2 Ko-Kɔrɔta-Karan 12:3 - ALLALA KUMƐ

³ A nara kɛlɛ-den-siyaman na a bolo, mɔgɔ ma minnu dan lɔn. A nara kirindi waga kelen kɛmɛ fila (1,200) la a bolo anubɛ so-laburila mɔgɔ waga bi-wɔrɔ (60,000). Libiya kɛnu wo, Sudan kɛnu wo, anubɛ fani-bon-nasigilɛ minnu bɔra nyɔ wara la wo, kɛnu denu tara Iyipiti mansɛ dɛnbɛn tinɛ kɛlɛ kɛ rɔ.

2 Ko-Kɔrɔta-Karan 12:3 ပူးပေါင်းရင်းမြစ်များ

2 Samuwɛli 10:18

Siriya wonu ya anu buri Dawudala kɛlɛ-dannu kɔrɔ. Kɛlɛ-dan minnu bi kirindinu naburila, Isirɛla mɔgɛnu ya wonu mɔgɔ kɛmɛ wɔrɔnfila (700) faga. Minnu fanan bi soeenu naburila, Isirɛla mɔgɛnu ya wonu mɔgɔ waga bi-nani (40,000) faga. Isirɛla mɔgɛnu ya Siriya kɛlɛ-den-kun-tigi Sobaki tanban. Wo le ya a ma, wo kunyɛ tora kɛlɛ rɔ.

2 Mansɛnu 7:6

Mari ya a ma, Siriyanu ya anu buri. Mari ya a ma anu na iko Siriya wonu bara kɛlɛ-den-siyamɛ anubɛ anuna kirindinu anubɛ anuna soeenu na-kan le lamɔɛn. Siriya wonu miri nun ko Isirɛla mansɛ ara Hɛti kɛlɛ-dannu anubɛ Iyipiti kɛlɛ-dannu masan anu kan ma.

2 Ko-Kɔrɔta-Karan 14:12

Mansa Esa anubɛ ala kɛlɛ-dannu ya kɛlɛ dabira wati min, Mari ya Sudan kɛnuna kɛlɛ-dannu nɔ anu ye. Anu ya anu buri anu kɔrɔ.

2 Ko-Kɔrɔta-Karan 14:8

Kɛlɛ-dan mɔgɔ waga kɛmɛ sawa (300,000) ye Mansa Esa bolo Yuda nyamanɛ rɔ. Nɛgɛ-walannu anubɛ tanbɛnu bi anu dama bolo. Kɛlɛ-dan mɔgɔ waga fila mɔgɔ waga bi-segin (280,000) ye a bolo ka bɔ Bɛnyamɛ bɔnsɔn-mɔgɛnu tɔ. Nɛgɛ-walannu anubɛ kalabɛnnu bi wonu bolo. Anu kerinte, ado anu kusan kɛlɛ kɛla.

2 Ko-Kɔrɔta-Karan 14:9

Kɛlɛ-kurugbɛ do ye nyɔ min tɔgɛ Sera. A bɔra Sudan nyamanɛ rɔ. A nara kɛlɛ-den wulu kelen (1,000,000) na a bolo anubɛ kirindi kɛmɛ sawa (300). A tara ha Marasa soe burɔ.

2 Ko-Kɔrɔta-Karan 16:8

Sudan kɛlɛ-dannu anubɛ Libiya kɛlɛ-dannu anubɛ anuna kirindi-siyamɛnu anubɛ anuna so-laburila-siyamɛnu, anu ma siya Siriya kɛlɛ-dannu ko i ya minnu nɔ nun, ba? Kɔnɔ bawo i lara Mari la a fɔlɔtɛ rɔ min kɛ, woletɔ a ya nɔlɛ di i ma worɔ.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Isikiyɛli 30:5

“N ya kɛlɛ-dan minnu masan Sudan, Libiya, Lidiya, Arebiya, anubɛ Kubi nyamanɛnu tɔ, kɛlɛ wo si wonu faga. Hali n nyɛrɛta mɔgɛ donu si taran mɔgɔ-faganɛ wonu tɛma.

Daniyɛli 11:43

Sɛnɛ anubɛ wodi-gbɛ anubɛ fen-kolomɛ min dogonnɛ Iyipiti kɛnu ma, a si wonu toronde anu bolo. A si Libiya kɛnu anubɛ Itiyopiya kɛnu nɔ fanan.

Nehami 3:9

Tibisi soe kɛ, Sudan nyamanɛ tora ale le kɔrɔ. Iyipiti mumɛ fanan tora ale le kɔrɔ. Ata sɛnbɛ-dan ma taran. Anubɛ Puti kɛnu anubɛ Libiya kɛnu tora ko-kelen tɔ.

Lankɛnimayɛ 9:16

Kɛlɛ-dan minnu siginɛ soeenu na, wonu yatɛ fɔra n ye. Wulu kɛmɛ fila (200,000,000) le nun.

Kɛlɛ-Kurugbɛnu 4:13

a ya ala kɛlɛ-dannu anubɛ nɛgɛ-kirindi kɛmɛ kɔnɔntɔ makele ka bɔ Harosɛti-Hagoyim soe burɔ. Anu tara Kisɔn bɛ fɛ kɛlɛ-kɛ-tinɛ.

Kɛlɛ-Kurugbɛnu 6:5

Anu bi nala anuna kolo-fen siyamɛnu na anubɛ anuna fani-bɔnnu iko kondɔnnu ka Isirɛla nyamanɛ rakolonya.

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.