɛmaya 4:18

A ko wo sɔn anubɛ wo kɛ-nya le wara kasarɛ kɛ lana wo kuma. A ko wo ye tɔrɔla nya min, wo le kɛ la. A ko dumɛ si wo sɔgɔ wo yisi rɔ.

Yɛrɛmaya 5:19

Wole Yuda mɔgɛnu si to nyinikalɛnu kɛla ko nfenna wota Mari Alla ye karagbɛlɛya-su kɛ sigila wo ma. Mari ko nde, Yɛrɛmaya ni wo yabi ko a ye wo mala le bawo wo ara ale Mari boloka ka sibolo-gbɛrɛnuna bɛsɛnu kɔ wo halala-nyamanɛ rɔ. Woletɔ wo si wɔli sibolo-gbɛrɛnu ye nyamanɛ do rɔ, wo halala ma min na.