2 Ko-Kɔrɔta-Karan 11:6 - ALLALA KUMƐ

⁶ A ya tarɛ mini soe minnu ma, wonu tɔgɛ le kɛnu na, Bɛtalehɛm wo, Itam wo, Tekoya wo,

2 Ko-Kɔrɔta-Karan 11:6 ပူးပေါင်းရင်းမြစ်များ

2 Samuwɛli 14:2

Musu-hɛnkilimɛ min siginɛ Tekoya soe burɔ, a ya kilayɛ lata wo do ma. Musi wo nanɛ, ale Yohabu ya a fɔ a ye ko, “I nyɛrɛ ma saya-di-kɛlɛ la. I kunyɛ fosokore to i kuma. I ni bɛgi-gbɛ don i kan na. A ma iko i wara mɛ diyi kɛla dɔgɔma-ma-de!

1 Ko-Kɔrɔta-Karan 4:3

Kelabu min tɔgɛ fanan Karimi, ala musi Ɛfarati, wota sarɛ le Huri la. Huri kɛ kegeyɛnuta so datɛgɛnɛ le Bɛtalehɛm na. Huri wo ya den-kei mɔgɔ sawa sɔrɔn, Itam wo, Pɛnuwɛli wo, anubɛ Ɛsɛri. Hurila den Itam wo ya den-kei mɔgɔ sawa sɔrɔn, Yɛsɛreli wo, Isima wo, anubɛ Idibasi. Itam wo ya dunmusi kelen sɔrɔn. Wo tɔgɛ le Hasɛlɛlɛponi. Hurila den Pɛnuwɛli kɛ le ya Kɛdɔ soe datɛgɛ. Hurila den Ɛsɛri ya Husa soe datɛgɛ.

1 Ko-Kɔrɔta-Karan 4:32

Ale Simiyɔn kegeyɛ donu sigira so lolɛ donu tɔ fanan. So lolɛ wonu tɔgɛ le kɛnu na, Itam wo, En wo, Rimɔn wo, Tokɛn wo, Asan wo,

2 Ko-Kɔrɔta-Karan 11:5

Ale Mansa Rihobowami tora sigini Yerusalɛm soe burɔ. A ya tarɛ mini soe donu ma Yuda anubɛ Bɛnyamɛ nyamanɛnu tɔ.

2 Ko-Kɔrɔta-Karan 11:7

Bɛti-Suri wo, Sɔkɔ wo, Adulam wo,

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Nihɛmaya 3:27

Tekoya kɛnu ya nyɔ-tatugunnɛ tarɛ kan tinɛ min sɔ tun, wo le ya a dabira kan-tina-layan-bɛ ma anu si Bato-Bɔn kandan min na ha ka ta ke Bato-Bonna-wɔli-kɛlɛnuna luyi dan ma min tɔgɛ ko Ofɛli.

Nihɛmaya 3:5

Tekoya kɛnu ya doi wo tatugunnɛ sɔ kɔnɔ Tekoya kun-tiginu ma anu sɛbɛ don ka wɔlɛ kɛ wɔli-tiginu kɔrɔ.

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Kɛlɛ-Kurugbɛnu 15:8

A kɛra anu ma wuyan, ka anu siyaman faga. Wo kɔma, a tara mɛ Itam faran la.

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.