2 Ko-Kɔrɔta-Karan 11:23 - ALLALA KUMƐ

²³ Ale Mansa Rihobowami bɔra hɛnkilimaya-koe do la ka ala den-keinu sigi soe donu kun na Yuda anubɛ Bɛnyamɛ so-latankanɛnu tɔ. A ya dɔn-fen-siyaman di anu ma ka musu siyaman furu anu ye.

2 Ko-Kɔrɔta-Karan 11:23 ပူးပေါင်းရင်းမြစ်များ

Ko-Dabirɛnu 25:6

Kɔnɔ yanni Iburayima ni faga, ala musi doinu ya dan minnu sɔrɔn, a ya wonu kɔ a bolo-fan wonu tɔ. Wo kɔma, a ya dan wonu nata nyamani-gbɛrɛ rɔ tele-bɔɛ wara la alako anu ni bɔ ala dan Isiyaka dafɛ.

2 Ko-Kɔrɔta-Karan 11:22

Ala den-keinu tɔ, Abaya di a ye anu dama ko. A ya a bole sɔ wo la ko ni ale sa tumɛ min, wo le ye tola a gbɛ rɔ mansayɛ la.

2 Ko-Kɔrɔta-Karan 11:5

Ale Mansa Rihobowami tora sigini Yerusalɛm soe burɔ. A ya tarɛ mini soe donu ma Yuda anubɛ Bɛnyamɛ nyamanɛnu tɔ.

2 Ko-Kɔrɔta-Karan 12:1

Ale Mansa Rihobowami ban fanka sɔrɔnna mansayɛ rɔ tumɛ min, anubɛ ala nyamanita-mɔgɛnu ya anu ban Marita tɔnnu bira koe ma.

2 Ko-Kɔrɔta-Karan 21:3

Anu fa Mansa Yɛhosafati ye a kɛndɛ la wati min, a ya sɛnɛ anubɛ wodi-gbɛ anubɛ fen-koloma-siyaman di anu ma. A ya ala dan kɛnu ma so-tiginu na Yuda so-latankanɛnu tɔ. Yɛhoram min bi ala sarɛ la, a ya a ma, wo tora ale gbɛ rɔ mansayɛ la.

Luka 16:8

“Kun-tigi-kensunte kɛ tigi ya a matɔgɔ halliyɛ-su wola ko la bawo duninya-kɛ-mɔgɛnu halliyanɛ anuna koenu tɔ ka tenbi wonu na minnu bi waantɛ la.”